🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#نوحه_مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ جوونِ مار بَمیره چَنّه سخته دلِ قرار بَمیره چَنّه سخته مه جان مار چو بخرده بمرده اَنّـه چَک و لو بخرده بمرده مه جان مار گرفتاری بَدیّه هیجده ساله خَله زاری بدیّه مه جان پِر بِه زاری مار ره شِسّه وره بکوشته اون شو درد وغصّه تا که بَدیّه بِشکسّه پَلی ره دیگه بِشکنّیه بُغض گَلی ره یتیمونِ پَلی سر زوعه دیوار یا زهرا گته بِرمه کرده زارزار علی تا زهرا ره کفن دَکرده هزارون بار از این غصه بمرده علـی بَـدیّه زهـرا بـی قـراره انگاری وَچونه چشم انتظاره فاطمه بَیته وَچونّه شَه کَشه بَهیته شه یتیمونّه شه کَشه ندا بِمو علی جان دیگه خواره اَهل آسمونه دل بَیّه پاره جدا هاکن علی مار و وچونّه طاقت دَنیّه اَهل آسمونه مگه«مداح»علی کِنّه فراموش تابوت زهرا ره بِهشته شه دوش

🏴#شهادت_حضرت_فاطمه_س 🏴#سبک__مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#سبک__مازنی ✍شاعر:علی اکبر اسفندیار ▪️▪️▪️▪️▪️▪️▪️ خوامه از زبونِ زينب بنالم از دلِ پُر خونِ زينب بنالم جدایی وفراق واللهِ سخته جوونِ مارِ داغ واللهِ سخته ازاون لحظه ی وِسّه بنالم زار كه تابوتِ دله بورده جان مار بدیمه دوش سر مار دَیّه شیّه غریبونه به چه زار دَيّه شيّه تابوت پشتِ سر مِه یادنشونه مه برارون چه زاری سینه زونه مه مارِ واری مظلومتر دنینه بشکسّه پَلي و بشكسّه سينه از دست سلمان ومقدادوعمّار چه غریبونه تشییع بَیّه مه مار الهی جان مار ته غم مه سینه چنه ته غریب هسی در مدینه هیجده ساله مارِ داغه بدیمی ونه تَش بَهیته باغه بدیمی من شه چو بَخرده مارِ بلاره چَك و لو بخرده مارِ بلاره مه جان مار كه روز وشونداشته از درد كَش وسينه خُو نداشته سرخ سيو بِيه نفس نفس زو بشكسّه بالِ جا پَر ازقفس زو حسن جان خله شه سرسرره روشته مره بي تابيِ حسين بكوشته اَمه دل كه شه مثل تش وشنه حسينِ ناله اِماره كِشنه همه دونّني مه مار چو بَخرده نَدومّه دونّني چه لو بَخرده؟ جان مار بِیّه غمخوار ولایت تا جان داشته بیه یار ولایت بنال«مداح» بنال مه زاره بخون غريبيِ مـه پِــر و مـار ره بَخـون

🏴#شهادت_حضرت_فاطمه_س 🏴#سبک__مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#سبک__مازنی ✍شاعر:علی اکبر اسفندیار ▪️▪️▪️▪️▪️▪️▪️▪️ مگه چندساله زهرا جان بمویی اِسا جان حسین بونه نشویی؟ نشو که زندگی بهیره سامون ته که بوری علیِ دل بونه خون اصلا بونه بهیری استخاره ؟ ته بُوری علیِ دل بونه پاره نتومّه برمه نکنم ته پَلی بغیراز ته کیه همدرد علی؟ وجود ته مه وسّه اعتباره ته که بوری مره غصه سواره همش مره دایی درس صبوری مه تنهایی ره بَدی خوانی بوری؟ بشنوسمه دعا هاکردی با سوز شه مرگِ ازخدا بخواسی امروز ته که داشتی به وچون التفاتی چه پس بوتی خدا عجّل وفاتی؟ مه سینه از غم وغصه کبابه خدا دونّه مه سلام بی جوابه من فقط اَتا یار دارمه مدینه اونم ته هسّی ته بلا مه سینه ته که بوری دیگه یاری ندارمه دیگه مثل ته غمخواری ندارمه چتی باور هاکنم خوانی بوری مره آخر کشنه درد دوری مه وسه بعد ته خشی سَرابه انگاری آسمون مه سر خرابه خداوندا به ناله های زهرا زبان شعر«مداح» باشه گویا

🏴#شهادت_حضرت_فاطمه_س 🏴#سبک__مازنی ✍شاعر:علی اکبر اسفندیار

🏴#شهادت_حضرت_فاطمه_س 🏴#سبک__مازنی ✍شاعر:علی اکبر اسفندیار ▪️▪️▪️▪️▪️▪️▪️ علی جان ته بخون باشیوَن وشین مـن بنـالم از غـریبـیِ حسین حسینِ وِسّه مه دل نیرنه قرار ته روضه بخون و من بزنم زار بِشنوسّمه حسین کربلا شونه مِه وَچه ی سر خَله بلا شونه بشنوسّمه وِره تِشنا کِشنّه وِنه تن ره بخاک وخون کَشنّه بشنوسّمه وِنه سر بونه جدا الهی شه نازنین پسره دا علی بشنوسّمه شام غریبون آواره بُـونِنِه حسینِ وَچـون بمیرم که بی برار بونه زینب بعداز حسین بیقرار بونه زینب بَخون «مداح» امان از دل زینب بی قراری بونه حاصل زینب