❣﷽❣ 🔰#سینه_زنی_حضرت_زهرا س 🔰#سبک : خدامادرم را کجامیبرند شعر-حاج آرمین غلامی (مجنون) شراره ازاین خانه ام، قد کشید امون مراداغ، مادر برید شده پر ز درد غریبی دلم غم فاطمیه دوباره رسید -زاندوه وغربت-ز رنج و زمحنت -امان صدامان مرومادره من2مرومادرم..2 ------------- غم صحبت کوچه ها وا شده به روی لبا، یاده زهرا شده دل من دوباره شده بیقرار بازم سینه ها پر، ز آواُ شد عزای تومادر-مراکرده مضطر-امان صدامان2.. مرومادره من2.مرومادرم..2 ------------- غم فاطمیه.به دلهانشست خدایا دل شیعه زین غم شکست هوای غم واشگ وناله بپاست عدو راه زهرادر،آن کوچه بست -شکسته نگینی-الهی نبینی-بیفتد زنی الهی به زهرا2-مراکن فدا2 ---------------- دوباره دلا، خونه زهراشده ببین سینه محزونه زهراشده نشسته به بستر، گل مرتضا فدای علی جونه زهراشده مرویاس حیدر.نگاره پیمبر.مرومادرم مرومادره من2.مرومادرم..2 به قلم : ✍ -حاج آرمین غلامی (مجنون کرمانشاهی) ┈••✾•🌿🌺🌿•✾••┈ ⁠⁠⁠⁠⁠

#حضرت_زهرا #مرثیه_حضرت_زهرا -اشعارکردی درد آشنای مال علی، له وطن نچو ایره بیه بدون تو بیت الحزن نچو بیدن وهار و دلخوشی، ای چمن له تو زهرا ، وهاره م، تو وه بینه چمن نچو وقتی مژه کوتی،وه تو دلگرم بو، دلم آرامش علی ، تووه بیت الحزن نچو دیده که م غریبم و تنیا؛سپاه م نازاره گم دمی تو وه مالم بمن نچو له دست تا نچیده؛دو چاوت تو وابکه ترسم له غصه ی تو، که بمره حسن نچو وه، یه اشاره واز و بیه زخم سینه گد آخه چ جور، غسل و بیم ، ای، بدن نچو فکری وه حال بی کفنی حسین بکه وه خاطره شهیده بدون کفن نچو ترسم تنه بخوید نه، ژیره نعل عدو تاکه ضخیم تر، له وه بو پیرهن نچو 🔸شاعر: #آرمین غلامی_(مجنون کرمانشاهی) _____________________ 🔹اشعار ناب آئینے🔹

༻﷽༺ عصره چاویله م، روز وشو نثارِ دالگه هدیہ وه گیانو، وه قلبِ بےقرارِ دالگه تیده ن او روژے ڪه سوغاٺِ مدینہ بوده یه تربٺِ پاڪے ڪه وه خاڪ مزارِ دالگه 🔸شاعر: #آرمین غلامی_(مجنون کرمانشاهی) _________________

#حضرت_زهرا_اشعارکردی ▶️ تا ابد، سر منشأ اذکارِه، م بانو خودی وخدا که رحمت سرشاره مِ ،بانو خودی فاطمه ناوت بها دیره ، له بینه شاعریل ، زینتِ مال ودل و اشعاره ،م بانو خودی فاطمیه هاتیه، هردل اسیره ماتمه تاقیامت، برترین کردار ،م بانو خودی مهره تو زهرا، علی ،له سینه ی م خستیه گرمی کاشانه و، بازاره ،م بانو خودی نان مال خود وه همسایه توبخشش کردیه تا ابد الگوی له هر رفتاره، ،م بانو خودی تو وه پای مرتضاکردیه گیان ودل فدا هرخودی الگو ی م، سردارِه ،م بانو خودی گریه وه زهرای مرضیه عمومی نیه، نه گیره وو،زاری درم، زاری ،م بانو خودی روضه مستوره بخون ایدل که، دستی بسته بی روضه ی دیرم وخدا، اسراره ،م بانو خودی گیره کم، له غسل زهرا... گیره کم وه بازوه... گیره وه هر، روضه ی دشوارِه ،م بانو خودی روی نیلی و کبود فاطمه، تا روژ حشر بغض م بیه ،ولی غم خوارِه، ،م بانو خودی -آرمین غلامی (مجنون کرمانشاهی)

#حضرت_زهرا #مرثیه_حضرت_زهرا -اشعارکردی بی فاطمه دنیا شبیه یه سراوه دنیای بی عشق علی، نقشی بر آوه هرکو، بدون فاطمه بیده ن، عذاوه هرکس که بی تو سربکه ، له اضطراوه هردل که بو بی فاطمه تنیاس، تنیا سرمایه‌ی هستی فقط زهراس، زهرا زهرا له کو و او همه آزار، آزار زهرا وکو و او درو، دیوار، دیوار انسیه ی احمد وه، کو و نار، درنار حوری له کوو ضربه ی مسمار، مسمار بین در و دیوار و آگر ،کفت زهرا آگر بیه ، بینه درودیوار برپا افسوس قومه دیو و دد، هاتن له کویچه وه تازیان، مشت و لگد، هاتن له کویچه یه عده وه شلاقه بد، هاتن له کویچه ای وای م "بابا مدد!" هاتن له کویچه یه لحظه یاد محسنت کفتیده زهرا له بینه دیوارودری ،چیده توتنیا 🔸شاعر : آرمین غلامی (مجنون کرمانشاهی)

بسم الله الرحمن الرحیم اشعارکردی-فاطمیه وقت مرگم هاتیه... حیدر حلالم توبکه م فدات ای گیانِ پیغمبر حلالم توبکه دی وه ای گیانم ، له بهره تونتیدن هیچ کار پهلوانم! فاتحِ خیبر حلالم توبکه پلکِ م سنگین بیه دیداره تومشگل بیه شرمسارم مالکِ کوثر حلالم توبکه وه منِه زهرا هزاران بار، وه گیانت سلام وه فدایِ غربتت سرور حلالم توبکه گربمینم ، م علی جز دردسر ، نیرم ارات فصل چیین هاتیه، دلبر حلالم توبکه هیشتمه وه دوشِ زینب باره خم ،چیمه علی خانه دارت زینب مضطر، حلالم توبکه چیمه تا که ، م بغل بگیرم وه جنّتِ محسنت حضرتِ مستأصلِ مضطر حلالم توبکه تا نَفَس دیرم حمایت کم ، م له تویاعلی ناوه توبردم ، له بین در،حلالم توبکه حاج آرمین غلامی (مجنون کرمانشاهی)

شهادت حضرت زهرا (س) تقدیم به مادرشیعه ... اشعارکردی وه لاله زار حیدر آگر زوانه دیره گل ویره بیه پرپر، بلبل ترانه دیره . وه گلشن محمد،یه نو شکفته گل بی گلچین دسه توبشکه، یاسم جوانه دیره . دیمه وه کوچه یارب، یاس م، پرخزان قاتل له صورت گل ، یارب نشانه دیره . گلچین له پشت و پهلو ،دیدن وه دست و بازو نیشان وه چاو و صورت گاهی وه شانه دیره . همدست بیه قنفذ، گرده مغیره ویره ظالم غلاف شمشیر یه تازیانه دیره . باخم دره سوزیدن، صیاد بی مروت یه مرخ باخه عشقه ،که آشیانه دیره . له چاوه خوم، م دیمه، گیان دایه دالگه م ناله ودرده بابا،چه بیکرانه دیره . دایه خمت وباره، گیسم بیه پریشان دست تو ناتوانه ،یادرده شانه دیره . یارب له شرح ای خم، وه قلب زار (مجنون) جو مال ایمه آگر، ویره زبانه دیره . -آرمین غلامی (مجنون کرمانشاهی)

حضرت زهرا(س)-بعد از شهادت -اشعارناب کردی دایه، ای هستیِ حیدر ، م له داخد چه بکم زار و سرگشته و مُضطر ، م له داخد چه بکم هر نفس ، هر دلِ شو آرزوی مرگ درم سرِ ای قوره ِ مُطَّهر ، م له داخد چه بکم دایه عمرِ تو خزان بیه وچه زوی بیه طی آه ای سوره ی كوثر ، م له داخد چه بکم دایه وی ماله دویتت خم بیه و پیربیه دامده دستِ پیمبر ، م له داخد چه بکم بین آگر دره سوزه دروسینت دایه هایدنه مابین در ، ، م له داخد چه بکم صورتد بی یسه نیلی ، له چه افسرده دلی وه خمِ سیلی و معجر ، م له داخد چه بکم هر شو ه روضۀ تكراری كابوسِ حسن اوشه دایم نیه آخر ، م له داخد چه بکم زینبت وه سرِ سجاده زوان گردیه دریده ن نوحۀ مادر ، م له داخد چه بکم وه خدا له خمِ تو صبرِ توام، ای دایه چادرم کفتیه وه سر ، م له داخد چه بکم حسنین تو سرِ سفره تحمّل نیره ن هایده کوره گل پرپر ، م له داخد چه بکم هیچ كس وه خورِ مرگِ تو افسوس نخوارد بعدِ  تو بیه مُقدر ، م له داخد چه بکم بینِ مسجد وه علی گشت تماشا کردن قاتلت چی یسه منبر ، م له داخد چه بکم سخته ای واقعه ، له کویچه که کفتیده زمین بیه تقدیر مكرر ، م له داخد چه بکم له مغیره دسه تو،بشکسته بیه دایه بی تو ای لالۀ پرپر ، م له داخد چه بکم #آرمین غلامی -(مجنون کرمانشاهی)

حضرت زهرا(س)-تدفین اشعارکردی قوره گه، یه روح و ریحان منه یه تمام هستی و گیان منه ای گل یاسه که له تو،بی نهان راز دار ه درد پنهان منه ای زمین ای مه که بی یسه خموش وه شوه خم ماه تابان منه یه کیه، یه مصحف ایثار و عشق سورۀ کوثر وه قرآن منه قوره گه ، له شونه تو، یه آسمان شاهد شام غریبان منه وه کناره تو ، م هرشو گیره کم قوره زهرا بیت الاحزان منه ای زمین زهرا، له آغوش تونه با خور وه  قلب سوزان منه میزبانی کردیه، وه فاطمه وه فراخه، غصه مهمان منه گرده زهرا تو مدارا که دمی له دو دنیا ،نیر چاوان منه ای زمین ایره اگه پر لاله بی حاصله وه چاوه گریان منه ای زمین وی درده ، خاک ای مزار گرده (مجنون) مرثیه خوان منه #آرمین غلامی (مجنون کرمانشاهی)

حضرت زهرا(س)-بعد از شهادت بی بی کس نزانه خوره درد نهانم دایه که چه بگذشتیه له عمر خزانم دایه لو زمانی که تو دایه چیدنه ، وه بره م اشک وآه وناله بیه سه نشانم دایه نه زمین دیره خوره ، له دل غمدیده ی م آسمان دره خور، له دل وگیانم دایه تا خدا ناله درم ، لی خم ودرده امشو نفسم تنگ بیه، چیه بیانم دایه منه زینب چه بکم ، له خم بی دالگیم اشک وناله له خم تو،بی یسه نانم دایه کس ودرده منه زینب ،خوردارنیه داخ تو گردیه گیانم ، قدکمانم دایه یاد دیرم که وه ای شهرودیاره بیدن شادی هر دو جهان بیه، وه آنم دایه سرخی چاوه غروبه، که دره خوین باره آسمانیش بیسه دل نگرانم وایه بینه ای ماله مزار منه افسرده بیه دست تقدیر بیه فاتحه خوانم دایه دست تقدیر بیه پنجه ی یه گرگ صفت که چنین فاصله خستیه له گیانم دایه #آرمین غلامی-(مجنون کرمانشاهی)

حضرت زهرا(س)-بعد از شهادت -اشعار کردی دایه م ، له خم تو برگ خزانم، چه بکم له سره قوره تو، م فاتحه خوانم چه بکم له سره صبح یتیمیل ،وه دنبال تونن م له داخد ،وخداگیره کنانم چه بکم له سرم چیه قرار ونیه کس مونس م بعد تو بی کس و بی تاب و توانم چه بکم سره شو ، هاتیه وباز وه داخت گیرم دایه دلتنگِ کمی نازه بیانم چه بکم چادرت وه سره زینب کردیه غوغایی وه سره قوره تو ، م فاتحه خوانم چه بکم دایه خاکه سرقورت تو ، له سرپاشیمه له خم ودرد ه تو دایه، بی امانم چه بکم دره گه کفتیه ،دیوار سیاه و خوینت هرکوره هس،امان غرق فغانم چه بکم #آرمین-غلامی(مجنون کرمانشاهی)

حضرت زهرا(س)-بعد از شهادت اشعارکردی سوزمه آگر داخ تو نزانم چه بکم شرری کفت ، له غمخانه ی گیانم چه بکم بعد تو بیکس و بی یاور و تنها بیمه چیه وه دست خدا،تاب و توانم چه بکم روژ وه روژه تو و ، شو وه شوه تونالم چیه طاقت وه کفم ،اشک روانم چه بکم درده دل گرده توبوشم که چه هاتیه سرم عقدۀ دل بیه، ای راز نهانم چه بکم او نشانی که تو وه سینه کتای، له امت بردی ای دوست نیایه، تو نشانم چه بکم زندگی مشکل و، له سینه نفس تنگ بیه عاجز ه طرزه بیان ،بیه زوانم چه بکم آو، وه دیده ی خونبار بو ارم شو و روژ که بیه کشته گل تازه جوانم چه بکم چیده آخر وه برم یار ستمدیدۀ م سره شو تا وه سحر اشک فشانم چه بکم منه"مجنون " وه عزای تو درم آه و فغان منیه، له خم تو نطق بیانم چه بکم -آرمین غلامی (مجنون کرمانشاهی)