از بس یاراسی چوخدی چیخوب زخمی عدددن آت دیرناقی قویموبدی نشانه بو جسددن زهرایه دِیون باش گوتوره خاک لحددن گول جسمی گوره خاکیله یکساندی حسینون انگشتینی انگشتریله بجدل آپاردی جمّال دنی جدینه باخموب ال آپاردی قانلی باشینی کوفیه بیر ارزل آپاردی هم شاه و فقیر حالینه گریاندی حسینون

راز و نیاز حضرت اباعبدالله الحسین علیه السلام در قتلگاه ✍ زبدة الاشعار ✍ 🆔: حاج حسین غفاری اردبیلی خداوندا الیم بوشدی یخیلمیشام منای عشقه حبیبیم سن طبیبیم سن علاج ایله بلای عشقه دوداقلاریم یانور الهی عطشدن اودلانور الهی علمداریم یاتوب قولسوز فراتین اوسته آلنی یاره نیستاندا ووروبلار اوخ الوبدی مشکی پاره پاره علم یاتدی بلیم سیندی وفالی قارداشیم ئولنده سوسوز سقا قالوب تنها الیمده یوخدی راه چاره نه یاخشی اولمادی آناسی بیچیلدی قامت رساسی حضورونده جسارتدی الین اوزولدی لشگریمدن کبوترلر قان آغلوردی من آیریلاندا اصغریمدن گوزل اوغلوم باتوب قانه یاتوبدی خیمه ده عباده ئوزوم عطشان گوزوم گریان خبر یوخومدی اکبریمدن قبول ایله ادای دِینی خجالت ایلمه حسینی یانان گوللر سوسوز لبلر سنون کیمی نگاره قربان گرک اولسون رعیت لر جلالِ شهریاره قربان نجابتلی باجیم زینب کنیز درگهوندی یارب آخان قانیم چیخان جانیم رضای کردگاره قربان گذشت ایله حسینه خاطر کیم اولسا کربلایه زائر دئدیم هرگز ستمکاره باش اگمرم شرف شعارم هراسیم یوخ شهادتدن وصال یاره بیقرارم ستمکارین مصافینده بشر گرک مقاوم اولسون مجاهد لر سپاهینده طلایه دار سربدارم ریاض عشقه باغبانم چراغ بزم عاشقانم ووروبلار داش سینوب سینم آخوبدی قان ترابین اوسته وئرر جانین ئولر انسان همیشه انتخابین اوسته بابام حیدردن ئورگندیم اصول صبر و پایداری گرک مین یول کئچم باشدان شرفلی انقلابین اوسته کماله تشنه ام الهی وصاله تشنه ام الهی @madahi_moharram

دوشوبدور کربلا نوحی دل طوفانه مقتلده سالوبدور قانیدن سجاده شکرانه مقتلده سلیمان زمانه هاردادور گلسین تماشایه باخا تا بیر مجلل محفل عرفانه مقتلده هانی یعقوب غم دیده گزن یوسف سراغینده چکه خط فراموشی غم کنعانه مقتلده هانی ایوب صابر کربلاده صبریدن چیخسون حسینه چاتمیور صبری دیسون مردانه مقتلده خلیل الله هانی گورسون حسینون عید افعاسین دیسین احسن اودا یتمیش ایکی قربانه مقتلده @madahi_moharram

خیمه دن دخت علی گوردیلر میدانه گلور دیه سن یانماقا اوز شمعنه پروانه گلور کوفه ده قانه باتان گون آتاسی شیر خدا مسجده گیتماقنا مانع اولوب شرم و حیا کربلاده نه دور علّت بو دُرِ کنز حیا اللری باشدا گیدیر خیمیه میدانه گلور گون کیمی اولدی عیان شرق خیمدن او زمان یوز قویوب قتلگهه دخت شهنشاه جهان زینبین عشقنه حیرتده قالوب کون و مکان شیر تک رزمگهه بسکه دلیرانه گلور اوج صبر اُسته وفا پرچمی همّتله ساچور دلده کی عشق دلیلی رهِ مقصودی آچور اللرین باشه قویوب گاهی یِرور، گاهی قاچور اود سالور نه فلکه ایله یانا یانه گلور دلده کی عشقینی عالملره اعلان ویروری قلب مجروحی گوتوردوقجه قدم، قان ویروری گوروری قارداشی میداندا سوسوز جان ویروری اشکیله سو سپه لعل شَهِ عطشانه گلور سعی ایدور قارداشنا بلکه اوزین تیز یتوره دلده هجران یاراسین مرهم وصلی بتوره دختر شیر خدادور، اوزین حاشا ایتوره عرصه گاهه ایله زهرا قیزی مردانه گلور سانما بیر ذرّه وقارین پوزوب اول گوهر پاک کوکب برج شهامتدی دیمه ایلوری باک حالی پوزقوندی یاخوندور ایلسون غصّه هلاک پوزقون احوالینی هر کیم گورور افغانه گلور روز امّید آچان وقتده تیره شبه یول اوزینی لشکره ووردی آچا تا مطلبه یول گوردی بو حالی قشون اهلی آچوب زینبه یول بولدولر عشق شراری سالوب اود جانه گلور بیر بیره سویلدی بو فاطمه ریحانه سیدور گورموسوز باک ایلمور چون علی دردانه سیدور قارداشی شمع وفادور بودا پروانه سیدور عالمه ایله نه بیر شمع و نه پروانه گلور گر دیساخ حوریدی یوخ حوریده بو پایه ی شور عشق سرمشقنی بوندان گرک آلسون هامی حور گوروری قتلگهی چولقالیوب شعله ی نور ظلمت غمدن اودور روضه ی رضوانه گلور قلبی اودلار اورگی اولسا غریبین یارالی دوزه بولمز گوره محبوب حبیبین یارالی عشق بیماری او دم تاپدی طبیبین یارالی نه طبیب حشره تک عالم اونا درمانه گلور ایستدی قتلگهِ عشقه خانم سالسون اوزین یارالی قارداشنا شرح ایلسون دلده سوزون باغبانِ چمنِ عشق آچوب قانلو گوزین نه گوروب بلبل غم غملی گلستانه گلور سسلدی سالدون عجب وقتده منی یاده باجی یالقوزام بولدون اودور گَلموسن امداده باجی آشنا اول غمه گلمه بیله فریاده باجی سیل گوزون یاشنی، چوخ آغلاما بیگانه گلور بیر سوزوم واردی باجی عمده وصیّتدی سنه سویگلی نازلی رقیَّم چون امانتدی سنه جان سنون جان بالامون گرچه اذیّتدی سنه آغلارام نالیه گورسم من او دردانه گلور گوردی شه آز قالوری عمر گُلُستانی سولا گل رضا اولمادی بلبل گوزی اشکیله دولا خیمیه بیر دلیله زینبی سالدی یولا ایله قارداش باجی گور عالم امکانه گلور؟ دیمه قارداشدان او دمده باجی دویدی گیدوری جسمیدن مهر و وفا رختینی سویدی گیدیری قتلگه ایچره ولی روحینی قویدی گیدیری خیمه ده قارداشینا قورسون عزاخانه گلور خیمه ده گوردیله گون باتدی قرا یللر اسر بیر بیره سویلدی میداندا قیامتدی مگر گوز تکوبلر یولا حیران گوره لر وار نه خبر گوردولر زینبین اللر بویانوب قانه گلور یتدی خرگاهه خانم دوره سین آلدی بالالار باغبان اولماسا واضحدی که گُللر سارالار دیه بولمور شه ئولوب، قلب لرین غم یارالار بو محن ایله گران زینب نالانه گلور یوز دوتوب حضرت کلثومه دیدی آغلا باجی ویردی جان شاه زمن سینوی گل داغلا باجی دستگیر اولماقا محکم بیلوی باغلا باجی دیمه بیرده باشوین محنتی پایانه گلور قوردی بیر بزم عزا زینب آی اولدوزلاریلن نی کیمی داده گلوب لیلی اوغولسوزلاریلن قول بویون اولدی رقیّه بالا قیزلاریلن گور ایله بزم عزا بیرده بودورانه گلور؟ آغلاشوردی بالالار گوردوله بیر سس اوجالوب ازدحامیله گَلولَّه، گورن حیرتده قالوب بیر بیره سویلَدیلر کیمدی بولار یاده سالوب تسلیت ویرماقا بو جمع پریشانه گلور دیدیلر یوخدی بیزیم بیر کسیمیز داده گَلَه باغبان اولماسا، کیم همدم اولار غنچه گُله فکر ایدوللر نه حکایتدی گلوب مطلب اله گوردولر لشکر کین خیمیه تالانه گلور دیمورم عشقون او گون قافله سی دوشدی گجه لیک بولمم نجه زینب گونوزی ایتدی گئجه اویانان خیمه ده زهرا بالاسی یاتدی نجه؟ یانسون هانسی غمه، زینب غمی گور سانه گلور؟ یوخدور عبّاس، اوزی مخیَمده ویروردی گئجه پاس گوردی بیر آتلی گلور، لیک گیوب قاره لباس دیدی دشمندی گلور غارته، یوخ بیزده لباس گئجه وقتی حرمه کیمدی، نه عنوانه گلور؟ فکر ایدور کیمدی بو آتلی گوره سن یاللعجب تا یاخونلاشدی گوروب اوز آتاسی شاهِ عرب سسلنور قورخما قیزیم زینب اَیا کان ادب مرتضی دور خیمه شام غریبانه گلور ای سلیمان وفا، ای شه اقلیم محن درگهوندن الی بوش ایلمه سن سائلی سن الده بیر پای ملخ تحفه سی ای شاه زمن مور تک «اعظمی» درگاه سلیمانه گلور @madahi_moharram

احوالات ظهر عاشورا خنجرده آچوب دیل دیدی عفو ائت منی زینب* من کسمورم اُول حنجری مولا بویورور کس* ایستور ئوزی چالسون ال ایاق قاندا وگرنه* شمشیری ائدر شاخه ی سوسن اوخی اطلس* هر بیر توکونه باغلیدی ارکان مربّع* هردم دولانور دورینه کیهان مسدّس* مطلق کی دیورلر نه مرکّبدی نه جوهر* عینا بودی صورتده اگر اولسا ملبّس* مظهرده بو مظلومدی مُظهرده بو مظلوم* یوخ فرقی بونا شمس دئنن یا که مشمّس* عدن اهلی بو گودالین اگر گورسه صفاسین* گوداله دییر جنّتِ جان؛ جنته محبس* ناگاه قدم قویدی همان جنّته جانی* سگّیز درِ فردوسه اَلو وُوردی او بیر خس* باد سیهی آمد و فریاد برآورد* کِی دهر دنی خاک به چشم تو از این پس* این مالک معناست که بر خاک فتاده/ وین معجر زهراست که بر خاک فتاده/ «استاد شاهی @madahi_moharram

شهادت امام حسین_ خطاب به تیر حرمله سنی گوندروب هانسی قضا و قدر ای اوخ دوباره اورگیمده یاراتدون کدر ای اوخ سنی حرمله الده کمانه قویوب آتدی منیم آهیمی یردن سماواته اوجاتدی ربابین ده اوغول وای سسین سسلره قاتدی قالوب خیمه ده آهو مثالی ملر ای اوخ نولیدی او کماندان چخان وقتی دییدون گلوب غفلتی قولسوز ابوالفضلیمه دیدون اونون شأنون اوجلتدون منیم قدیمی اَیدون یتردون دل کون و مکانه خطر ای اوخ اوزون بیر کیچیک اوخسان آدوندا خطرون چوخ دوشنده یولا صوتون سسون هم اثرون چوخ دگمده هارا والله قلجدان کسرون چوخ ایدر هر کیم اشیتسه آدوندان حذر ای اوخ ایدوبسن نه جسارت دگوبسن اورگیمدن گیچوبسن جگریمدن چخوبسان کورگیمدن الوم تیغی چکوبسن منیم شاه رگیمدن اجل باشمین اوسته پریشان گزر ای اوخ ویراردیم او زمان که قدم بیت خداده وروب دل منه دلبر اوگون سعی و صفاده ولی سن یولا سالدون بو گون قانلی مناده ایدوم منده فنادن بقایه سفر ای اوخ بو چولده منه گرچه چتین مسئله گلدی خوشام لیک نقدری مرامیم اله گلدی بو احوالیمه بلکه باجیم مقتله گلدی حسینین بیله گورسه دایانماز گلر ای اوخ نه عادت دی که بولمم مسلمان آراسیندا مسلمانی دوگوللر بیابان آراسیندا منی گورسه عیالیم قزل قان آراسیندا اورک قانی گوزوندن عذاره الر ای اوخ امان یوخ بو قوشوندان اوزوم زار و پریشان هوا ایستی سوسوزدان گلور ضعف گیدور جان خصوصا منی سالمش جوان داغی ایاقدان اوغول مرگی نه بولسه آتایه ایدر ای اوخ اوزوم ورمشام امضا اوگون عهد السته دوزم حمله گتورسه قوشون دسته به دسته گله م یوخ اولا زینب باجیم قلبی شکسته رضایت وروب اولسین اودا دربدر ای اوخ اوجالمش هامی نیزه قلجلار منه ساری ولی کیمسه مسلمان تاپلمور ایده یاری دیدیم قوی بیر اقلی باجیمدا گله باری منیم دردیمی سندن او یاخشی بولر ای اوخ اگر آهیم اوخیله ویرام فُلک قضانی گیچر ملک قدردن یخار کل جهانی فقط دینیمه خاطر دیدوم قوی چیخا جانی نه وار قصد ریاست نه آیری نظر ای اوخ قیام ایلمیشم من قیلام عشق نمازین چکم نازلی نگارین نقدر ایلسه نازین آچام سجده زمانی اورک راز و نیازین حالیمدان اوزی اولسین منیم باخبر ای اوخ حسینم فلکینه اوزوم شمس ضحایم هدایت گمی سینده اولان نور هدایم بوگون کرب و بلا ده گرفتار بلایم بو طوفاندا خسوفه دوشوبدور قمر ای اوخ منیم شمع وجودیم چکور شعله شراره اونین نوری تلألو ایدور هر شب تاره آیین دور و برینده گزور فوج ستاره بو هر نقطیه گیتسه اولاردا گیدر ای اوخ اوزوم ایستمیشم من دوشم قانلی منایه چخا شمرین الیلن باشیم نوک جدایه تلاوت ایدم الله سوزین آیه به آیه خلایق گوره منده عجایب هنر ای اوخ او کسلر که یاخوندان بو میدانه باخولار اولار یاندیروب آخر دل کونی یاخولار نه گون مثلی شاخولار نه اولدوز تک آخولار فقط طرح توکولر گروه کُفَر ای اوخ منیم درگهیمین بیر کچیک قاره غلامی بویوکدور همه کس دن اونون شأن و مقامی ازلدن او دوشوندی ندور عصرین امامی واریمش دل آگاه و چشم بصر ای اوخ او کسلر که قاپوندا تاپوبلار دل آگاه همان کسلره یاخشی سعادت وروب الله گدا اولسا بو درگه اونی ایلیاجاق شاه قالوب هر ایکی دنیا اولار مفتخر ای اوخ بو بیر لحظه ده اول حر اولوب طیب و طاهر ایکی رنگی بیر اولدی اونون باطن و ظاهر تاپوب تخت زبرجد حبیب ابن مظاهر آدین هر کیم اشیتسه اولار غبطه ور ای اوخ "امینی" قلم الده یازار غصه لی دیوان آدیم گلسه دلینده ایدر شیون و افغان یقین ایلسین اوندان سلام آلّام اوزاقدان نقدر آغلیوب اولقدر النده گولر ای اوخ #امینی خویی @madahi_moharram

شمر در قتلگاه امام حسین (ع): زینب قاچوری قتلگهه معجرالینده قارداشی قالوب شمرجفاپرور الینده تلی که انور خردا اوشاقلار ملشوللر آهو کیمی صیاد ستمگرلر الینده اما خانمون چاره سی هریردن آزالموش تنها قالوب امید گوزی داور الینده یتدی ایله که رهبر والاسینی تاپدی گوردی داغلوب جسمی رعیتلر الینده بیرده یارالی سینه سی اوستونده حسینین قول چمرالیوب شمر اوتوروب خنجر الینده قلبون دیدی ای شمر شقاوتله دولوبدور گورمورسن الوب قارداشیمی لشکر الینده سن چکمه لی بو سینه مین اوستونده اوتورما ظالم یره دوش قویما منی غملر الینده بیرلحظه دایان قوی منه بیر کلمه دانشسون قارداش گوزی جان ورسه قالار خواهر الینده یوخدور ننه سی گوزلرینی باغلیان اولماز مدرکدی بوحسرت بولوسن مادر الینده الدورمه امان ورگوزونی باغلیوم آخر اللم بومسلمان اله گر کافر الینده اوچ گوندی لب عطشاندی گوزتلور سوگتورسین ساقی دی آتام ایندی گلر کوثر الینده زهرا ننه مین یخما اوین شرم ایله ظالم فردای قیامت گلجاقدور سر الینده محشر گونی پیغمبر اکرم قباقیندا آغلار قالاجاقسان بولورم کیفر الینده گر دوتسا جهنم اودی سن نیلیجاقسان جسمون یاناجاق یوخ علاج دیگر الینده گل سن بو جنایتلره ال ویرما اماندی الله سنی قویسون بو جنایتلر الینده ثاراللهی توکماخلقا چوخ چوخ تلسورسن ظالم نه دوتوبسان کسوسن خنجر الینده تاریخده ثبت ایلیجاقدور بو ((امینی)) ننگ آدیوی ناکس قلم و دفتر الینده @madahi_moharram

شعر از مرحوم حسینی‌(سعدی زمان) احوالات قتلگاه زبانحال خانم زینب (س) باشسیزبدونده انام اوغلی یارا چوخدی اما باجووی اینجیدن اوچ شعبه لی اوخدی ای کاش باجوندا یارا سنن چوخ اولیدی یابونان ازل عالم امکان یوخ اولیدی نه حرمله قارداش نه کمان نه اوخ اولیدی بو اوخ بوبیاباندا کی سینونده توخوندی ذبح ایه سی حقونده فلک لرده اوخوندی بیربوسه یری زینبه جسمونده یوخوندی بو اوخ اتانون کاش الی توشسون بلکینن هانسی اورکین قانی اخوبدور کورگینن فرستنده: هیات انصارالحسین خادم ال انصارغفاری عاشقان کربلا( یاثارالله ) @madahi_moharram

احوالات راه شام از مرحوم منزوی اردبیلی سایه ی سقفیده آرام اوتوروب آل یزید، اُسرای علوی دشت غم افزانی گزور، حرم آهو لری سهم شهدا جوجه لری، قول قاناد باغلی او وحشتلی بیابانی گزور، گینه آزاد اولا انسان قویالار ئوز باشینا، ئوزی تصمیم دوتا آج سوسوز هریانی گزور، نه قویوللار بیرینی اوخشاماقا آغلاماقا، غمچی الده باشینین اوسته نگهبانی گزور، گونده بیر منزل اویولدان ئولونور طی طریق،، قوشون اهلی گئجه آسوده تن آسانی گزور، نیزه دار سر شاه شهداندی خبر، ئوزی نادان ،سوزی اما دل دانانی گزور، اولمادی منزل اوّلده دیور آب و علف، بیر یره دوشسه قوشون نعمت ارزانی گزور، او گونی طی اِلَدوخ بیز ایکی منزل بیردن، هامی گوردوم یورولوب یاتماغا فرمانی گزور، دوه لر یورقون اولاندا گرک ئولسون بالالار، ایاق اوسته یومولوب گوزلری رؤیانی گزور، اوباشی فرصتیم اولمادی قویام صندوقه، یاره لی باشی ددیم کیم شب ظلمانی گزور، نیزه اوسته باشی قویدوم یره یان یانه یاتاخ، گوردوم اول خیرداجا قیز دوردی قضایانی گزور، یوخی حالینده یالاننان یوزومی دوندردیم، گورم آخیر ندن ئوتری او لب عطشانی گزور، پنجه سی اوسته گلیب اِیلَدی تعظیم اوباشا، جرأت ایتمور گوتوره حل معمانی گزور، دیزلرین قویدی یره اللرینی ساق سولونا، دئدی مدتدی گوزوم بو مه تابانی گزور، یوزیوزه قویدی ئوپوب ایله دی تاپدی دوداقون، اله بیل صود امرون لبلری پستانی گزور، ئوپدی عرض ائتدی خدا عمه مه ده قیسمت اِیله اودا بو قانه بلشمیش لب و دندانی گزور عاشقان کربلا( یاثارالله ) @madahi_moharram

بِلی سینمیشدی گر عباسی اولن ساعتدن اگمدی قدینی میداندا حسین غیرتدن نوریدی شعشعه سی طاقت آلیب ظلمتدن آچدی عشقین مددی محنت دیرینه سوزون دییم آللهه توکل اوخیلان سینه سوزون تا حسینون غم الی تار امیدین قیردی بیلمورم هانسی دنی آلنینا بیر داش ووردی سجده گاهین گوزل آیینه کیمین سیندیردی او شهون شاهد اولوب اهل سما محشرینه آلنینون قانی دولوب زینب اوپن گوزلرینه کیم گوروب اهل ولانون محنی اسکیلسون دیدی من مست الستم قویون عالم بیلسون قوزادی پیرهنین قانینی گوزدن سیلسون حرمله بیر اوخ آتیب عرشه سالیب لنگری های زلفینی آلدی اله سسلدی زهرا بالا وای بو سوزی که دییرم عین خبردور دوزدی اوخ دگیب سینه سینه هرنه دامار وار اوزدی... سیف الشعرا سیدتقی‌سیفی‌اردبیلی عاشقان کربلا( یاثارالله ) @madahi_moharram