شام غریبان مرحوم هادی تبریزی امان همان گجه دن بیر بیوک حکایتی وار همان گجه آنیه اوغلونون شکایتی وار امان همان گجه دن وحشت عالمی دوتدی یره آخان قانی کرب و بلا چولی اوتدی امان همان گجه دن یر یوزی قوری قانیدی یر اوسته منعکس اولموش سطور قرآنیدی امان همان گجه دن بحر درد و غم داشدی آنا بالا او گجه حسرتیله آغلاشدی امان همان گجه دن ساربان بد کینه بیر اوزگه ظلم ایلیوب اول شهنشه دینه امان همان گجه دن صرصر خزان اسدی حسین اللرینی اهرمن گلوب کسدی امان همان گجه دن نصفی بجدل بیعار گلوب امام حسین بارماقین کسه زینهار امان همان گجه دن دوشدی حیرته ملکوت ویریلدی جملۀ کون و مکانه حکم سکوت امان همان گجه دن ویردی یل خَس و خاشاک حسین پیکرینه اولدی بیرگوزل پوشاک امان همان گجه دن نیزه قلج اوخ داش یارالی پیکرینه صبحه تک اولوب یولداش امان همان گجه دن خولی جفا پیشه ویروبدی پایۀ اسلامه ظلمیله تیشه امان همان گجه دن شه تنور ایچینده یاتوب او قانلی عارضی خاکستر تنوره باتوب امان همان گجه دن کول دولوب حسین گوزونه باخانمیوب اودی دقتله بیر آنا یوزونه امان همان گجه دن گُل یاتوب کول اوستونده او گُل یاتانمازیدی پَرّ بلبل اوستونده امان همان گجه دن زینب بلا دیده اولوبدی درد و بلالرینده رنجیده امان همان گجه دن قامتی کمان زهرا گهی دیردی حسین گه دیردی وای لیلا امان همان گجه دن اشک ما خلق آخدی حسین قانین آغاران زلفینه خانم یاخدی امان همان گجه دن آی اولوبدی خونین رو قان ایچره مظهر انوار حق ایدوب بیتو امان همان گجه دن شیر جنگ اولوب خسته او دور که تشنه یاتوب نیزه و سنان اوسته امان همان گجه یل دگنده پیکانه دوتاردی چول یوزونی نغمه های جانانه امان همان گجه دن ماتمه جهان باتدی علی اصغر او گون قانه تشنه لب باتدی

کربلایی سعید سلطانی

#گلمیشوخ_ای_شیعه‌لر_شام_غریبانه_بیز ویرماقا باش ساقلیقی زینب نالانه بیز بوگجه بیز گلمیشوخ نوحه ایداخ آغلیاخ آغلیوب اول سروره سینه‌میزی داغلیاخ تشنه‌ اؤلـن سروره جمله عزا ساخلیاخ شیونیله گلمیشوخ جمله شبستانه بیز چون باتوب اؤز قانینه اکبر شیرین زبان حلقین علی‌اصغری اوخلیوب اول کوفیان بی‌گنه اولموش شهید چون او ایکی باغریقان باعث اودور گلمیشوخ ناله و افغانه بیز آغلاروق اول سرورین نازلی علمدارینه جملـه اصحــابینه یــاور و انصــارینه حیف اولا عباسین اول قامت و قوللارینه یئتسه اَل عرض ایلروخ سرور مردانه بیز یئــرده قالـوب پیکـر شاه زمین و زَمَن نیزیه گئچمیش باشی قانی آخور نیزه‌دن کیمسَنَه یوخ ایلیه غسل و حنوط و کفن دوشمیـاق آغلار نئجه کوه و بیابانه بیز زینب و کلثوم اولوب خصمه اسیر و فگار هر بیری بیر محنته بوگئجه اولموش دچار سیّــد سجّــاددَه نالــه ایـــدر زار زار سس ویراق اول بیکسه ایمدی یانا یانه بیز نازلی سکینه اولوب بوگئجه‌ زار و ملول ظلمیله سیلی ووروب شمر شریر و جهول تتریری بو ظلمیدن عرش، خدای رسول آغلوروق اول بی‌کس و حالی پریشانه بیز آغلیـون ای شیعه‌لر کرب و بلا شاهینه باخمـادیلار زینبـون اود یـارادان آهینه ظلمیله اود ووردیلار خیمه و خرگاهینه کـاش یانیـدوخ تمـام آتـش سـوزانه بیز ✨اَللّهُمَّ عَجِّل لِوَلیِّکَ الفَرَج✨

باسلام شعر جدید توسل به حضرت ولیعصر عج با آهنگ جدید با سبک یا امام زمان شیعه ده احساسه باخ👌 یا امام زمان شیعه یه احسان ایله دردیمیز وار بیزیم دردلره درمان ایله یادگار علی شیعیانه ولی یابن زهرا یابن زهرا 2بار یوسف فاطمه ای آدی فخرالبشر گوز تیکیوب یوللارا شیعه لر ای منتظر منتظر گوزلره سن آقا جان قیل نظر یوسف فاطمه ظلمه ویر خاتمه یابن زهرا یابن زهرا 2بار ای اولان عالمه بانی خلقت آقا یاور اهل دین کان و کرامت آقا ویر صفا گلشنه ایله عنایت آقا ای گل مصطفی گلشنه ویر صفا یابن زهرا یابن زهرا 2بار آی دیمم حسنوه آی سنه حیران قالوب گون دیمم چونکه گون نورینی سنن آلوب شوکتین عزتین عالمه غوغا سالوب آل آله پرچمی شادائله عالمی یابن زهرا یابن زهرا 2بار سن ولی حق. حیدر کراریسن امت پیغمبره دلبرو دلدریسن شهریار جهان محرم اسراریسن فاطمه دلبری شیعه نین سروری یابن زهرا یابن زهرا 2بار محرم راز علی حیدره نوره بصر گل غم هجرانیده شیعه اولوب خونجگر گورمگه حسنوی ایندی اورک لر اثر آل آله سن علم قوی گوز اوسته قدم یابن زهرا یابن زهرا 2بار غنچه گوللر آقا غصدن ایندی صولوب گل آقا شیعه نی دردو فراقین یوروب قلبیلر غصدن قانیله الوان اولوب شیعه نی یاد ایله غمنن آزاد ایله یابن زهرا یابن زهرا 2بار کربلا کاظمین. مکه ده سن بیلمرم گوزلریم یولدادی من آقا یول گوزلرم ویرسلر عالمی حسنوه من ویرمرم رحمت العالمین صولدی گلزار دین یابن زهرا یابن زهرا 2بار وارامیدیم گلن قالمیا یولدا گوزوم گلسن اما سنه واردی منیم چوخ سوزوم سن گلن یوللارا قربان اولوم من اوزوم شاهیسن عالمه یوسف فاطمه یابن زهرا یابن زهرا 2بار وار امیدیم منیم. روحمه ریحان گله یادگاره علی. یاور قرآن گله ذات حقدن آقا بیر آلا فرمان گله گل گلن یوللارا جان امت فدا یابن زهرا یابن زهرا 2بار گوزلریم یولدادی یاربیزه مهمان گله بیلمورم لیک هاچان باشه، بوهجران گله شیعه لر گون سایر سویگول جانان گله پور حیدر گله شیعه لر دینجله یابن زهرا یابن زهرا 2بار «مهدیم» لطف ایله دوت الیمی قیل کرم سائل درگهم هیچ قاپویا گیتمرم درگهینن سنین من آقا ال چکمرم بی پناهم آقا روسیاهم آقا یابن زهرا یابن زهرا 2بار ✍حاج مهدی ملکی زنجانی ✨اَللّهُمَّ عَجِّل لِوَلیِّکَ الفَرَج✨

ای مست جام عالم قالو بلی اوغول مطبخ سرا هارا یارالی باش هارا اوغول سیر الی اللّهینده مبارکدی منزلین خلوت سرای عشقین اولوب غمفزا اوغول سودای وصل یار دوشه هانسی بیر باشا گلمز باشا باشیندا اولان ماجرا اوغول قاشون چکیب دی مدّ او بسم الله اوستونه نقطه کیمی گوزون اوتوروب تحت با اوغول جام بلایه مشتری سن شوق و ذوقیله بیر کیمسه ائتمییوب بیله بیع و شرا اوغول عالم فدا بو همّت و ایثاریوه سنون جانان یولوندا جانیوی ائتدین فدا اوغول گلدی آنان عیادته آچ قان دولان گوزون باغریم دونوبدی قانه اویان با وفا اوغول گلم دالینجا هر یئره گئتسون دوزنمرم تاب ائله مز بالا غمینه هئچ آنا اوغول ناز ائیلمه که منده داخی قالمییب توان اولما رضا بو قدری ائده م آه وا اوغول گل سینمه چوخ اینجیمسن چوخ یورولموسان از بس وروبلا یاره سنه اشقیا اوغول خولی گتیردی باشیوی قویدی کول اوستونه کول اولدی عالمین باشینا برملا اوغول دوتدی هوای نفس گوزون حقی گورمه دی گوردی سنه بو محنت و ظلمی روا اوغول بیر باش که طوف ائدر باشینا عرش و فرشیان گور هاردا یئر وئریب دی بو قوم دغا اوغول تک گلموسن ندن هانی بس لشگرون سنین سرلشگرون هایاندادی دوتسون لوا اوغول گوردوم وفالی قارداشیوین سعی و همّتین سو اوسته اولدی قولاری تندن جدا اوغول یاندیم علی اکبر و قاسم غمینده چوخ اصغر غمینده من سنی ائتدیم دعا اوغول کسدی او دم کی باشیوی شمر لعین سنین دوشدی بلایه عترت خیرالورا اوغول سندن صورا خیامی قشون غارت ائتدیلر عرشه اوجالدی خیمه دن آه و نوا اوغول قورخوشدی قیزلارین نگران قاچدی چوللره تا ائیلسین له جانلارین اوددان رها اوغول هم سویدولا بالالاری هم دوگدولر او دم اولدی اسیر عترت آلعبا اوغول آتلارایاقی آلتدا قالیب نازدانه لر سولدوردی بیر نئچه گولی اهل جفا اوغول سندنصورا آچیلدی فراتین یولی ولی هر کیم سو ایچدی اولدی غمه مبتلا اوغول باشون بلاسی درد و غمه سالدی عالمی گتدی نوایه اهل دلی نینوا اوغول گرچه کول اوسته یاتماقیوی بیلمیری باجون گرداب غمده غرقیدی اول ناخدا اوغول یانمیش چادیردا زینبی گوردوم گلنده من قورموشدی خیمه گاهیده بزم عزا اوغول نصفی یانان چادیردا طبیبانه زینبین آچمیشدی اهلبیتیوه دارالشفا اوغول نازین چکوب بالالاروین مهربان باجون بیر کس یوخیدی ائیلییه درده دوا اوغول بیکس رباب هیچ کیمه دردین دینمدی گیزلین شراره یاندی اوغولسوز آنا اوغول دوشدی یولوم گلنده منیم قتلگاهیدن یاندیم شرار غملریله هکذا اوغول توپراقلار اوسته قانه بلنمیش جنازه لر ائتمیشدیلر او یئرده سنه اقتدا اوغول گودال قتلگاهیدن آلدیم سراغیوی گوردوم وروبلا جسمیوه سایسیز یارا اوغول گلمیشدی نعشون اوسته بابان ختم الانبیا هم قارداشین حسن، هم آتان مرتضی اوغول نازلی قیزین شیرین دیلیله نوحه باشلادی وئردی او غملی انجمنه بیر صفا اوغول یاندیردی داغلی سینه میزی لیک ساربان اول دم که گلدی غارته اول بی حیا اوغول بیر ال کی ال دوتاردی اونی کسدی ظلمیله گلدی فغان و نالیه ارض و سما اوغول گوردوم اوغول او منظره نی یاندیم آغلادیم یاخدیم او قانی زلفیمه ائتدیم حنا اوغول گلمز تمامه مصحف غم هر نه شرح ائده م سن حالیوی بیان ائله ای مه لقا اوغول #مدهوش یازدی شام غریبان بو مطلبی هر کلمه سینده ائتدی سنه التجا اوغول #مدهوش 1-12. شام غریبان ┅┅┅┅┄❅💠❅┄┅┅┅┅┄ 🇮🇷#اللّٰهمَّ_عَجِّلْ_لِوَلِیِّكَ_ٱلْفَرَجَ🇮🇷 دعوتید: به کانال وابرگروه مداحان #تخصصی_نوای_ذاکرین #اکبر_آرامش_اشعار_مذهبی ایتا↙️ کانال👇 Eitaa.com/navayehzakerin2 ابرگروه👇👇 انگشت مبارک روی لینک اشاره بفرماییدواردشوید.↙️↙️ #ابرگروه_نوای_ذاکرین https://eitaa.com/joinchat/954466766C8b9b885ce9 @Aaramesh42 ╚═══💫💎═╝

1-10. شام غریبان گودال سس وئر داریخمیشام من نالانه آی بابا گلدیم بو یئرده شام غریبانه آی بابا گلدیم بابا غمینده یانیم سینه داغلییم خلوت ائدیب جنازه وین اوستونده آغلییم امکان یوخومدی یاره لرین گرچی باغلییم گوز یاش گتیرمیشم سنه درمانه آی بابا سس وئر منه دئییم باشیمین ماجراسینی غارت غمین بو لشگر کفرون جفاسینی یوخ باغلیان ایاقلاریمین هیچ یاراسینی غم گور نئجه گتیردی منه جانه آی بابا سند نصورا اورکلرمیز قانه دوندولر باشین اوجالدی نیزیه دشمن سویوندولر غارت هواسی باشدا خیامه توکولدولر یاندی شرار ظلمیله کاشانه ای بابا عمه م اودم کی گوردی گلیر لشگر جفا ائتدی سوال قارداشیما نیلیوم بالا امر ائیلدی کی اهل حرم چوللره قاچا قالدی اوزی خیمده یانا یانه آی بابا هر نه واریدی اهل جفا غارت ائیلدی اهل حرم داغیلدی چوله وحشت ائلیدی الله ولیک عممه چوخ نصرت ائیلدی تاپدی گتیردی خیمه سوزانه آی بابا سندنصورا بابا بیزه دشمن گتیردی سو هر قطره سینده دیلده فغان ائتدیم آرزو بیر قطره سین وئریدیله کاش اصغره عدو اوخ ووردیلا او طفل لب عطشانه ای بابا الان کی گلمیشم بورا ای سرور حجاز نصفی یانان چادیردا بی بیم باشلیوب نماز گوزیاشلی سینه داغلی ائدیر رازیله نیاز قلبی دوندی لاله کیمی قانه آی بابا سندن صورا بو عالم امکاندا یوخ صفا قمچی له ساکت ائتدی بیزی قوم اشقیا کاش عمری اجل گله مقتلده قورتارا یوخ منده تاب کوفه ده زندانه آی بابا ┅┅┅┅┄❅💠❅┄┅┅┅┅┄ 🇮🇷#اللّٰهمَّ_عَجِّلْ_لِوَلِیِّكَ_ٱلْفَرَجَ🇮🇷 دعوتید: به کانال وابرگروه مداحان #تخصصی_نوای_ذاکرین #اکبر_آرامش_اشعار_مذهبی ایتا↙️ کانال👇 Eitaa.com/navayehzakerin2 ابرگروه👇👇 انگشت مبارک روی لینک اشاره بفرماییدواردشوید.↙️↙️ #ابرگروه_نوای_ذاکرین https://eitaa.com/joinchat/954466766C8b9b885ce9 @Aaramesh42 ╚═══💫💎═╝

کربلایی سعید سلطانی #شام_غریبان

🏴نوحه زنجیرزنی امام حسین🏴 در سبک(قدم قدم) ✍شاعر : علی عبدی قدم  قدم ، شاه  کرم بو  قارا  پرچم  دالیجا  من  گلرم حسین حسین،سسلنرم گوزیاشیمی   صورته   مولا  اَلَرم ای   پور   حضرت   یدالله ای   شه  دین   ابا عبدالله دنیایه  وئرمرم   عشفیوی اربابیم   یاحسین   ثارالله جان یارالی،جان یارالی مرقد ششگوشه وه قربان یارالی 🏴🏴🏴🏴🏴 جانسان آقا ، جانسان  آقا کعبه ی دل عالمه سلطانسان آقا جانسان  آقا ، جانسان آقا سرور  و  سالار شهیدانسان  آقا قاپوندا  یا حسین   نوکرم بو  شانی   عالمه   وئرمرم تاجان وار قاره  پرچملردن یا   مولا    اَلیمی   ئوزمرَم جان یارالی،جان یارالی مرقد ششگوشه وه قربان یارالی 🏴🏴🏴🏴🏴 اکبریوه ، اصغریوه قربان اولوم هم اوجا سرلشکریوه قاسمیله جعفریوه یتمیش  ایکی  عاشق  نام آوریوه مکتبین   مکتب  انسان  ساز هرعصری قبول اِیلیور سرباز هرکیم بو مکتبه عضو اولسا دنیاده   خار  و  رسوا   الماز جان یارالی،جان یارالی مرقد ششگوشه وه قربان یارالی 🏴🏴🏴🏴🏴 حسین من ،حسین من ای  یارالی  پیکری گوداله  دوشن حسین من حسین من ای باشی دالدان لب تشنه کسولن سن چوخور یئره باتدون قانه اوجالدی       ناله       آسمانه یاندیردی   خیمه لری   دشمن قیزلارون     قاچدی    بیابانه جان یارالی،جان یارالی مرقد ششگوشه وه قربان یارالی بقلم کربلایی علی عبدی زنجانی #سبک_قدم_قدم ┅┅┅┅┄❅💠❅┄┅┅┅┅┄ 🇮🇷#اللّٰهمَّ_عَجِّلْ_لِوَلِیِّكَ_ٱلْفَرَجَ🇮🇷 دعوتید: به کانال وابرگروه مداحان #تخصصی_نوای_ذاکرین #اکبر_آرامش_اشعار_مذهبی ایتا↙️ کانال👇 Eitaa.com/navayehzakerin2 ابرگروه👇👇 انگشت مبارک روی لینک اشاره بفرماییدواردشوید.↙️↙️ #ابرگروه_نوای_ذاکرین https://eitaa.com/joinchat/954466766C8b9b885ce9 @Aaramesh42 ╚═══💫💎═╝

مداحی ای غملر آشناسی ای وای حسینیم نوحه ترکی خیلی خوب عالی از سعید رستمی ای یار

#امام_حسین_علیه_السلام #دوبیتی_شام_غریبان تو ماندی در بیابان خواهرت رفت اَسیری از کنارِ پیکرت رفت همه دیدند پیراهن چه شد وای برادر جان کجا انگشترت رفت 🕳🕳🕳🕳🕳🕳🕳🕳 چه شد با زینتِ دوشِ پیمبر به پیشِ چشم‌هایِ تارِ کوثر سرِ دینِ خدا را اهلِ نیرنگ جدا کردند با اَللّه‌ُاکبر #حسین_ایمانی ┅┅┅┅┄❅💠❅┄┅┅┅┅┄ 🇮🇷#اللّٰهمَّ_عَجِّلْ_لِوَلِیِّكَ_ٱلْفَرَجَ🇮🇷 دعوتید: به کانال وابرگروه مداحان #تخصصی_نوای_ذاکرین #اکبر_آرامش_اشعار_مذهبی ایتا↙️ کانال👇 Eitaa.com/navayehzakerin2 ابرگروه👇👇 انگشت مبارک روی لینک اشاره بفرماییدواردشوید.↙️↙️ #ابرگروه_نوای_ذاکرین https://eitaa.com/joinchat/954466766C8b9b885ce9 @Aaramesh42 ╚═══💫💎═╝

بارونه کربلا مادرت میشه مهمون کربلا 🎙کربلایی محمدحسین حدادیان

عمو مراقب چشمات باش😭💔 #محرم #عاشورا #امام_حسین