‍ #امام_علی_ع_شهادت #امام_علی_دلگویه_مازنی 🏴 بعین اَمشو بنالیم  اَیُّهَاالنّـاس باامام حسن وحسین و عباس بعین زینب واری زار بنالیم مثـل  کلثوم عـزادار  بنـالیم وِشونِ دلـه کوفه خون دکِرده وِشـون چـراغ خِشـی دَمِـرده باز زهرای وَچون یتیم بَهینه بازم از شاخهٔ غم گل بَچینه چراغ عمر علی بَیّـه خـاموش جهان شیعه بَهینه سیاه پوش نخل عدالتِ سر ره بَزونه ناجوونمردی حیدر ره بَزونه هـر چـی بـلاعـه زینـبِ نصیبه وِه دیگـه کـوفـه ی دله غـریبه اَتا روز اِنه کوفه با دل تنگ ونِه جا استقبال کِننه با سنگ اون روز وِنه دل غم بونه تازه حسینِ سر دَره بالای نیزه اَتا روز اِنه با صدتا نِشونه مردم میون تماشایی بونه وِنه دل که بونه کباب وَرنّـه زینبِ مجلس شراب وَرنّـه .