🌿🌸🍃 🌸🍃 💐 میلاد حضرت مهدی علیه السلام ✍️ حاج اصغر فرشچی (عدلی تبریزی) 🎤 مهندس حاج علیرضاداداش نژاد میاندوآب سبک:زهره 🎼: دردستگاه سگاه نيمۀ شعبان ولايت بيتونون دردانه سی قويدی دنيايه قدم فرزانه لرفرزانه سی حُب عشقی بيرشراب ايستريَم عرفانيدن ساقی بيرجام ولايت ويراولوم مستانه سی بيرمحبّت جامی دولدورساقی باهم مست اولاق كافيدی مست اولماقا بيرجرعه سی پيمانه سی سنده مست اول منده بو جام ولايتدن مدام باغلياق تا باغلی قالسون غيرحق ميخانه سي نغمۀ عرفان اوخورگلشنده بلبل هرزمان مهديه خاطرمهيّا دورسويی هم دانه سی ابررحمت سايه سيندن خرّم هرسرو وچمن صاحب جود وكرم دورحُسن شمس ايوانه سی شمس افلاك ولايت رهنمای راستين نورپاكيله اولارروشن گوگول ويرانه سی كشتی ايجاده لنگر حاكم دين مبين گورميوب چوخ عده امّا عاشق و ديوانه سی حُجّت قائم گل زهرا امام آخرين گل وجودی شمع دورجانلارهامی پروانه سی اذن آلاربيرگون ظهوره خالق رحمانيدن تا ايده دين ملكون آباد قالميه بت خانه سی گوزتيكوب گوزلوريولون «عد لی» اوركده دردی وار عيد اولاندا شعراوخورتزئين اولاركاشانه سی 🌿 🍃🌺 🍃🌺🍂