مدح و میلادیه حضرت معصومه سلام الله علیها «شاعر لاادری» ای اللری خورشیده اولان مَشعَلَه گَردان جِبریل ، اولان دور حریمینده نگهبان درگاهی شرف کعبه سی ، سرمایه ی ایمان سندندی اگرگُلشن اولوب کشورایران هربیرباخیشون درده اولار نسخه ی درمان یاحضرت معصومه گوزل قبریوه قربان دگدی نَفسون یئر دیریلوب لاله اوجالدی یازخیمه قوروب چولده طبیعت نَفَس آلدی چای داشدی،بولاغ جوشدی ، بوداق کولگه نی سالدی غم جامینی مست اولدی هَزاره یئره چالدی لطفون ائلیوبدور اونی گلشنده غزلخوان یا حضرت معصومه گوزل قبریوه قربان قویدون قدمون یئریوزونه توپراق اوتاندی ئوپدی ایاقوندان ئوزونه هرنه قازاندی تترتدی ئوزین قوشدی یئله سس اوجالاندی های دوشدی بوتون ئولکه لره ائللر اویاندی هرائلده سنون آدون اولوب صحبته عنوان یا حضرت معصومه گوزل قبریوه قربان میلادیوه خاطریئره گویدن نظر اولدی قورتاردی قرانلوق گجه آیدین سحراولدی دیل سویلدی دلبرسوزی دوندی شکر اولدی عشق وشرف وحُجب وحیا بختور اولدی مِهریله وفا اولدی بو اِعزازه ثناخوان یا حضرت معصومه گوزل قبریوه قربان مدیوندی سنه شهر قم ای بانوی عصمت الله سنه خاطروئروب اول شهره فضیلت سندندی که تدریس اولونور درس امامت گون تک یایور ئوز شعشعه سین نور ولایت فیضّیه سنوندور که وئرور فیض فراوان یا حضرت معصومه گوزل قبریوه قربان الله که مُنَزّهدی اونون جلوه ی ذاتی افلاکه وئروب نظمیله سیرینده ثباتی دائمدی عوا لِمده الهی برکاتی بیرجَدّیوه خاطر یارادیب یئرده حیاتی سن باعث ِخلقت قیزیسان اشرفِ انسان یا حضرت معصومه گوزل قبریوه قربان سن وارد اولان وقته قُما حُرمتون اولدی اطرافووی عاشقلر آلوب گوزلری دولدی بیلمم ولی اول کوفه ده بو شیعه نجولدی جمعیّتی زینب که گوروب صورتی سولدی عمّونده اولان صبر ائلیوب عالمی حیران یا حضرت معصومه گوزل قبریوه قربان بیله یازیلوب قانلی باشی ووردلار اوردا آغلاشدی هامی محشراولوب زینبه برپا قول باغلیدی مجنونی ولی نیزده لیلا باخدیقجا دئیردی نه سولوبسان گُلِ زهرا آگهسن ئوزون قیلدی نجه ناله وافغان یا حضرت معصومه گوزل قبریوه قربان