⚡️بسم الله الرحمن الرحیم ⚡️
دلنوشته های شعرای دلسوخته بوستان شعر و ادب تبریز
🏴شهادت امام موسی بن جعفر( ع)
سیدی یا حضرت موسی بن جعفر السلام
ای سلیل مصطفی روح پیمبر السلام
حضرت باب الحوائج هفتمین هادیّ خلق
کاظمینی ائلیین قبری منوّر السلام
شیعیان ایچره آدون باب الحوائجدی آقا
سسلیر آدون مداوم، زار و مضطر السلام
لیلهء قتلون اولوبدور لیلهء ذکر و دعا
گوسترور ماه رجبده قدر دیگر السلام
السلام ای قولاری زنجیر ظلمه باغلانان
قعر محبسده ائـدن قرآنی ازبـر السلام
ای آدی باب الحوائج چاره سیز درده دوا
یدی مینجی رهنما ای دینه رهبر السلام
اون بیـرایل زندانسراده سیندیروبلار قلبیوی
گول مثالی ای اولان گلشنـده پرپرالسلام
ای قالان قرخ پله لی زندان ایچینده دیده تر
ای امام ماخَلَق ، سلطان و سرور السلام
هر مصیباته دوزن الله یولوندا صبر ائدن
غیضینی کظم ائیلین ارزنده گوهر السلام
ای اسیر اشقیا ائلدن آرالی خونجگر
ای گرفتار یهودیّ بد اختر السلام
نالیه گتدی سنون نالون تمام داغ داشی
رحمه اما گلمدی قوم ستمگر السلام
ای قالان حسرت نئچه ایللر وطن اولادینه
حبسیده چکدون نلرای شاه محشرالسلام
آه او ساعتدن که زندانه گلردی سندِّ دون
ناله ائیلردی درو دیوار یکسر السلام
هم ویراردی هم دئیردی ناسزا اول بیحیا
بو اسفلی حاله آغلاردی ملک لر السلام
شاعران :
سید جواد حسینی
استاد حاج نادر بابایی
علی اصغرعباسعلی نژادکیوج
هاشم خیری
خادم الشعرا استاد الیاس ملک پور
۱۷بهمن ماه ۱۴۰۲ مصادف باسالروز شهادت امام موسی کاظم علیه السلام
✨اَللّهُمَّ عَجِّل لِوَلیِّکَ الفَرَج✨
التماس دعا...