میلادیه حضرت امام زمان عَجّلََ اللهُ تعالی فَرَجَهُ الشَّریف
.
مرحوم معزی اردبیلی
.
.
ای اولان سرور و سالار حرم یامهدی یامهدی
قیل بیزه نیمهٔ شعباندی کرم یامهدی یامهدی
ای شهریار ملک عرفان تز گل
گورسون جمالوی محبّان تز گل
یامهدی۶
.
.
.
دورووه ویردی اوگون حور و ملک چون حاله
هاموسی اوپدی الوندن چاتالار آماله
فخر ائدوب نرجس خاتون بیله بیر اجلاله
صمدی یاد ائلدون سیندی صنم یامهدی
.
.
.
گون کیمی ایله طلوع روشن ائله دنیانی
ذوالفقارون اله آل اللروون قربانی
محسنون قانینی آل شاد ائت آنون زهرانی
گور نیه ظلم ائلیوب اهل ستم یامهدی
.
.
.
آلدی آغوشه سنی شیعه لرون مولاسی
دئدی بنذر گونه زیبا بالامون سیماسی
یخماقا ظالم ائوین اولمیاجاق پرواسی
گل سیخوب قلبیمیزی محنت و غم یامهدی
.
.
.
گئتدون عرشه آنوین سولدی اوگون رخساری
گئچدی بیر قدری گوروب گلدی گل گلزاری
گئتدی اصغر سووا پوزدی آناسین دیداری
اولدی اجلالی یاریم گونده بهم یامهدی