#غزل_عشق جامه ی عشقی سویمارام قوی گوله بیگانه منه جامه ی عشقیمدی ویریب عزت شاهانه منه یوخدی توانیم که اولام خادم خالص آقاما ایستیرم اخر دییلر عشقیده دیوانه منه شمع فروزاندی حسین باشینین اوسته یانارام رشک آپارا جنونیده شمعیله پروانه منه واردی یقینیم که اگر بیر نظر ائتسه اول شهیم حشریده رشکیله باخار عارف فرزانه منه اگممیشم باشیمی من شهلره سلطانلارا چون روز ازلده شه ویریب خصلت مردانه منه آیری خیال ایلمیون عشقه بدل چوخ تاپیلیب عشقیده مجنون دگیلیم یازمیون افسانه منه گتمه #عبادی هر یولا سینه ده ساخلا عشقوی ذهنیوه گلمسین بو سوز شه باخاجاخ یانه منه #عبادی_طارمـے