گل قوجاقیمه ای شیرخواریم #اصغریه 🥀🌿▪️🥀🌿▪️🥀🌿▪️🥀 #شهادت حضرت علی اصغر علیه السلام حاج ناصر تبسمی اردبیلی . گَل قوجاقیمه ای شیرخواریم ای منیم دیلده صبر و قراریم آغلاما خیمه لرده سو یوخدی صولدی گوللر سارالدی عذاریم . . . گَل منیم بیر قوجاقیمه اصغر باخ سارالمیش یاناقیمه اصغر خشک اولان دیل دوداقیمه اصغر واردی سندن اوغول انتظاریم . . . منده اوغلوم هلاکم سوسوزدان باغری قانم اوزوم من هاموزدان وار ولی اطلاعیم یازوزدان اوخ یارا حلقون ایستر نگاریم . . . باخما امواج نهر فراته قسمت اولماز سنه نه بناته ناله اوج ایلسه کایناته واردی حقّیله قول و قراریم . . . نخل دین تشنه دور قانه اوغلوم یتمیش اوچ تشنه قربانه اوغلوم درس اولا اهل دورانه اوغلوم نهضت سرخ قرآن شعاریم . . . سن منیم آخرین یاوریم سن خردا سرباز نام آوریم سن حشر اولاندا بویوک داوریم سن ثبت ائدیب لوح پروردگاریم . . . حرمله انتظارون چکور گَل نوش ائله قان یات آسوده دینجل شیعه لر مشکلین ایلیک حل یانماسین امّت شرمساریم . . . قویما نالون چیخا آسمانه قویما گلسون ربابی فغانه قویما دوتسون بیر آیری بهانه تئز خدا حافظ ایله وقاریم . . . سن منیم یار غم پروریمسن هم بالام هم گوزل شهپریمسن گل بوغازون اوپوم دلبریمسن دگمه میش اوخ منیم غمگساریم . . . بوشلا دنیانی اکبر مثالی قوی ربابی ئولونجه عزالی گئت بهشته بوغازی یارالی قانه ایستور باتا یاری یاریم . . . سنسن اوغلوم هامی درده چاره سینم اوسته گلرسن دوباره هر زمان عازم اولسون مزاره ای منیم غم گونی جان نثاریم . . . ای علی اصغر ماه طلعت قیل ((صفا ))دن آقا رفع حاجت ایله اوز نوکروندن حمایت روز محشر اولا افتخاری @rozevanoheayammoharramsoghandi

اصغرین نعشی الیمده اکبرین آدی دلیمده #اصغریه 🌾🍃▪️🌾🍃▪️🌾🍃 #زبانحال امام حسین علیه السلام در شهادت حضرت علی اصغر علیه السلام . محسن محمدی هشترودی ( ناطقی ) . اصغرین نعشی الیمده اکبرین آدی دلیمده قارداشیم عباس ئولنده اللریم قالدی بئلیمده یاندیم الله ، یاندیم الله اود دوتوب اودلاندیم الله . . تیر غم قلبیم بولوبدور اصغریم مظلوم ئولوبدور بو منای کربلاده غم غم اوستوندن گلوبدور یاندیم الله ، یاندیم الله اود دوتوب اودلاندیم الله . . بیر کسیم یوخدور الهی دشمنیم چوخدور الهی شاهد اول بو قلب زاری اینجدن اوخدور الهی یاندیم الله ، یاندیم الله اود دوتوب اودلاندیم الله . . غملریم گلمز شماره قانه باتدی شیر خواره اوخ دگوب سالدی ایاقدان گوزلرین آچماز دوباره یاندیم الله ، یاندیم الله اود دوتوب اودلاندیم الله . . بو قوزی قربان سنون دور حافظ اول فتیان سنون دور من کیمم ای حیّ منّان قان سنوندور جان سنون یاندیم الله ، یاندیم الله اود دوتوب اودلاندیم الله . . اکبریم قانه باتوبدور عالمی گوزدن آتوبدور پرچمیم تپراقلار اوسته قارداشیم قولسوز یاتوبدور یاندیم الله ، یاندیم الله اود دوتوب اودلاندیم الله . . قالمیشام تنها بو چولده قالمیوب یارا بو چولده گوزلیور یول خیملرده زینب کبری بو چولده یاندیم الله ، یاندیم الله اود دوتوب اودلاندیم الله . . غم منی دلدن سالیبدور طاقتی الدن آلیبدور بو قوزی قربان خدایا اللریم اوسته قالیبدور یاندیم الله ، یاندیم الله اود دوتوب اودلاندیم الله . . کف چالور دورمده اعدا غملریم دریا خدایا بو غریبه بیر یانان یوخ بار الها بار الها یاندیم الله ، یاندیم الله اود دوتوب اودلاندیم الله . . زینبی سالما نظردن حفظ ایله هر بیر خطردن دشمنان ایلر شماتت رد اولاندا رهگذردن یاندیم الله ، یاندیم الله اود دوتوب اودلاندیم الله . . بار الها یوخدی چاره ویردیلار اوخ کم بهاره اصغری ایله تقبّل یاره لی قویدوم مزاره یاندیم الله ، یاندیم الله اود دوتوب اودلاندیم الله . . کاش اولیدی شیعیانیم اوج ایدور آه و فغانیم اصغریم قانه بویاندی دوغرانوب اکبر جوانیم یاندیم الله ، یاندیم الله اود دوتوب اودلاندیم الله . . سلب اولوبدور تاب و طاقت قالمیوبدور ستقامت یالقوزام امداد ایدن یوخ سن ئوزون ایله حمایت یاندیم الله ، یاندیم الله اود دوتوب اودلاندیم الله . . راضیم یا رب بلایه ائتمرم هرگز گلایه اصغری قویدوم ترایه زینت اولسون کربلایه یاندیم الله ، یاندیم الله اود دوتوب اودلاندیم الله . . “ ناطقا “ عالی مرامون شاه دینه وار سلامون آیری بیر اوضاع یاراتدی مجلسه شیرین کلامون یاندیم الله ، یاندیم الله اود دوتوب اودلاندیم الله . . قالمیشام آواره یا رب سن ئوزون قیل چاره یارب اصغرون قانین الیمله یاخمیشام رخساره یا رب یاندیم الله ، یاندیم الله اود دوتوب اودلاندیم الله @rozevanoheayammoharramsoghandi

آچمیین غنچه گولوم دینه فدا اولدی خدا #اصغریه 🥀▪️🥀▪️🥀▪️🥀▪️ #زبانحال حضرت رباب علیها سلام #سبک  . عدلی تبریزی . آچمیین غنچه گولوم دینه فدا اولدی خدا گیتدی اکبر یولونی اکبرینه اولدی فدا . ولی سوسوز ویروبدی جان الله سویرینه ایچوبدی قان الله . دئدیم آغلاماچوخ * سینمده سودوم یوخ سنه قان ایچیردر* آتار حرمله اوخ علی بالام علی . . هی دئدیم ایستمه سوقیمتی جاندی بالایات منده سن تک سوسوزام سودیماقون فکرینی آت نه سودوم وارنه ده سوگوزیاشون آزقانیوه قات باغبان هانسی گلستاندا گوروب غنچه سولا . هیچ گول سنون تک سولمیوب اصغر قنداقی قانه دولمیوب اصغر . بالایوخدی چاره * بوقدرگلمه زاره سینم دیرنا قونلا * اوغول اولدی یاره علی بالام علی . . سن دوداقلارون امن وقته اورک داغلاموشام سس ویروب اوچ گجه من سنله اوغول آغلاموشام دگمیه صورتیوه صدمه الون باغلاموشام نینییم فکریمه یول بوعملیم گلدی بالا . گوزیاشوی ایتمه روان اصغر قالمورسنه تاب و توان اصغر . منیم دلبریم سن * مه انوریم سن بهاریم خزانیم * سوسوز اصغریم سن علی بالام علی . . هی دئدیم یوخدی سودوم ال ایاقون چالما علی قوریین دل دوداقون سینمه سن سالما علی معنالی باخماقیلان طاقتیمی آلماعلی آل طاهایه اولوب کرب وبلا کوه منا . سنده بشیکدن ویرجواب اصغر گیت باغریمی ایله کباب اصغر . سنی سسلیین وار* یولون گوزلیین وار دیمه بومناده * سنه بنزیین وار علی بالام علی . . سنی مندن آتان آلدی دئدی الله قالانی کربلاده صود امردی ساتورام بوبالانی آخرین فدیه دی ربیم سن اوزون اول آلانی ایستورم اصغریمی اکبریمه قربان اولا . بودی گل رنگی سولان اصغر آدی منه ازبراولا اصغر . بوعمره ثمردی * بالام صود امردی آخاربیرسُها تک * سمایه قمردی علی بالام علی . . بنزوری فعلیده بوچولده بالام قارداشینا اسمعیلدی بومنه باخمازحسین آزیاشینا هاجراولموش آناسی سُرمه یاخوب گوزقاشینا آنادا راضیدی اصغر گیده اکبریولونا . ذرّیۀ طاهادی بوالله مِهریۀ زهرادی سوالله . اسه طوفان ایستور* سولی پیکان ایستور سوسوزجان ویره تا* قالا قران ایستور علی بالام علی نوحه ده غم یارانوب یازماموسان اوزباشیوا اهلبیتی سُووَنی ییغ گینه «عدلی» باشیوا نوحه خوان اولسان اگراذن اولونی گوزیاشیوا کمک ایتدی سنه اصغراوزی نوحه یازیلا . باب الحوائجدی بالام اصغر درده معالجدی بالام اصغر . هامی نوحه خوانه *عزاداراولانه شفیع قیامت * بودی عاصیانه علی بالام علی . @rozevanoheayammoharramsoghandi

قوریوب دوشوم سویا یوخ گمان بالام آغلاما گلوم آغلاما #اصغریه ▪️▪️🏴▪️▪️🏴▪️▪️ #زبانحال حضرت رباب در شب عاشورا برای حضرت علی اصغرعلیه السلام مرحوم حسینی سعدی زمان . قوریوب دوشوم ( سینَم ) سویا یوخ گمان بالام آغلاما گلوم آغلاما بو قدر کباب ایلمه آنان بالام آغلاما گلوم آغلاما . . گورورم دوزنمیسن آجلیقا عطش ایلیوب سنه چوخ اثر قالا آج سوسوز سودامر بالا داشا بو مصیبت ایدر اثر بیر آنا که ایچمیه سو اوزی سود اولار دوشونده اونون مگر آنان ئولسون ایلمه چوخ فغان بالام آغلاما گلوم آغلاما . . بُلورم علاجینی دردیوین نیدوم الده چاره یوخ آغلارام اثر شراره ی آهیمه یانارام بو سینه می داغلارام گورورم خراش ایدوسن یوزون الیوی قماطیده باغلارام هانی عقده ی دلیمی آچان بالام آغلاما گلوم آغلاما . . ساتاشاندا گوزلریوه گوزوم گوزومون یاشین الرم بالا آنالیق محبّتی جوش ایدر اوره گیم یانار ملرم بالا داخی اوزگه چاره تاپانمارام بلگون آچوب بَلَرم بالا ایدرم گوزوم یاشینی روان بالام آغلاما گلوم آغلاما . . گورورم که ابر بهار تک بالا گوزیاشیله گوزون دولوب اوره گون بو اوتلی دلیم کیمی شرر عطشله کباب اولوب قورویوبدی غنچه دوداقلارون گل عارضون سارالوب سولوب بو سولان جماله فدا آنان بالام آغلاما گلوم آغلاما . . آلورام قوجاقیمه جان کیمی ایدم اُوز علاقه می آشکار بالالار کیمی دوشومی دوتوب یاتاسان بیر آز اولاسان خمار گورورسن دوشوم یانور اود ویرور ایدوسن دوداقلاریوی کنار یانوسان سیزیلدیسان آغلوسان بالام آغلاما گلوم آغلاما . . دولانوب خیامی تاپانمادیم بیر ایچیم سو ای سودامر بالام قورویان دوداقلارون ایسلادام جگرون حرارتینی آلام من اگر بو دردیله ئولمیم بو جهاندا عمر ایلیم قالام یانارام بو نسگله هر زمان بالام آغلاما گلوم آغلاما . . نیه گوزلرون چوخورا دوشوب نیه صورتون سارالوب بیله نیه گَلمور آغلاماقا سسون منی آز کباب ایله صبر ایله هامونون باشی قاریشوب علی گَله گر بو حالی آتان بُله سو تاپار سنه بُلورم آتان بالام آغلاما گلوم آغلاما . . بو گئجه کِشیکدی گَلنمیوب سنی گورماقا بالا اکبریم من اونوندا چوخ نگرانیم نگران باخور یولا گوزلریم دیورم گَلیدی گوریدی بیر نجه جان ویرور سوسوز اصغریم سنه سو تاپِیدی او مهربان بالام آغلاما گلوم آغلاما . . دیورم گیدوم عمووا دیوم بالامی نفسدن عطش سالوب ایدورم حیا بُله یوخ سودوم بودور علّتی آنان آج قالوب هامی چاره یوللاری باغلانوب هامینون قرارین عطش آلوب اوجالوبدی گوگلره الامان بالام آغلاما گلوم آغلاما . . گینه ای « حسینی » نه دلدی بو که ایدور دیِنَده یارا دلی بیله دل دیماقدان اوتور خدا سنه ایلیوبدی عطا دلی دیمه ساده چخدی بو سوزلریم اولی ساده رسماً آنا دلی آنالار بالایه ایدر بیان بالام آغلاما گلوم آغلاما @rozevanoheayammoharramsoghandi

توکمه بو قدری یوزه اشک تری آغلاما صبر ایله بالام آغلاما #اصغریه 🏴🌾🏴🌾🏴🌾🏴🌾 #زبانحال جناب رباب علیها سلام با حضرت علی اصغر علیه السلام . #سبک_ای_باشی_سرنیزده_معراج_ایدن مشابه . مرحوم نجمی تبریزی . توکمه بو قدری یوزه اشک تری آغلاما صبر ایله بالام آغلاما بیر بیله یاندیرما بو غم پروری آغلاما صبر ایله بالام آغلاما خسته بالام آغلاما آغلاما چوخ آغلاما تشنه بالام آغلاما آغلاما چوخ آغلاما . . . اوچ گیجه گوندوزدی فغان ایلوسن گوز یاشی رخساره روان ایلوسن باغریمی تشنه بالا قان ایلوسن جاری ایدورسن یوزه اشک تری خسته بالام آغلاما آغلاما چوخ … . . آغلاما بیر بیله تلاش ایلمه دلده نهان سرّیمی فاش ایلمه سینه می بیربیله خراش ایلمه آغلیوب آغلاتما منِ مضطری خسته بالام آغلاما آغلاما چوخ … . . توکمه یوزه گوز یاشیوی سو کیمی چالما قناد یاره لی تیهو کیمی آز مله آخر ملر آهو کیمی سو تاپا بلمم گزرم چوللری خسته بالام آغلاما آغلاما چوخ … . . من شرر آهیوه یاندیم علی رنگ مصیبتله بویاندیم علی خیمه لری هر چه دولاندیم علی گوردوم اولوب دور آنالار ازبری خسته بالام آغلاما آغلاما چوخ … . . آتش درد و غمه وورما اتک بایشمه کول توکدی بو چرخ فلک وار بیر آنا گور منِ بیچاره تک سو دیه قوینوندا قالا اللری خسته بالام آغلاما آغلاما چوخ … . . گوزلریمون قیمتی اولسا اگر سو سنه آللام من خونین جگر لیک نه چاه ایدیم ای سود امر یوخ گوزومون نوری گوزه مشتری خسته بالام آغلاما آغلاما چوخ … . . حالیوه باخدوقجا اورک داغلارام سس چکرم غنچه بالا آغلارام چاره سیزم اللریوی باغلارام کوسمه گذشت ایله بو بی یاوری خسته بالام آغلاما آغلاما چوخ … . . قول قانادی قوش کیمی بسته بالا آز ال ایاق چال الیم اوسته بالا ایلمه خسته منی خسته بالا بیر بیله یورماز بالالار مادری خسته بالام آغلاما آغلاما چوخ …. . . آغلاما قوی بیر دولانیم باشیوا منده قاتوم گوز یاشی گوز یاشیوا یوخدی دییم من علی قارداشیوا گل علی اکبر گور علی اصغری خسته بالام آغلاما آغلاما چوخ … . . آغلاما چوخ باغلیدی سو یوللاری سدّ اولونوب صاقلاری هم صوللاری دوشدی سو اوسته عمووین قوللاری اممه سوسوزدان قوریان لبلری خسته بالام آغلاما آغلاما چوخ … . . قالمیشام حیرتده اوغول وای دیوم؟ ناله ایدوم شوریله ایوای دیوم؟ یا الیم اوسته سنه لایلای دیوم یا گتوروم شیونه عالملری خسته بالام آغلاما آغلاما چوخ … . . ای ثمر گلشن آل عبا صالح و نجمی سنه ایلر نوا سالکیلن اولدیلا تا همصدا یازدیلا یاندیدیلا چوخ دللری خسته بالام آغلاما آغلاما چوخ … @rozevanoheayammoharramsoghandi

لشگر الیم اوسته گل خندانه باخون سیز #اصغریه 🏴🍂🏴🍂🏴🍂🏴 #شهادت حضرت علی اصغر علیه السلام . مرحوم پور عطا ( خادم تبریزی ) . . لشگر الیم اوسته گل خندانه باخون سیز انصاف الییون اصغر عطشانه باخون سیز سالون محشری یاده بومیدان بلاده . سوایستمورم من اوزومه لشگر کینه سیراب ایلییون اصغری یزدانه باخون سیز . اوچگوندی سوسوزدی بوبالا ایسی هواده غش اییلور عطشدن لب سوزانه باخون سیز . پیغمبروزون نسلیدی بو سیزده مسلمان بو امرده قانون مسلمانه باخون سیز . قرآندی کتابوز اگر اسلامدی دینوز جدیم گتورن آیت مهمانه باخون سیز هر مذهبه قایلسوز اگر مذهبوز اولسا تورات و زبوز انجیل وقرآنه باخون سیز . مندن صورا پیغمبره ذریه تاپولماز زهرادی آنام زهره ی نسوانه باخون سیز . سو ویرمه دوز عباسیمه بودشت بلاده قولسوز یخولوب قاننه غلطانه باخون سیز . اللهه رجوع اییلمیشم حقیمی سیزدن محشرده قوران عدلیله دیوانه باحون سیز . اسلام قویوب آدلاروزی حقیمی داندوز جدیمدی مخاصم سیزه خسرانه باخون سیز . شاها نجه(خادم)ایدرانجام وظیفه مخدوم دوعالم بومریضانه باخون سیز . بیر ایو دولوسی وار نه طبیبی نه دواسی حیرانم اوزومده من حیرانه باخون سیز @rozevanoheayammoharramsoghandi

یاندیرما منی آغلاما هر آن علی اصغر #اصغریه 🏴▪️🥀🏴▪️🥀🏴▪️🥀 #حضرت علی اصغر علیه السلام . مرحوم احمد پورعطا (خادم تبریزی) . یاندیرما منی آغلاما هر آن علی اصغر سویولارینی باغلیوب عدوان علی اصغر . قربان اوگوزون یاشینه سو ایستمه قارداش دنیانی قویار حرمله گریان علی اصغر . عمم‌ گوروسن خیملری گزدی دولاندی بیر شربه سویا اولمادی امکان علی اصغر . شام اهلی بیزیم جدیمیزه قویمادی حرمت سو ویرمدیلر گددیله مهمان علی اصغر . اوچگوندی رقیه گوروسن سودیور اغلور رنگی سارالوب چون گل خندان علی اصغر . سوویرمدیلر گیتدی فراته عموم عباس دولدوردولا سومشگینه آلقان علی اصغر . انصاریمیزی دوغرادیلا ر قطعه بقطعه میدان بلا ایچره لبعطشان علی اصغر . هریان باخوسان ناله چکور خردا اوشاقلار یوخ بیر کسه امیدیمیز الآن علی اصغر . ویر موله بوگون سو نه صغیره نه کبیره میدانه گیدن تشنه ویریر جان علی اصغر . بولم سنه سو ویرمویه جاق لشگر کینه سیراب ایده جاق ناوک پیکان علی اصغر . (خادم)یازان افراده آنام فاطمه آغلار یاز سنده قبول اییله نواخوان علی اصغر @rozevanoheayammoharramsoghandi

الهی صود امر بالام یارالی خونجگر بالام #اصغریه 🏴🍁🏴🍁🏴🍁🏴 #شهادت حضرت علی اصغر علیه السلام سبک اصلی #سبک_الهی_غملی_کوفه_نون (#جوادی) #سبک_دل_شب_ایلیوب_سفر . #سبک های دیگر : (با اضافه کردن واگیر) #سبک_الهی_دفن_ایدیم_نجه #سبک_تا_مشکتو_تو_آب_زدی #سبک_حسین_دوشوبدی_مقتله . معروفان اهری . الهی صود امر بالام یارالی خونجگر بالام سه پر اوخا نشان اولوب قانا باتوب ملر بالام بوغازین ئوپوب یانوب آغلارام بالا وای دیوب سینه داغلارام . . . غم آرتیرور سو صحبتی ئورکده قالدی صحبتی کیچیک بوغازیلن خدا سه پر اوخون نه نسبتی دل بیقراری بولوب بو اوخ ئورگیمده نسگل اولوب بو اوخ . . . قماطی آغ قرا گیله آز عمری چاتمادی ئیله بیله آتاسی دردینی اقللی گلمدی دیله گؤزلیم اوخا دئدی سؤزلرین اوخا گولدی باغلادی گؤزلرین . . . سو آلماقا چالیشمیشام آلانمیوب آلیشمیشام کوسن بالام دگنده اوخ گولوب منه باریشمیشام سوسوز ئولدی غنچه ی کربلا بو فراتی قان اولا ای خدا . . . بؤلوب بیر اوخ بوغازینی سینمده چکدی نازینی مزارینی قازام گرک ئوزوم قیلام نمازینی سوسوزیدی یاتمادی اوچ گجه قویارام مزاره یوزون نجه @rozevanoheayammoharramsoghandi