🥀▪️یک نفر نیست بهش رحم کنه #نریمان پناهی #شور_سوزناک

درد و غمینده آغلین چشم جهاندی یاحسین 🌾🌿🥀▪️🌾🌿🥀▪️ #یاحسین #حاج اصغر فرشچی (عدلی تبریزی) . درد و غمینده آغلین چشم جهاندی یاحسین شعلۀ آهوندا یانان کون و مکاندی یاحسین . عشق ومحبّتون زبس قلب لره ویرورصفا عاشق اولان بوحسنو ه قلب زماندی یاحسین . اسم مبارکون دیین حاجتنی گورور روا چونکی آدون بودل لره روح رواندی یاحسین . چشم خلایق آغلیوب گلشنوون سولان گونی بزم عزا دوتان سنه عالمیاندی یا حسین . عرشیده عرشیان سنه محفل سوک و غم قورار تک نه بوفرش وعرشیده عشقون عیاندی یاحسین . قانلی او نهضتون ویروب درس شـهادت عالمه فخر ایلین بو نهضته اهل جناندی یا حسین . ماه محرمون اونی یوم شهادتون بیزه نقطۀ عطف اولوبدی چون ورد زباندی یاحسین . قرن لراولدی بوآدون حکمروادی دللره ذکرمصیبتون ایدن پیروجواندی یاحسین . نهضتون اوسته اکبرون قطعه به قطعه دوغرانوب دادو بکاسی زینبون عرشه دایاندی یا حسین . آلدی فراتی قارداشون مشکنی دولدوروب چخوب نفسینی خوار ایدن سووا شیرژیاندی یا حسین . دلده خداخدا سی وار سو یتوره حرم لره خیمه ده العطش سسی موج زناندی یا حسین . اونداکی دگدی مشکه اوخ دنیا دولاندی باشینه قالمادی مشکیده سویی یرده جالاندی یا حسین . سسلدی مشکیمه دگن اوخ منی مأیوس ایلدی کاشکی دگیدی چشمیمه تزگل اماندی یا حسین . قول لاری اولدی تا قلم ساخلیه بـولمدی الم سسلدی اول زمان سنی خجلته یاندی یا حسین . سندی بلون گورنکیمی قارداشوون آخدی گوزی قارداشا قارداش اولومی دوزدی یاماندی یا حسین . سوطلب ایتدون اصغره ویردی جوابین حرمله اللرون اوسته صود امر قانه بویاندی یاحسین . خون خدائیدی اوقان عرش خدایه یوللادون عالمی آغلادان همان گویده کی قاندی یاحسین . گون باتوب اسدی قاره یل شمرکسنده باشیوی گوردولر عالمی دوتان قانلی دوماندی یا حسین . غارته ال آچان زمان اود ویرولوب خیامیوه مال و منالون اودلانوب یاندی تالاندی یاحسین . سوردولر آتلارین تمام جسم شهید لراوستونه بو وَلَدِ زِنالیقا گور نه نشاندی یاحسین . معراجی جدوون یری عرش خدا اولوب اگر معراجا گتدوقون مکان نوکِ سِناندی یا حسین . درگهوه گدا اولان (عدلیدی) نوحوی یازان حشریده اولماسان شفیع اود دا یاناندی یاحسین

🌿🥀هفتاد و دو سینه سرخ هجرت کردند 🌿🥀با سرور آفتاب بیعت کردند 🌿🥀رفتند و به دریای ابد پیوستند 🌿🥀چون رود، به اصل خویش رجعت کردند السلام علیک یا اباعبداللّه الحسین علیه السلام▪️✨🍃 #34 روز تا آغاز ماه #محرم الحرام مانده🏴

ای باتان قاننه طایر خلد آشیانیم 🥀🔸▪️🥀🔸▪️🥀🔸▪️ #شهادت حضرت علی اصغر علیه السلام #سبک_اصغر_ای_بختیمون … (سبک:آچ او شهلا گوزون…) . حاج علی صراطی . ای باتان قاننه طایر خلد آشیانیم قلبیمین پارہ سی اصغر شیرین زبانیم ای شاه دینین سربازی لای لای وردیم اولوبدی ایوای اوغول وای . . یتدی آفت سنون گلشن عمرون سارالدی غمزده باغبانین اوغول آرامین آلدی ای شاه دینین سربازی … . . ای سولان لبلری غنچه تک سوز عطشدن سارالان گل کیمی رنگوه قربان اولوم من ای شاه دینین سربازی … . . ای آدی اصغر امّا اولان اکبر مقامی قانین اللّهه تحفه ویرن عصرین امامی ای شاه دینین سربازی … . . مرد و مردانه دهری اوغول گوزوندن آتدون عمریوون درّینی پُربها بهایه ساتدون ای شاه دینین سربازی … . . باتدون اولدوز کیمی سپهر عزّتده اوغلوم مهر اسلامی قویدون ولی حسرتده اوغلوم ای شاه دینین سربازی … . . ایلین نصرت ای حجّت یزدانه اوغلوم مرحبا تشنه قربان اولان قرآنه اوغلوم ای شاه دینین سربازی … . . ای اولان عشقده زر کیمی عیاری کامل جدّینین امرینه اکبر تک بو چولده عامل ای شاه دینین سربازی … . . گلشن عمریوه صرصر بیداد اسیلدی آناوون دهرده رشتۀ صبری کسیلدی ای شاه دینین سربازی … . . سن منیم سینمون زینت و گلیدون اصغر باغ امّیدیمون گوزل بلبلیدون اصغر ای شاه دینین سربازی … . . راه عشقی کیچیک سنّیله طی ایلدون سن بو گوزل عشقوه آفرین اوغلوم صد احسن ای شاه دینین سربازی … . . حالیوه یانمادی بو چولده آل امیه گور نه آغلور توکور گوز یاشین باجون رقیّه ای شاه دینین سربازی … . . خلد اعلاده گوزلور یولون زهرای اطهر آچوب آغوشینی سسلوری گل اوغلوم اصغر ای شاه دینین سربازی … . . ای کیچک سنّیله پاسدار دین و قرآن اولان اعلا نشین کاخ بهشت رضوان ای شاه دینین سربازی … . . آتش نسگلون یاندرور بو شش جهانی سوسوز ئولدون گوروم قانه دونسون بو فراتی ای شاه دینین سربازی … . . آخدی گوز یاشی تک نهر علقم کوهساره نار حسرت اوغول دللره سالدی شراره ای شاه دینین سربازی … . . آغلاموم نیلیوم بس من بیچاره اوغلوم آز قالور توپراق اولسون سنه گهواره اوغلوم ای شاه دینین سربازی … . . قویدون ئوزعشقوه بو چولده حیران جهانی قالدی تاریخده اسم پاکون جاودانی ای شاه دینین سربازی … . . خادمون صراطی خاطری درده گلوبدی کربلا ایستوری روز و شب ورد ایلیوبدی ای شاه دینین سربازی … . . اولما راضی توکسون اشکنی رخسار زرده آرزوسی بودی دایانسون بالای سرده ای شاه دینین سربازی …

ای دوشن توپراقلاراوسته چاک چاک اعضاسی قارداش ✨🍃🍂✨🍃🍂✨🍃🍂 #زبانحال حضرت امام حسین علیه السلام در بالین حضرت ابولفضل علیه السلام #مرحوم غلامعلی باقری الهامی (هوشی تبریزی) . ای دوشن توپراقلاراوسته چاک چاک اعضاسی قارداش جان ویرن سواوسته عطشان کربلا سقاسی قارداش . ای مه برج دیانت معدن ایمان وتقوا وی همای اوج همت آسمان عشقه عنقا ای نهنگ بحرصولت فارِس میدان هیجا وی آتام شیرخدانین شیربی پرواسی قارداش . . ای ملقّب عبدصالح وی هامی اوصافه دارا سن عجب بوقانلی چولده اوزوظیفن ایتدون ایفا مَشی قیلدون دین یولیله حالیوه عالمده طوبا ای قویان دنیانی حیران شیوۀ شیواسی قارداش . . ای منیم کبش کتیبیم ای اولان پشت وپناهیم مایۀ شأن وقاریم ای علمدار سپاهیم بوکمک سیزساعتیمده ای منیم امید گاهیم وی دیزیمده تاب وقوّت قلبیمون یاراسی قارداش . . سن مَه برج وفاسن هیکل صدق وصفاسن عاشق جانبازدینسن اهل عشقه رهنماسن بومنای کربلاده تشنه لب دینه فداسن ای باتان دین اوسته قانه قامت رعناسی قارداش . . عارض گلفامونون ای گلشن وگلزاری رشگی خجلتیندن ای گوزونده قان اولان حسرتله اشگی جانویرن دین اوسته عطشان ای دولان قانیله مشگی زینت میدان اولان ای پیکرزیباسی قارداش . . سن دگولدون یوخسا قارداش قیدیمه دائم قالاردون تیغ جانسوزیله آتش خرمن کفره سالاردون بیریریشده منیلریله دشمنین جانین آلاردون ای اوزی میدان جنگین فارِس هیجاسی قارداش . . نه سبب وارگوزدن ایمدی قارداشون قارداش آتوبسان حسرتیله قانه گوزده اشگیمی بیله قاتوبسان دوشموسن یورقون یارالی بیله قان ایچره یاتوبسان بولموسن دلده حسینون وارغم عظماسی قارداش . . سن شهید اولدون عیالیم عزّتین فکرین آتاللار دشمنیم امّا بوقانلی چولده مقصوده چاتاللار سن که بوقان ایچره یاتدون یاتمیان گوزلر یاتاللار باشلانارامّاعیال حیدرین غوغاسی قارداش . . سن شهیداولدون بوچولده ای منیم حصن حصینیم دشمنیم تاپدی جسارت قالمادی یارومعینیم دستگیراولماقی ایمدی زینبین اولدی یقینیم اهلبتین اولدی برپا محشرکبراسی قارداش . . رشتۀ مهرووفایه ای اولان عالمده بسته یاتموسن واردورنه علت قان ایچینده دلشکسته آچ اوقانلی گوزولرون گورقارداشووی باشون اوسته اوج ایدورافلا که ذکرِواابولفضلاسی قارداش . . دین اگرفرض اولسا قارداش بوجهاندا بیرگلستان اول گلستانه یقیندورقامتون سرو خرامان کیم گوروبدو لیک اولسون سروبیله قانه غلطان ای باتان دست ستمله قانه سرتا پاسی قارداش . . . رسمدوردوشسه ایاقدان گلشنین سروروانی شُبه یوخ ایلریقینا غم احاطه گلستانی هاردا ایلرمسکن آیا قمریان نغمه خوانی ظلم الیله گرداغولسا مسکن ومأواسی قارداش . . سن اوسرودلرباسن جمله سروه رشک حسرت قمریان اهلبیته سایه سی ای شأن وعزّت ظلمیله دوشدون ایاقدان قیزلارا اولدی قیامت دولدی داد وشیونیله بوبلا صحراسی قارداش . . شیریدون روبه صفت لرپنجه وی قارداش سالوبدور بودوشن اللردی مندن طاقت وآرام آلوبدور یاتموسان قان ایچره خسته پرچمون یرده قالوبدور خاک وخون اولموش بوجسمون بستردیباسی قارداش . . نه جسارت دوربرادرگوستروب بواهل کوفه پیکرون آماج ایدوبلرنیزه و تیروسیوفه ماه آل هاشمی بوظلمیله دوشموش خسوفه یوزقویوب دینین زواله نیرغرّاسی قارداش . . ای اوزی باب الحوئج اهل دینون آبروسی وی دگن مینلربهشته قبر پاک ومُشکبوسی (هوشیه) لطف ایله دلده قویما قالسون آرزوسی باشینه مدّتدی دوشموش کربلا سوداسی قارداش

ای آتام علینون یادگاری قارداش 🌿🥀▪️🌿🥀▪️🌿🥀▪️ #زبانحال حضرت حسین علیه السلام در بالین حضرت قمربنی هاشم علیه السلام #سبک_دولدوروب_جهانی مشابه . مرحوم صحاف تبریزی . ای آتام علینون یادگاری قارداش بو منای عشقین جان نثاری قارداش ای رشید علمداریم غملی گونده غمخواریم باوفا اباالفضل . . ظلمله ایدوبله قارداش اهل کوفه پیکرون نشانه خنجر و سیوفه دوشموسن بو چولده آی کیمی خسوفه قان شفق دوتوب بوگل عذارى قارداش ای رشید … . . یاتما قان ایچینده ای مه شب افروز دور ایاقه قویما بو غریبی یالقوز من که بیر غریبم یالقوزام اوغولسوز دولدوروبدی دشمن بو دیاری قارداش ای رشید … . . بو نه حالدور ای ماه پاره سنده قویمادی بوحالون اختیار منده خیمه گاهه ایندی گل سسون گلنده ظاهر اولدی قلبیم انکساری قارداش ای رشید … . . ایله دون بو چولده بیر جهاد اکبر ماسوانی سالدون حیرته سراسر شاهباز تک سن اوخدان آچموسان پر اولموسان بو سانسیز یاره یاری قارداش ای رشید … . . اللرون بدندن سالدی بو جماعت تاپدی رحمسیزلر اؤستومه جسارت خیمه لرده ایندی باشلانوب قیامت دور ایاقه گور بو وضع کاری قارداش ای رشید … . . قان دولان گوزون آچ ای گوزوم ضیاسی قویما بوغریبون اوج ایده نواسی جانی بو حسینون جانوون فداسی آل هاشمون ای افتخاری قاردانی ای رشید … . . مشگون اوخلاناندا چخموسان اؤزوندن قلبون انکساری گورسنوب یوزوندن کیم وروب سه شعبه بو اوخی گوزوندن اوخلیوب بو قلب داغداری قارداش ای رشید … . . ائتدیلر عموده فرقوی نشانه تشنه لب بویاندون ظلم الیله قانه اللریم بلیمده منده یانه یانه اولموشام بو حالون دلفکاری قارداش ای رشید … . . ای سر سپاهیم وی مه مدینه فرقتون چتیندور چوخ بو دل حزینه الده بوش سو جامی خیمه ده سکینه یولدا قالدی چشم انتظاری قارداش ای رشید … . . . بو عزاده صحّاف ایله ناله آغلا دمبدم عذاره سیل اشگی باغلا بو سوزیله قلب کائناتی داغلا ای آنام عملینون یادگاری قارداش ای رشید …

ای اهالی مدینه شهرون افتخاری گلدی 🌿🌱▪️🌿🌱▪️🌿🌱▪️ #ورود به مدینه #عابد صادق پور . ای اهالی مدینه شهرون افتخاری گلدی پیشواز ایدون سفردن زینبون قطاری گلدی . . دولدوروب نوای زینب بو جهان فتنه خیزی یوخ بیلن قالوب نه حاله اهل عالمون عزیزی حالینی ایدر حکایت دیده گان اشکریزی گلشن شه حجازون باغری قان هزاری گلدی . . نه بلا گوروب بیلورسوز او اسفلی حالتندن خم اولوب رشیده قدّی دشمنون شماتتندن شکوه سی اورکده چوخدی کوفه نون جماعتیندن صحنة غم و بلانون سینه داغلیانی گلدی . . شوکتی گیدوب الیندن آیری بیر جلالی واردور اشک حسرتی گوزینده دلده چوخ ملالی واردور بیر سوری باشیندا یورقون خسته دل غزالی واردور هاشمی جوانلاریندان بوش قالوب کناری گلدی . . گیتمیون قوجاقلاروزدا صودامر اوشاق قباقه اصغرین آناسی گورسه اودلانار غم فراقه گوشواره سین گلین لر بیرده سالماسون قولاقه ال قولاقدا کربلانون حجره تارماری گلدی . . ایتمسین بوگون اقامت ایولرینده نو جوانلار عشق شبه احمدیله قینه سون اورکده قانلار پیشوازه فوری گیتسون اکبریله هم زبانلار الده قانلی بیر عمامه مام اشکباری گلدی . . بیلموسوز ایویز یخلدی غمدن اولمیون جدا سیز باغری قان اولا سریه بیرده اولمیون رضا سیز غصّه سین دوتون نظرده یاخمیون اله حنا سیز قاسمون غمی اورکده او بلا شکاری گلدی . . یول ویرون که پیشوازه گلدی سر سپاه آناسی بیلمور اوغلونون باشیندا وار هله نه ماجراسی دیمیون هله سو مشگی اوخلانوب یاتوب لواسی یا خیامه مشگی الده شاه تاجداری گلدی . . اهل یثربه خلاصه کشف اولوندی اصل مطلب اندی محملیندن اول دم گوردیله بلالی زینب روضة رسوله قویدی یوز او بانوی مؤدب سویلدی بابا اویان دور درد و غم دچاری گلدی . . اهل بیت دین اورکدن اود دوتوب یاناردی تک تک اوج ایدوب سپهره شیون خلقدن بو حالی گورجک اله زینب آلدی ناگه بیر یارالی قانلی کوینگ یوسفون نه گوردی یعقوب عشقینون عیاری گلدی

به شاه تشنه جگر گفت زینب غمناک ▪️✨🥀▪️✨🥀▪️✨🥀 #زبانحال حضرت زینب با برادر ، در قتلگاه #مرحوم صامت بروجردی تضمین از شمس مغربی . . به شاه تشنه جگر گفت زینب غمناک دمی که دید تن چون گلش ز خنجر چاک فتاده بیکفن و غرقه خون به دامن خاک تویی خلاصۀ ارکان و انجم و افلاک ولی چه سود که قدرت نمی کنند ادراک . . بگو به خواهر زارت تو را چه بود گنه که بی گنه شده ای دستگیر هر روبه نبود قاتلت از قتل تو مگر آگاه غرض تویی ز وجود جهانیان ورنه «لما یکون فی الکون کائن لولاک» . . توئیکه بود در آغوش مصطفات مکان توئیکه شد ز وجودت بنای کون و مکان توئیکه نوح نبی را رهاندی از طوفان تو مهر مشرق جانی به غرب جسم نهان تو درّ گوهر پاکی فتاده در دل خاک . . توئیکه بر همه شاهان و سروران شاهی توئیکه بر فلک عزّت و علا ماهی سبب ز چیست که مقتول تیغ بدخواهی توئیکه آینۀ ذات پاک اللّهی ولی چه سود که هستی ذلیل هر ناپاک . . بپای خیز برادر که لشگر عدوان نمود اهل و عیالت اسیر و سرگردان یکی است تشنۀ آب و یکی گرسنۀ نان همه ز قتل تو شادند و خرم و خندان تو از برای چه در خاک خفته ای غمناک . . ربود شهد شهادت عجب ز دست تو دل که گشتی این همه برقتل خویشتن مایل نموده بر دل ما لشگر غمت منزل همه جهان به تو گریان و تو ز خود غافل همه ز غفلت تو خائفند و تو بیمناک . . ز گردش فلک کجروش کنم فریاد که در زمانه ز دست کسی گره نگشاد مشو ز بیش و کم دهر «صامتا» دلشاد اگر چو «مغربی» آئی ز کائنات آزاد به یک قدم بتوانی شد از سمک به سماک .

اذن آلوب اکبر گیدور میدانه الله شاهد اول 🍁▪️🥀🍁▪️🥀🍁▪️🥀 #وداع حضرت علی اکبر علیه السلام #محسن محمدی هشترودی . اذن آلوب اکبر گیدور میدانه الله شاهد اول جاننی بذل ایله سون قرآنه الله شاهد اول قان سنوندور جان سنون مه لقا قربان سنون . . خلقاً و خلقاً شبیه مصطفی دور اکبریم مکتب قرآنیده روحه صفادور اکبریم راضیم سن راضی اول دینه فدادور اکبریم ال گتوردوم قیدسیز جانانه الله شاهد اول من کیمم اکبر سنون شبه پیغمبر سنون . . آز قالور روحیم خدایا جسمدن اولسون کنار لطفوی کسمه حسینوندن قوی اولسون کامکار ائتمدیم بو فرقة اشراریلن من سازگار تک به تک تابعدلر شیطانه الله شاهد اول دشمن خونخواره باخ بارالها یاره باخ . . ای خدای لم یزل نورس جوانیمدور گیدور دورت طرف دشمندی امدادایله جانیمدورگیدور دوت الیمدن بس ئوزون تاب و توانیمدور گیدور ئولمگه اکبر گیدور الآنه الله شاهد اول حالیمه یوخدور یانان ای خدای لا مکان . . چکدیم ال قرآنه خاطر گلشن گلزاردن یومّوشام گوز بارالها عترت اطهاردن ایستورم کسب فیوضات ایلیم بازاردن روز محشر بیر بیله عنوانه الله شاهد اول باشدان آتدیم هر زادی دوز سوزون واردور دادی . . بو منای کربلا دور منده پرچمدار عشق وار یئری بوردان جهانه نشر اولا آثار عشق تا بلون سون کیمدی واقع محرم اسرار عشق ئوز بالامدان ئوزدوم ال مردانه الله شاهد اول عهدمین پا بنده یم تا نقدر زنده یم . . تلّدن اکبر انوبدور عزم میدان ایلدی آت سالوبدور عرصة هیجایه جولان ایلدی صف لرین نظمین پوزوب اعدانی حیران ایلدی اود ویروب شمشیرلن عدوانه الله شاهد اول رزم جنگ استاد دور مرتضا اولاد دور . . هر طرفدن قوزانوبدور های هوی اشقیا سیندروبدور شیشة آمالینی دست قضا سرنوشت اتمامه یتدی البلاء للولاء الده کی واضح اولان برهانه الله شاهد اول یتدی ئوز آمالنه آغلروخ احوالینه . . اکبرین حالین دگرگون ایلیوبدور منظره وار خبر باشدان یارالاندی دولوب قان گوزلره ارباً ارباً صحبتیندن دوغرانوبدور یکسره غوطه ور اولموش بدن القانه الله شاهد اول گوزلیور لیلا یولون بوینونا سالسون قولون . . ئوز دوتوب اخیامه عرض ایلوب بابا همرازوم دوشموشم توپراقلار اوسته یارلی جانبازوم گر قبول ایتسه خدای لم یزل سربازوم امر ایدوب سن تابعم فرمانه الله شاهد اول قالمشام قان قانلارا قوشگلان قربانلارا . . ای منای کربلانون زینت و زیبا فری ای حسین بن علینون با لیاقت اکبری “ناطقی”عرض ایلورای قانه باتان گل پیکری احتیاجیم واردی بس درمانه الله شاهد اول سیّدی احسان ایله دردلره درمان ایله

علی نه تک سنون احوالیوه رباب آغلار ✨🍃▪️✨🍃▪️✨🍃▪️ #زبانحال حضرت رباب سلام الله علیهادر مدینه و وفات ایشان #حاج عبداله اصلی . علی نه تک سنون احوالیوه رباب آغلار من آغلیاندا گوزوم اوخشار اشک ناب آغلار . . او گون کی حنجرون اولدی هدف سه پر تیره منیمده اولدی گوزومده ایشیق گونوم تیره نه رغبتیم داخی مرداده وار نه وار تیره او تیر عرشی ایدوب تیره نُه قباب آغلار . . او گوندن اولدی سیه جسمده وفا رختیم توکندی خوش گونوم اوز گتدی عالم سختیم ستمله ائتدون افول ای ستارۀ بختیم قمر یوزون بورویوب هاله آفتاب آغلار . . دیمه شرارۀ آهیم گویه عبث اوجالوب فلک امیدیمین آئینه سینی داشه چالوب یانان دوداقلاریوون سوزشینی یاده سالوب اود اوسته اشگین الر حالیوه کباب آغلار . . او گوندن ایلمیشم نفسیمه سرین سو حرام محالیدور گوتورم عکس عهدیمه بیر گام گون ائوی تپراقین اوستی اولوب ربابه مقام باخاندا صورتیمه آل بوتراب آغلار . . سحر اسنده گل بختیم اوسته باد نسیم گوزوم ائوینده ایدر عکس حسنیوی ترسیم سرشگیله سیلرم ایلرم گئنه ترمیم اورک گوزوم گوره عکسون اولوب خراب آغلار . . بهار اولاندا آچار غنچه گل گولر چمنه یتر سرور و شعف ورد و یاس و یاسمنه اگر جهان اولا گلشن گینه خزاندی منه بهاریده سارالان غنچه مه سحاب آغلار . . دییَم نه قدر اورک دردی یتمز اتمامه باشونلا همره اولوب گیتمیشم نجه شامه مرکّب اشکیم اولوب کیپریگیم یازار نامه آناوا گلمز او غم نامه دن جواب آغلار . . سنیله آلتی آی ای غنچۀ ریاض امید اولاردی لیلۀ ظلمت گوزومده روز سپید او گونلریم هارا گئتدی هانی او بخت سعید گوروم قالیدی بیله عالمِ خراب آغلار . . عجب دونرگمی دوندردی چرخ پست و دنی عزیز عالمیدیم اوخشادوب کنیزه منی گلین گلن ائویم اولموش مصیبت انجمنی پوزولموش حالتیمه جمله شیخ و شاب آغلار . . ئولنجه گون قاباقندا او بانوی ذی شان علی علی دیدی اشگین عذاره قیلدی روان گهی سیزیلدادی نی تک گه ائتدی داد و فغان بو غمده چنگ و نی و بربط و رَباب آغلار . . بیر عمر اولدی غم و درد و محنتیلن توش اوز آتشینده یانوب شمع تک اولوب خاموش اجل پیاله سینی نوش ایدوب دوشوب مدهوش او چشم مستینه قان کاسۀ شراب آغلار . . دیولّه زینب کبری او بحر صبر و وقار نماز صبحه ربابی گلوب ایده بیدار چاغوردی دورمادی ترپتدی جسمینی ناچار گوروب کی روحی اوچوب عکس جسمه قاب آغلار . . دئدی گلون ائویمون سؤندی شمع انجمنی دانشموری چمنون عندلیب خوش سخنی بو گیر و داریده ترک ایلوری سولان چمنی چکوب ئولوم توزی رخسارینه حجاب آغلار . . او کسکه «اصلی» ویرار عشق و عاشقیدن دم طریق عشقی گرک طیّ ایده قدم بقدم دایانا بوتۀ غمده یانوب گتورمیه کم مرید سلک وفا اولماسا مذاب آغلار . . اماندی ساخلا الون ویرمه مطلبه چوخ طول حدیث عشقده ابوابه نابلد دی عقول تک عینینه یازولا مین مطوَّل و کشکول کلام نقص اولی خامه سنار کتاب آغلار . . بلی بو عشقیدی پروانه شمعه یانمالیدی نگارین آردیجا صحرالری دولانمالیدی خُم بلایه دوشن رنگینه بویانمالیدی گلنده جوشه اؤد اؤستونده کی گلاب آغلار