#کلیپ #کربلایی امیر کرمانشاهی #کربلایی محمد حسین پویانفر 🍂▪️✨#خاطرات_اربعین

#دور یاتما زواریم گلور قارداش ابوالفضل #اربعین ▪️✨▪️✨▪️✨▪️✨ #اربعین . #حاج صمد قاسمپور . دور یاتما زواریم گلور قارداش ابوالفضل یورقون بالالاریم گلور قارداش ابوالفضل . . قرخ گونون عرضینده باجیم گورنه قوجالیب سوسوزلوقدان بالالاریم سولوب سارالیب معلوم اولان بیر عده سی یولاردا قالیب محرم اسراریم گلور قارداش ابوالفضل . . . چوخلی مصیبته دوزوب کرب و بلاده کوفه و شامی دولانوبیب پای پیاده بیر نظر گوزدن قویموب منی جداده یار وفاداریم گلور قارداش ابوالفضل . . . واردور باشیندا زینبین چوخ ماجراسی باجیمون گلمز شماره درد و بلاسی توخدامیب ئورگینین هله یاراسی قافله سالاریم گلور قارداش ابوالفضل . . . دور پیشواز ائت زینب نالانی قارداش آغوشینه وئر اصغر عطشانی قارداش جانیم اولا زینبمین قربانی قارداش یاتما اویان یاریم گلور قارداش ابوالفضل . . . نهضتی احیا ایلین زینبدی زینب برپا قیامت ایلین زینبدی زینب یزیدی رسوا ایلین زینبدی زینب وفالی دلداریم گلور قارداش ابوالفضل . . . بو کاروانیله گلور حسینین جانی دور یاتما استقبال ایله بو کاروانی وئر زینبین آغوشینه اوخلی قربانی غم گونی غمخواریم گلور قارداش ابوالفضل . . اصغره لای لای دیئری آغلیری زینب اوغلی ئولن آنالاری داغلیری زینب قرخ گوندی باشینه قرا باغلیری زینب یورقون عزاداریم گلور قارداش ابوالفضل

دور ای منای عشقده قاننه باتان قارداش #اربعین 🥀🌿▪️🥀🌿▪️🥀🌿▪️ . #سبک_خداحافظ_ای_آنام_باجی … 3 سبک #سبک_شیرین_سوزوم_آیدین_اولدوزوم … #سبک_عم_اوغلی_چوخ_گل_سارالار . #مرحوم صحاف تبریزی . دور ای منای عشقده قاننه باتان قارداش بالاسی سینه سنده بو قبریده یاتان قارداش جلالی ششگوشه قبرینین عالمی قویان حیران شأنوه باجون قربان . . . اگرچه خوشدی بلبله یاتسا گل بوداقنده ولی چتیندی اولسا اگر یاره گوز قباقنده گورونمیوب بالا اولا دفن آنا قوجاقنده وار اختصاصی بیر سنه ای شه جهان قارداش . . ایدردیم آرزو چکم قبر پاکون آغوشه وصالون عطرینی آلوب گلدی خونِ دل جوشه بو مشگبو مزاریوی ایلیوبدی ششگوشه ایاقون آلتدا دفن اولان اکبر جوان قارداش . . گیدنده شامه پیکرون گوردوم ای شه عطشان ایدوبله دسته گل کیمی یرده ظلمله خندان نه وار کفن نه دفن ایدن باغریم اولدی غمدن قان گوزومدن اولدی خونِ دل عارضه روان قارداش . . اوگون گروه اشقیا ویرمدی حسین مهلت قویام مزاره نعشوی اولدی چوخ منه حسرت قویوب بو قبره کیم سنی جسمون ایلیوب راحت ئولنجه وار یری ایدم شیون و فغان قارداش . . وفا یولوندا آتش محنتیله یاندیم من محبّتونده هر غمه صبر ایدوب دایاندیم من باشون دالنجا باش آچوق چوللری دولاندیم من مقام صبریده دوزوب ویردیم امتحان قارداش . . گیرنده کوفیه حسین اهلبیت پیغمبر حریم عصمته او گون آشکاریدی محشر سنق کجاوه قیزلارون بی نقاب و بی معجر بویونلاریندا سلسله قولدا ریسمان قارداش . . اوخوردی نیزه ده باشون آیه آیه قرآنی سالوردی حیرته حسین کافر و نصارانی آخاندا قانلو گوز یاشون آغلادوردی دنیانی ویروردی سس سسه هامی اهل کاروان قارداش . . او باش که بسلمیشدی کیم فاطمه گول اوستونده گھی گول اوسته نازیله گاه سنبل اوستونده اوباشی قویدی خولیِ بیحیا کول اوستونده تنوردن باشوندا وار ایندیده نشان قارداش . . گورنده گول یوزونده کول اوزگه حالته قالدیم حسین دیوبدی باشیمی چوب محمله چالدیم بویاندى قانه ساچلاریم شیون عالمه سالدیم منیله خوردا قیزلارون اولدی همزبان قارداش . . زیادین اوغلونی حسین یتمسون گوروم کامه پیمبر اهلبیتینی چکدی مجلس عامه آچوب شمادته دلین ویردی ظلمین اتمامه دلیمده یوخ او مجلسین شرحینه توان قارداش . . نتیجه شامه دمبدم محنتیم مزید اولدی بوکولدی غصّه دن قدیم ساچلاریم سفید اولدی حیاتدن بالالارون دویدی ناامید اولدی او قدری قمچی ووردیلار شمریله سنان قارداش . . یتوردی شامه صبحدم شمر عیال طاهانی او صبح شام او گون بیزه اولدی لیل ظلمانی فرنگ روم اسیری تک گزدیروبله هر یانی دونیدی کاش او گونده بو گردش زمان قارداش . . عجوزه گوردی غرفه دن ای شهنشه دوران گلوب تکلمه اوغور نیزه ده باشون قرآن الینه بیر داش آلدى تا ووردی سجده گاهوندان باشون یاریلدی نیزه دن آخدی تازه قان قارداش . . دولاندوروبلا صبحدن شامه فرقۀ باطل اولاندا شام ویردیلر بیر خرابه ده منزل نه چکدی اوردا عترتون ای شهید خونین دل آپاردی خوردا قیزلارون بیربیره امان قارداش . . یزید بی حیا ز بس ایتدی ظلمده طغیان شراب بزمنه چکوب عترتون او بی ایمان بو قدری وار او بزمده آخدی لبلروندن قان شراره سالدى دللره ظلم خیزران قارداش . . خرابه محنتین دیسم روحوه اذیتدور نقدری وار جهان منه مایۀ مصیبت دور بو قدری وار رقیّه دن، زینبون خجالتدور او یرده ویردی آج سوسوز حسرتیله جان قارداش . . صحاف ایدر نوا گلور داده صبح و شام آغلار حسین حسین دیوب یوزه سیل اشکنی باغلار شرار آهله یانوب قلب عالمی داغلار بیر اربعین بو قبریوه ایسته میهمان قارداش

🏴#اربعین 1400 🔰 #استودیویے جدید 🥀#دلشوره 🎙 #حسین_طاهرے

ای تشنه شهید کربلا قارداش #اربعین 🏴🏴🍀🏴🏴🍀 #مرحوم کاتب اردبیلی . ای تشنه شهید کربلا قارداش زینب بو مزاروه فدا قارداش . . من شامه گئدن زمان بو صحرادن دفن ائتمگه قویمادی سنی دشمن اوچ گون یارالی قوم اوسته قالدون سن من اولدوم اسیر اشقیا قارداش . . سندن صورا چوخ یری دولاندوم من دروازه ی شامده دایاندوم من از بسکه ویروبلا طعنه یاندوم من اولدوم غم و درده مبتلا قارداش . . شام اهلی چخاردی بام دیواره الده دف و چنگ کوس نقاره ایلردی شماتت آل اطهاره ائتمزدیله حقدن حیا قارداش . حکم ائتدی یزید لشگر شامه چکدی اسرانی مجلس عامه ظلم و ستمین یتوردی اتمامه یاندیردی منی او بی حیا قارداش . . رحم ایلمدی یزید بی ایمان مسکن بیزه وئردی مسجد ویران اول یرده ئولوب سکینه ی نالان بوکدی بیلیمیز بو ماجرا قارداش . . گه ویردی جدایه باشوی عدوان گه خولی آپاردی مطبخه مهمان قویدی کولون اوستونه او بی ایمان مهمانینه ایلدی جفا قارداش . . بسدور داخی یازما کاتب مضطر آخرده الونده اود دوتار دفتر شاه شهدایه زینب عرض ایلر ای تشنه شهید کربلا قارداش

داغدار ایتدی حسین پوزقون مزارون زینبی #اربعین 🍁🥀🍁🥀🍁🥀🍁🥀 🍁#زبانحال حضرت زینب سلام الله علیها در اربعین امام حسین علیه السلام #ابواالفضل عظیمی بیلوردی . داغدار ایتدی حسین پوزقون مزارون زینبی آتش عشقه سالیب ، صبر و قرارون زینبی . . غم قوجالدیبدیر منی ایلیبدی گیریان قارداشیم گؤز یاشیملا بیر آخور گوزلرده کی قان قارداشیم چوخ مصیبتله یتیشدیم قبریوه، جان قارداشیم ایله دی نیسگیل داغی محزون غبارون زینبی . . سویلییم آخیر سنه من هانسی بیر فرجامدن کوفه دن یا دیرراهب دن یا راه شام دن گل دییم بیر قورخولی ویرانه قالمیش دام دن گؤر نجه سوزان ادیبدیر طفل زارون زینبی . . باغریما اود سالدی هیجران،قانه دولدی شامده غصّه دن بیر نوگولون آج یاتدی سولدی شامده هچ سوروشمورسان رقیّن پس نه اولدی شامده جان وئریب یاندیردی نازلی یادگارون زینبی . . محبس اولدی روحیمه اول مُلک شامی قارداشیم شرمسارم کی دییم من چوخ کلامی قارداشیم اکتفا ایت بو سوزه آل بو سلامی قارداشیم یاندیریب یاخدی خلاصه روزگارون زینبی . . قالمادیق ساکت ولی پوزقونلی بیر آمالده عرصه نی دار ایلدوخ ظلمه خروشان حالده فرصتی دشمندن آلدیق، وقت قیل و قالده صبره تسلیم اولدی چون دوتدی وقارون زینبی . . ایلدوخ رسوا یزیدی شامده سجّادیله ناگران اولما کی جنگیم وار گینه بیدادیله هاشمی بولبل لری قویمام گزه صیّادیله عارف فاضل ایدیب عطر بهارون زینبی . . خطبه میز یارمیشدی دشمن باغرینی شمشیر تک گؤز یاشی آنجاق سلاح اولموشدوی کسکین تیر تک روبهان کوفه و شامی ویرورودوق شیر تک ایلدی سوزلر دَنیزی اقتدارون زینبی . . باخما معناده بیله نیسگیللی محزون هیئته دولموشام آللاهه آند اولسون سراسر حیرته یندیریب جانون تکان ویر قلب شاه امته گورنه حاله سالدی قانلی لاله زارون زینبی . . اولموشام افسرده هجرانیندان ای دریای داد گل دعا ایله بو تزلیکله آچیم وصله قاناد قالمییم دونیاده گؤرموم بیر بیله جور و فساد ایلدی مفتون او راز آشکارون زینبی . . دونیانین باغرین گرک بو کربلاده داغلییام نیسگیلین چوخدور یری وار هرنه قدری آغلییام قالمادی فرصت منه قارداش! یاراوی باغلییام غرق ماتم اتدی حزن بیشمارون زینبی . . قوی غریبلیق لرده یانسین قوربانون اولسون باجون چیرپینان قلبی دایانسین قوربانون اولسون باجون باشیوه پیدر دولانسین قوربانون اولسون باجون اودلادی دنیاده چشم اشکبارون زینبی . . روحیوی قیترماقابیر یول چالیش منله حسین آیریلیقلار آتشینده دور آلیش منله حسین دلشکسته قالمیشام گل بیر دانیش منله حسین الامان ایلیبدی حال انتظارون زینبی . . اَللری قوینوندا باخ گور نه نوا ایلیر رباب سینه داغین غملی حالدا برملا ایلیر رباب ایستیوردردین دیسین امّا حیا ایلیر رباب اودلادی بو همسر بی اختیارین زینبی . . ناز بالاسین ویر آنا بیر آرزییا چاتسین حسین باغرینا باسدیقجا بیر بیر غملرین آتسین حسین اصغرین راحتدی راحت تر ولی یاتسین حسین یاندیریب یاخدی عجب دیلسیز هزارون زینبی . . من دییم یالقیز بالاندا ، سنده اکبردن بویور من دییم نازلی رقیّه ندن، سن اصغردن بویور من دئییم یاسدان ، سن عباس دلاوردن بویور قارداشیم چوخ یاندیریبدی روزگارون زینبی . . ئولمیوبسن آمما سن ای عارف عالی مرام حق یولوندا ئولمز هچ بیر شخص مخصوصاً امام بو آخان گوز یاشی اولموش آیریلیقدان وَالسلام عزّته مالک ایدیب پروردگارون زینبی

ای قارداشیمون قولسوز علمداری ابوالفضل #اربعین 🏴✨🏴✨🏴✨🏴✨ #فکری اردبیلی . ای قارداشیمون قولسوز علمداری ابوالفضل پیشواز ایله بو غصه لی زوّاری ابوالفضل . . عشق حاجیلری کعبۀ آمالینه چاتدی سالک نجه کی رتبۀ اجلالینه چاتدی قیزلار پر آچوب منزل اقبالینه چاتدی دور قارداشوین بو چوله زوّاری یتیشدی اللرده ئولن شاهون عزاداری یتیشدی . . یغدیم باشیما جمع دل افکاری گتیردیم یورقون یارالی خرداجا قیزلاری گتیردیم هجران ایلیوب عمرلرین یاری گتیردیم قلبینده بو آواره لرون چوخ سوزی واردی هر تک تکینون سنده ابوالفضل گوزی واردی . . یولّاردا گوزوندن ایراق ای کان کرامت دشمن آتاسیز قیزلاری چوخ ایتدی اذیّت نه شمر و سنان شرم ایلیوب چکدی خجالت نه رحم ایلدی قیزلارا پیغمبره خاطر وردی آتاسیز قیزلاری بیر معجره خاطر . . بیکس بالالارون یوزه گوز یاشی آخیردی هر قیز که ییوب سیلی سنی داده چاغیردی سسلوردی عمو شمرون الی داشدان آغیردی حق نورینی ایستور بودنی سوندوره تز گل چوللرده حسین قیزلارینی ئولدوره تز گل . . تا سن واریدون ای مه زیبا و خجسته ال کیمسه آچانمازدی گلیلن قیزلارین اوسته سندن صورا ظلمیله اولوب اللری بسته سایون که جفائیله کسیلدی باشیمیزدان دشمن بیزی مأیوس ایلدی قارداشیمیزدان . . تا سن واریدون ای ائلیمون محکم حصاری دلده واردی قیزلاریمون صبر و قراری چپ کیمسه باخانمازدی اخا قیزلارا ساری یورقون بالالار ماتم و اندوهه بَلَندی سندن صورا قارداش باشیما کوللر اَلندی . . یاتجاق علمون بیکس حسینون پری سیندی گنجینه اجلالیمیزون گوهری سیندی بو خرداجا قیزلارون اخا شهپری سیندی بیلدی دوشجک تک تکی چولدن چوله قارداش شاید نچه سی قمچی لر آلتدائوله قارداش . . هر قیز که دچار اولدی اخا زجر سنانه ال باشه قویوب گلدی او دم آه و فغانه سسلندی ابوالفضل سنی داده یانا یانه دشمن لجاجتله عناد اوسته دوراردی کیم آدوی دوتسیدی اونا قمچی ویراردی . . کوچ ایتدوق او گونکه بیزی بو لشگر آپاردی فکر ایلمه بو لشکر کین پرور آپاردی یوخ یوخ بیزی سر نیزه ده کی دلبر آپاردی دوشدوک یارالی باشلارا خاطر چوله قارداش آز قالدی بو قیزلار چوخی یولدائوله قارداش . . شاهددی بیزیم حالیمزه گنبد نیلی آغلاتدی آی ئولدوزلاری سوز دل لیلی اوچ یاشدا قیزا فکر ایله بیردن دگه سیلی او طفل حزینون ایله آرامینی آلدی بش بارماقینون یوزده گویرمیش یری قالدی . . سندن صورا امنیتیمیز گور نه یوخ اولدی دل یاره لری سینمیزه اوچ پر اوخ اولدی شامون محنی کرب و بلادنده چوخ اولدی اوّلده بیزی چکدی عدو بزم شرابه اولدی صورادان منزلیمیز کُنج خرابه . . نه سقفی واریدی نه اونون فرش و چراغی نه یاتماقا بیر بستر و بالشنه اطاقی مسکن بیزه اولمیشدی او ویرانه بوجاقی گرچه گیجه سی ظلمیله قارداش سحر اولدی گوندوزلری امّا گیجه سیندن بتر اولدی . . شامون یغشوب قیزلاری دیداره گلردی مین محنت و غم اوندا بو خونباره گلردی چوخ نخوتیلن بعضی سی گفتاره گلردی بعضیلری چوخ بغض و عناد اوسته دوراردی بعضی سی بیزه دل یاراسی گونده وراردی . . گورجک اولاری دیده خونبار رقیّه فوراً پوزولاردی دل و افکار رقیّه اوندا من اولاردیم گنه غمخوار رقیّه آهسته باخوب تای توشونا اشگین اَلَردی بوینون قویوب ئوز چیگنینه حسرتله ملردی . . بعضی سینون امّا اورگی حالینه یاندی آهسته گلوب منزل ویراندا دایاندی یولداشلارونون ایتدیگی اعماله اوتاندی گلدی دله عرض ایلدی ای ماه مدینه سن اکبره خاطر بیزی عفو ایله رقیّه . . سن طوطی پر بسته شاه شهدا سن هر بیکس و مظلومیه غمخوار و رجا سن دردی اولانون دردینه عالمده دوا سن «فرهاده» خانم بیر نظر ایله الی بوشدی دنیاده بیلورسن که سنون عشقوه خوشدی

ای فاطمه نین قلبینون آرامی حسینیم #اربعین 🌾🌾🍂🌾🌾🍂🌾🌾 #زبانحال حضرت زینب کبری سلام الله علیها به امام حسین علیه السلام در اربعین حسینی #حاج مجید امینی تبریزی . . ای فاطمه نین قلبینون آرامی حسینیم ترمیم ایلین پایه ی اسلامی حسینیم . . زینب بو گوزل قبریوی مین جنّته ویرمز دنیاده قالان عمرینی بو ساعته ویرمز . . قبروندی بو یا اینکه گلستان وفادی قبر اولسادا گلشن کیمی پرذوق و صفادی هر درده بو قبرین توزی عالمده شِفادی بیجا دگی قبرون بو قدر کامه چاتوبدی بو قبریده زهرا آنامین روحی یاتوبدی . . بو قبری طواف ایلین ایلر عمل خیر عادی نظریله باخانا قبریدی لاغیر من تک باخانین فکری درست ایلسه گر فکر بو قبر گورر اوندا نجه عطر فشاندور واللهی دیر قبر دگول باغ جناندور . . بو قبریوی کیم گورمسه بولمز که نلر وار بو قبر حریمینده دعالرده اثر وار بو تربت پاکونده منه کُحل بصر وار هرکیم آلا آغوشینه بو خاکیله خشتی حتماً بو مزاروندن آلار عطر بهشتی . . من شاکرم الله یتیروبدی منی مجده بو مجد و جلالون گتیرور زینبی وجده الحق اولا زیبنده دی بو تربته سجده بو تربت اولوب قانیویله چون که سرشته وار حقّی وورا کرب و بلا طعنه بهشته . . بو قبرون ایدوب زینبیوی غرق تماشا بولمور نه دیه نه دانیشا ای گل زهرا چوخ سعی ایدورم صحبته نطقیم اولا گویا سندن سوروشام یاره لروندن نه خبر وار قاسم کیمی مه پاره لروندن نه خبر وار . . بو قبر کنارینده رضادور اُله زینب گیتسه وطنه شامیدن ایلر گله زینب آماده دی بیرده دوشه چولدن چوله زینب امّا بولورم نازلی رقیّه منی گوزلر اول کشته ی اولاد امیّه منی گوزلر . . اوّل سویونر قبریوه هرکیم اولا زائر امّا قییدنده سخلار قلب مسافر گیتسمده ولی گیتمز اورکدن بو مناظر تاپسون سنیله رتبه مقدّردی بو قبرون آی سهلیدی، گوندنده منوّردی بو قبرون . . شاماته گیدوب ایلمیشم کشف حقایق هاردان اولا بولّم سنه بیر زائر لایق اولسان بو سوزومده منیله سنده موافق نذر ایلمیشم قبریوی گورسم سورونم من بو قبر کنارینده غباره بورونم من . . همدم منه بو گوزدن آخان اشک بصردی چخماز بو یادیمدان باشیوی شمر کسردی سنبل کیمی قبروندن اوتور گوگلوم اسردی قبرون کیمی نه قبر اولی نه بیر بیله درگاه بو منصبی تنها سنه اعطا ایدوب الله . . گلمزدی خیاله گل زهرانی سولیدی زینب گوزی فکر ایتمزیدیم بیله دولیدی ایکاش رقیّمده کناریمده اولیدی پروانه کیمی شمع وصالینده یانیدی قبرون باشینا حسرتیله بیر دولانیدی . . ویرانه ده نه بیر دانیشاردی نه گولردی هر بیر آنا گیزلین دانیشیدی او بولردی گلسِیدی بو قبره سنه قربان کسیلردی من گلدیم اوزوم رخت وفانی دیمه سویدوم یاندی اورگیم، روحیمی ویرانه ده قویدوم . . بو شعری امینی اوزی بولدی نجه یازدون جان واردی کلامونده، دیمه دوز یولی آزدون قویسیدیله گر گوزدن آخان اشکی یومازدون امداد اوزی ایتدی سنه دردانه رقیّه ویرانه ده جان ویردی غریبانه رقیّه . . #سبک_ای_باد_صبا_کرببلایه_گذر_ایله … بیش از 7 سبک

اربعین زائریوخ حضرت ثاراللهه #اربعین 🏴🏴🥀🏴🏴🥀🏴🏴 #زبان حال زایران و خادمان اباعبدالله در زیارت اربعین… و گریز به شهادت حضرت رقیه #کربلایی رحیم شایان . اربعین زائریوخ حضرت ثاراللهه گئدیروخ نوکر دربست ابی عبداللهه فخریله خدمت ائداخ درگه شاهنشاهه دئیروخ باخ آقاجان بیزده دل بی تابه نقد جان بسلمیشوخ سن کیمی بیر اربابه . . خدمت ایتماق سیزه فرق ایلیری فرموللاریلان شانوز اعلی دی سیزین دنیوی مسووللاریلان ایشلیروخ حضرتوزه تک تک سلوللاریلان هل اتی سوره سی قرآندا سیزین شانیزده قدرت مطلقه لا یتناهی سیزده . . عاشقوخ بین حرم سینه ووروب آغلیاروخ سسلروخ ای وای حسین سینه میزی داغلیاروخ تاج عزتدی بو قاره که باشا باغلیاروخ نوکر خونجگروخ فخریدی نوکرلیقیمیز ظاهرا نوکروخ اما بودی سرور لیقیمیز . . کیم سنه خدمت ائده هر بیره مین لر وئره سن آغلیانلاریوه جنتده ئوزون یر وئره سن کرمون ویژه دی خادم لره بهتر وئره سن جاذبه ندن دی شهادت اولور احلی من عسل شمع جمعون ائدیب عالم لری پروانه مثل . . جان ویروبسن که قالا مکتب و قرآن زنده دین اسلام اولوب قانیویله. پاینده ثابت ایتدون که حسینیله بو دین ایمنده بذل جان شهره دی سیزلرده من الیل مبیت ایندی ده هر نه سیزین الده دی یحیی و یمیت . . قدم آتدوقجا دوشور یادیمه چون زینب زار اودی که طول مسیر اکثر گوزلر آغلار هره بیر نیتیله اولموش اونا تعزیه دار بیری اکمیش اورگینده گل ایمان بذری بیرینین واردی هر ایل حضرت زینب نذری . . خیمه گاهه گئدر هر ایل ائلیه نذرین ادا ائوین آباد خانم چوخلار اولوب کامروا کامینه چاتمادی آیا ندن اول خیردا بالا عالم آغلار او سه ساله بالانین نیسگیلینه دویمادی اهل حرم غصه لی شیرین دیلینه . . اگلشردی در ویرانه ده اول نازلی بالا انتظاردان یورولاردی ولی گلمزدی بابا باشلیاردی گئجه نی صبحه کیمی اوخشاماغا ئوزی غملی سوزی غملی هامونی داغلاردی در و دیوار خرابه حالینا آغلاردی . . باشینه گاه دوشردی علی اصغر هوسی دیسگینیب گاه دیردی گلوری زجر سسی روحینه زجر وئریردی او گیجه خاطره سی آز زماندا او بالا دوشموشدی بیر حاله شمر الیندن ائله دی تا دم آخر ناله . . او بالا ئولدی اونون مدفنی ده اوردا قالوب ایندی قبریندن اونون پرچم اسلام اوجالوب او صفالی حرمی باغ جناندان باج آلوب باخ بو گون عبرتیلن سن رقم اللهه آج ئولن طفل یتوب حشمت گردون جاهه . . ایندی که چاتمیش الیم جود و کرم دامنیوه آند ویررم سنی اول غصه لی پیراهنیوه یوم عاشورده کی خیمه پر شیونیوه انتهای کرمینله بیر عنایت ائده سن آغلیانلاریوه هر یرده شفاعت ائده سن . . گر چه شایاندی تخلص ولی شایان دگولم شانوزه لایق اولان پاک بیر انسان دگولم مور پستم که سزاوار سلیمان دگولم ولی سیز بیر نظره ذره نی خورشید ائده سیز گورمویوب چشم زمان کافری نومید ائده سیز .

عشق را بر روی رمل و ماسه ها دیدم حسین #اربعین 🏴🍁🌿🏴🍁🌿🏴🍁🌿 #مجتبی تاجیک . عشق را بر روی رمل و ماسه ها دیدم حسین غرق در خون روی خاک کربلا دیدم حسین . پیکر پاک تو را پا مال سُمّ اسبها رأس تو بر روی نی از تن جدا دیدم حسین . این کبودیهاست بر جسمم نشان مٰارَأَیْت دیده واکن تا ببینی آنچه را دیدم حسین . کاروان را از کنار کشته ها دادند عبور یکطرف تن ها و سویی دست و پا دیدم حسین . جسم ساقی در کنار علقمه افتاده بود عضو عضو پیکرش ازهم سوا دیدم حسین . چشم واکن چشم پر اشکم روایت میکند بعد تو در این بیابانها چه ها دیدم حسین . از سرِ این شهر تا آن شهر گرداندِندمان بر سرِ بازارها آزارها دیدم حسین . وارثان عفت و شرم و حیا را بی سپر زیر تیر چشمهای بی حیا دیدم حسین . کاروان بود و صدای اَلامان کودکان هرطرف که چشم چرخاندم جفا دیدم حسین . هرطرف که چشم چرخاندم میانِ اُمّتش عاقبت اَجرِ رسالت را اَدا دیدم حسین . بغض سنگینی گلوی خواهرت را می فشرد تا سرت را بین آن طشت طلا دیدم حسین کانال روضه ، نوحه ایام محرم ،اربعین تا ورود اسرا به مدینه ایتا👇 ••✾•🌿🌺🌿•✾•• @rozevanoheayammoharramsoghandi

#مداحی شوق دیدار میجوشه در دل دوباره #میثم مطیعی #اربعین ▪️▪️▪️▪️✨▪️▪️▪️▪️ شوق دیدار، میجوشه در دل دوباره، چه حالی دارم چشمام ابری، یکی نگام کرده بازم، باید ببارم باز اربعین، شد و دلم پر میزنه، بیام زیارت خورشیدِ من، ممنون از اینکه رام دادی، به زیر سایه‌ ات می آم پیاده سوی تو، یه قطره از دریا می شم گم می کنم، خودمو باز، تو حرمت پیدا می شم لایق نبودم که بیام، از لطف تو، اما می شم با اشک‌ چشم هامون، با چشم های گریون آب می زنیم راهو، کاشکی بیاد بارون لبیک یا مظلوم، لبیک یا مظلوم با زائرهات، از یمن و شام و قطیف، شدیم‌ مسافر دریا دریا، قطره های گم ‌شده ایم، به اسم زائر تو این مسیر، نه هیچکی سیلی میخوره، نه تشنه میشه هر طرف رو، نگاه کنم روضه‌ به پاست، دلم آتیشه با چشم تر، با پای دل، این راهو رفتن آسونه ما همه از طورجیم، این هروله یه نشونه آقا لبیک، ما جا موندیم، نام تو بر لب هامونه چِشمام پر از شوقه، سینه‌م پر از درده چه حالی دارم باز، آقا نگام کرده لبیک یا مظلوم، لبیک یا مظلوم آهٍ حسينْ، أنتَ تُزِيلُ ظُلَمِي تُنِيْرُ ذاتي آه یا حسین تو ظلمت درون مرا می زدایی و درونم را روشن می سازی آهٍ حسين تُذْهِبُ عَنِّيْ أَلَمِيْ و كُرُبَاتِي آه یا حسین تو درد مرا میبری و گرفتاریم را حل میکنی آهٍ حسين حُزنُك يَجرِي في دَمِي وَ هْوَ حَياتي آه حسین حزن تو در خونم جاری است و حزن تو آب حیات من است آهٍ حسين بِاسْمِكَ اُعْلِيْ عَلَمِيْ أنتَ ثَباتي آه حسین با نام تو پرچمم را بر می افرازم تو ثبات و استواری من هستی في الأربعينِ قادمٌ أَبُثُّ شَكْوَايَ إِلَيكْ در اربعین به نزد تو می آیم و گلایه هایم را به تو می گویم في الأربعينِ مَاشِياً لِكربلا بَينَ يَديكْ در اربعین، پیاده به خدمتتان در کربلا می آیم في الأربعينِ أَنْحَنِيْ أَصْرَخُ " السلامُ عليك" در اربعین خم می شوم و فریاد می زنم: السلام علیک مشَّايه مشَّايه او بيديَّهِ الرَّايه پیاده می آیم پیاده می آیم، و در دستانم پرچم است جيت آني لِك اَسعى و حاجاتي هَم جَايه آمدم تا به سوی تو سعی به جا آورم، و حاجت هایم نیز با من می آیند خادم اِلَك يحسين خادمت هستم یا حسین لبیک یا مظلوم، لبیک یا مظلوم