من خمار بزم عرفانم صفا محتاجیم
گلمیشم میخانیه جام ولا محتاجیم
دولدور ای ساقی بو بوش پیمانمی انصاف اله
تشنه صهبادی جامیم اعتنا محتاجیم
من همان مدهوش روی دلبرم کی عمریدور
درگهینده سائلم لطف و عطا محتاجیم
من اوبیمارم کی درمانیم نگاه یاریدور
سسلنور دردیم کی یارا باخ دوا محتاجیم
آتما گوزلردن مریض عشقوی بیگانه تک
باخ طبیبانه سنه قربان شفا محتاجیم
حمدالله من گدایم فاطمه دربارینه
گیتمرم بوآستاندان هل اتا محتاجیم
سینمه خطاط عشقیم حک ایدوب بو مصرعی
پادشاه عالم اولسام مرتضی محتاجیم