در شهادت امیرالمومنین(ع) مسجدده صبح اولونجا محراب آغلیوردی گویدن باخوردی فرشه مهتاب آغلیوردی ایوای او دم که شمشیر اُول قانلی سجده گهده اولموشدی چون پشیمان بی تاب آغلیوردی آئینه ء ولای سیندیردی خنجر کین آئینه ،نور حقّه در قاب آغلیوردی دولدوردی کوفه نی تا" فُزتُ وَ رَب " صداسی وا مرتضا دیلینده اصحاب آغلیوردی آسوده یاتمشیدی نامردمان کوفه تنها یتیم اوشاقلار بی خواب آغلیوردی دولدورموشیدی شهری گرداب غم سراسر چشم فلک میان گرداب آغلیوردی نهرات فراته بیر آن پر آچدی مرغ طبعیم گوردوم کی هم دوشن قول هم آب آغلیوردی عطشان دوداقی بیرآن تا گئجدی خاطریمدن گوردوم او پاره مشکی بی تاب آغلیوردی شرمنده اولدی علقم عباس خجلتیندن سقّایه اُول زمان کی ارباب آغلیوردی #محمدرضاصادقی‌شیدا