🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ الهی فاطمه ته غم بمیرم چه سخته توسه ماتم بهیرم چیکار هاکنم این شام غریبون بهونه بیتنه زهرا ته وچون چه بلاییه مه سر بورده زهرا عنان از دس من در بورده زهرا خنه که وچون مار دنی باشه انگاری که خوانه از هم بپاشه ته که بوردی صفای خنه بورده دیگه شور و نوای خنه بورده زهراجان بی ته مه چش سوندارنه حسین بیتابی کنه خو ندارنه ته چادر ره تا شه سربشته زینب خدا دونه مره بکوشته زینب چه سوزی دارنه زینب نواجش حسینِ چشِ اسری مثل وارش ندومه از کدوم غصه بنالم روز وشو وِنه تِه وِسّه بنالم شو نصف شو اِمه ته قبر کنار مثل ته یتیمون نالمبه زار زار ته که تا بوردی ای ماه مدینه ته غم و غصه هنیشته مه سینه وچون از بس کردنه بیقراری جمع هاکردمه من ته یادگاری تا مه چش کفنه به در و دیوار انگاری خنه مه سر بونه آوار بونه در ره عوض هاکنم ای یار ندومبه چیکار هاکنم با دیوار مه وسه دلخشی دیگه سَرابه دل«مداح» ازاین غصه کبابه

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ علی مه دل از غم پِره یـــاری نـکـردمـه تـره علی حلال هاکِن مره       خَله بلا بَکِشیمه چهـل نفر تِـه یک تنه تِه پیش مره بَروشتنه مِـه وَچِـه ره بَکوشتنه         خَله بلا بَکِشیمه  مِـه دلـه دَکـردنـه خـون درشـومــه یـار مهـربون جان تِـه جان مِه وَچون           خَله بلا بَکِشیمه علی تِـه بــلا مـه سینه من وته سرگذشت اینه مــــره نخـوانـه مـدینه          خَله بلا بَکِشیمه غـریـب هـاکـردنـه ته ره تَـش بَــزونه تـه خِنه ره وَچونِ پیش زونه مِه ره           خَله بلا بَکِشیمه چـــراغ خِــنه ره دَکــوش بی سـرصـدا وبی سِروش مِه تن ره شوکفن دَپوش             خَله بلا بَکِشیمه زینب دیگه بی مـار بُونه مِــه دِتــره کـار زار بـونه غــم وِنـه سـر آوار بـونه            خَله بلا بَکِشیمه ای درد عالم ره طبیب درشـومـه ای یار نجیب ته بعد من بونی غریب بمیرم هَسّی غم نصیب     علی مره حلال هاکن

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ خداوندا مره نبودنه باور مه جوونِ مارِ عمر بَهییه سر تا بَدیمه مه مار تابوت سواره من و مه براره دل بیه پاره جوونِ مار بَمیره چَنّه سخته دلِ قرار بمیره چنه سخته عجب اون شو گرفتاری بَدیمی شه مارِ نعش پیش زاری بدیمی بابا چه زاری کرده مار ره شِسّه وره بکوشته اون شو درد وغصّه تا که بَدیّه بشکسّه پَلی ره دیگه بِشکنّیه بُغض گَلی ره یتیمونِ پَلی سر زوعه دیوار یا زهرا گته بِرمه کرده زارزار علی تا زهرا ره کفن دَکرده هزارون بار از این غصه بمرده علی بَدیّه زهرا بی قراره انگاری وچونه چشم انتظاره نبونه «مداح»این قصه فراموش که زهرا بیته وچونه در آغوش

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ جان پِـر من تِه جان فاطمومه تِه پَلی کَش ودَس بِشکِس بِمومه تِه بُوردی مِـه خِنه ره تَش بَزونه چی بَهووم کـه مـه دل پـرِ خـونه هـنوز از داغ تِــه بِیمـه عـزادار مِــره بَــزونه بیـن در و دیــوار مِـره میخ درِ دِیـم بَــدوتِنــه مِـه وَچــون بَـدینـه و بَسوتنه مِـه جان محسن اَنّـه لُو بَخِرده مِـه چِشِ پَلی مِـه وَچه بَمـرده تِـه که بُـوردی مه کار زار بَیّه بابا روز و شو بِـرمه مِـه کـار بَیّه بابا تِـه کـه بُـوردی خَلـه آزار بَدیمه علی ره بی کس و بی یار بَدیمه مِـره علـیِ چِـش پیش بَــزونـه هنوز مِه کّش وگوش جاخون اِنه مِـه غمّه تـا کـه بَخونّسه «مداح» نــالـه زو آسمـون سینه بَزو مـاه

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ بـرو بلال اَذان بَعو مه وِسّه مِه دل تنگ هاییته جان پِرسّه اَذان بَعو خوامه نماز بَخونِّم الهی بعد ایـن نماز نَمونِّم شمرده شمرده مه وِسّه بَخون مدینه مِه دِلِّه دَکِردنه خون ته اذان بعو من بَوّم اقامه الهی که دیگه مه عمر تمامه بنال بلال بنال اَللّهُ اَکـبَر الهی بَـوِّه مِـه نـماز آخـر بلال جان اگه من بُوردمه ازهوش تِه اَذان بَعو تا بشنوعه مه گوش ته که خبر ندارنی از مدینه مِـره بَـزونـه بشکسّه مه سینه بلال دُومّه تِـره بـاور نبونه ولی مره علیِ پیش بَزونه سه ماه آزگار من کَتِه بِیمه علیِ وِسّـه دردسر بَهـیمه بلال جان بعد من علی غریبه اسـیر دست قـوم نـانجـیبه من شِه رز رزِ وَچون بلاره بَمیرم وِشونِ دل بَیّه پاره مِه دلِ درده«مداح»زار بَزوعه مِه مَظلومی ره هرجا جار بَزوعه

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ بنال ای دل بنالم با ته زار زار که بَمرده دیگه مه وَچونِ مار چَنّه سخته وَچونِ مار بَمیره وَچون مار جوونی زار بَمیره فاطمه جان دیگه بَیمه گرفتار نـاهمدم دارمـه نـا یـار وفادار ته تا بَوتی خدا عَجِّل وَفـاتی دیگه زهرا مره از هم بِپاتی ته مه چشِ پَلي بزويي پرپر نَدونّی چه بلایی بمو مه سر گمون نکردمه ای سرو نازم اَتا روز توسّه تابوت بسازم مِره تا یاد اِنه غم بُونِه تازه چه زاری بَشسّمه ته جنازه اينجورى غم بَديين چی ره مونّه چتی آروم هـاکِنم تِـه وَچـونّه؟ نُه سالِ زندگی چه صفا داشته فلک ته داغه مه سینه دکاشته زهـرا تـه غم بَمیرم کـه جوونی بشکسّه كَش و پَلى درى شوني تِه بُوردِن بُوردِن و مِه زار بَزوعن از غـریبی سـر ره دیـوار بَـزوعن همه خواسّـنه مه زار ره بَوینِن مِه روز ومِه شُوی تار ره بَوینِن تِه روضه ره تا هرجا خونّه«مداح» مـن از داغ تـه از دل کَشمه آه

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ خدا حافظ زینب مِـه یـادگاری نکن اینجوری مه پیش بی قراری من شه دُومّه دِتر یتیمی سخته دتره مار که میرنه سیو بخته غم و داغ فراوون وینّی زینب دِتر ته دریای خون وینّی زینب خدا حافظ دِتر من دَرمه میرمه دیگه من مرگ جا شفا ره گیرمه مدینه که مه جا وفا نکرده مه غم و غصه ره دوا نکرده تا که بَهیمه حامیِ ولایت همه مه جا هاکردنه شکایت نکن برمه مه دِلّـه پاره کِنّی نزن هِق هِق مره بیچاره کِنّی ته جا اَمشو وصیت دارمه زینب اَتا خَله حکایت دارمه زینب جان خدا زهرای زاره هارش چار ساله وَچه ره کِمّه سفارش دیگه از فردا روزگار ندارنی یتیمه بُونی دیگه مار ندارنی اگرچه از همه کچیکتر هَسّی ولی زینب مه جانِ دِتِر هَسّی من بَمردمه نکن بی قراری ازاین به بعد ته مه وَچونه ماری دواره ته سراغ اِنه یتیمی ته وِینّی داغ بابای صمیمی اَتا روز اِنه غریب بونه حسن گرفتار نانجیب بونه حسن حسن غریبِ وطن بونه زینب ته چشِ پَلی کفن بونه زینب اَتا روز کربلا وینّی دتـر جان بـلا پشت بـلا وِینّی دتر جان زینب جان ته دریای خونّه وینّی کــربـلا داغ بـرارونّـه ویـنّی ته از داغ حسین مفتلا بُونی اسیر درد و داغ و بـلا بُـونی زینب جان مه حسینِ هواره دار ته هم وِنِه خواخری هم وِنِه مار اَتا روز کربلا قرار ندارنی غریبی کَفنی برار ندارنی حسین ره خَله لَت وگور کَشنّه وِره آخر ته چشِ پیش کِشنّه ازمسلمونی هیچکس بو نَدنّه مه حسین ره اَتا تِب اُو نَدنّه جـان دِتِـر تِـه خَله بِـلا وینّی حسینِ سر ره نیزه بالا وینّی وِنِه سر نیزه شونه تَن ندارنه وِنِه تَن خاک بِن کَفَن نِدارنه اگه بشنوسّی اُونجه یا بُـنَـیّه بدون که دیگه مه دل پاره بَـیّه مه دردِ سینه خَلِه هسّه جانکاه چـه جانسوزانه بنالِسّـه «مداح»

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ بمیرم جان مار تِه رنگ چه زَرده غصه نَخِر مگه زینب بَمرده؟ مِره وَر کَشنی چه بِرمه کِنّی؟ چادِر سرکَشنی چه بِرمه کِنّی تره به جان زینب مِره بَعو هرروزتِه چِشِ بِن چه بُونه کَهو خدا دونّـه مِه دل کَهو بَهییه جان مـار دل تِوسّه اُو بَهییه یادش بخیر مِره بـه هر بَهونه کَشه گیتی مِه مِی ره زویی شونه جان مار مگه دل از من بَهیتی؟ سه ماهه که مِره کَشه نَهیتی تِه تن زخم جرا و پُر نِشونه بشنوسّمه خَله تِره بَزونه همه گِنّـه دیگه تِه کارتِمومه تِوسّه مِیرمِه من تِه فِدا بُومه روزبه روز دَری مثل شمع اُو بُونی نَکِنه جـان مـار تِـه دَری شونی؟ مِه وِسّه بعد تِه یَتیمی سَخته داغِ جانِ مارِ صَمیمی سَخته مِه سرگذشت بَهییه چنّه جانکاه از آهِ دلِ مِـن بَسـوتِه «مـداح»

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ جوونِ مار بَمیره چَنّه سخته دلِ قرار بَمیره چَنّه سخته مه جان مار چو بخرده بمرده اَنّـه چَک و لو بخرده بمرده مه جان مار گرفتاری بَدیّه هیجده ساله خَله زاری بدیّه مه جان پِر بِه زاری مار ره شِسّه وره بکوشته اون شو درد وغصّه تا که بَدیّه بِشکسّه پَلی ره دیگه بِشکنّیه بُغض گَلی ره یتیمونِ پَلی سر زوعه دیوار یا زهرا گته بِرمه کرده زارزار علی تا زهرا ره کفن دَکرده هزارون بار از این غصه بمرده علـی بَـدیّه زهـرا بـی قـراره انگاری وَچونه چشم انتظاره فاطمه بَیته وَچونّه شَه کَشه بَهیته شه یتیمونّه شه کَشه ندا بِمو علی جان دیگه خواره اَهل آسمونه دل بَیّه پاره جدا هاکن علی مار و وچونّه طاقت دَنیّه اَهل آسمونه مگه«مداح»علی کِنّه فراموش تابوت زهرا ره بِهشته شه دوش

🏴#شهادت_حضرت_فاطمه_س 🏴#سبک__مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#سبک__مازنی ✍شاعر:علی اکبر اسفندیار ▪️▪️▪️▪️▪️▪️▪️ خوامه از زبونِ زينب بنالم از دلِ پُر خونِ زينب بنالم جدایی وفراق واللهِ سخته جوونِ مارِ داغ واللهِ سخته ازاون لحظه ی وِسّه بنالم زار كه تابوتِ دله بورده جان مار بدیمه دوش سر مار دَیّه شیّه غریبونه به چه زار دَيّه شيّه تابوت پشتِ سر مِه یادنشونه مه برارون چه زاری سینه زونه مه مارِ واری مظلومتر دنینه بشکسّه پَلي و بشكسّه سينه از دست سلمان ومقدادوعمّار چه غریبونه تشییع بَیّه مه مار الهی جان مار ته غم مه سینه چنه ته غریب هسی در مدینه هیجده ساله مارِ داغه بدیمی ونه تَش بَهیته باغه بدیمی من شه چو بَخرده مارِ بلاره چَك و لو بخرده مارِ بلاره مه جان مار كه روز وشونداشته از درد كَش وسينه خُو نداشته سرخ سيو بِيه نفس نفس زو بشكسّه بالِ جا پَر ازقفس زو حسن جان خله شه سرسرره روشته مره بي تابيِ حسين بكوشته اَمه دل كه شه مثل تش وشنه حسينِ ناله اِماره كِشنه همه دونّني مه مار چو بَخرده نَدومّه دونّني چه لو بَخرده؟ جان مار بِیّه غمخوار ولایت تا جان داشته بیه یار ولایت بنال«مداح» بنال مه زاره بخون غريبيِ مـه پِــر و مـار ره بَخـون