کوچ از شام گَلوبدی شدت غمدن فغانه اهل وفا خرابه‌دن گویه اوج ایلیوبدی آه و نوا خرابه یرده بو دم شور حشر برپادی نوایله اودی تسخیر اولوبدی عرض و سَما یول اوسته قافلهء کربلا دوشوب لنگه بیر اوزگه صحنیه ویرانسرا اولوب دارا رباب اَل اوزموری بیر دم رقیه قبریندن مدام سَسلوری قبر اوسته آه و واویلا یانخلی دیللریله روضهء وداع اوخیور سَسینه سَس یتورور هر نفسده مام بلا قویور یوزون او مزار مجلَّله گهگاه دیور بو خیردا مزاره آنان اولیدی فدا آنانین اوخشاماسی اود ویرار دل و جانه یانور اورکدن او ماتمده زینب کبریٰ دیور نه یاتموسان آچ گوزلرین رقیه اویان گیدوری قافله‌میز دشت کربلایه بالا اورگون ایستور اگر کربلانی بسم الله گیداخ او یرده دوتاخ شاه تشنه‌کامه عزا سَسیمی آلسان اگر سَس یتور باتان سَسیمه حسین مزارینه سَنسیز نجٓه گیدوم آیا اگر سراغیوی دوتسا قیزیم آتان، قیزیم نه دیوم دیوم که جور و جفا عمرونی ایدوبدی فنا؟ دیمز بالام سَنه مندن امانتیدی مگر خراب اولیدی گوروم یکسره فنا دنیا نه یاتموسان گوزون آچ حلّ ایله معمّانی اولوبدی شور قیامت بو غمکشه بر‌پا علاوه بیکس آنان آیریلانموری سَندن مدینه‌ده یولوی گوزلیور باجون صغرا اویان عزیزیم اویان دولدی باغریم آلقانه گتورمه عمٓه‌وی آرتوق بو غمده افغانه حسینون آز قالوری باشلانا قیزیم یاسی حسیندی عمٓه‌وین عالمده دار دنیاسی گرکدی حاضر اولام من بو اربعینینده گوره له حاضر اولوبدور عزاده شیداسی علاوه که اورک ایستور حسین زیارتینی گرک زیارت ایدم من مزار عباسی اوزاق دوشوبدی هزار حیف اولا او صحراده عزیز فاطمه‌نین اول وفالی سقاسی دیولله نهره باخاندا او قانلی مقتلدن مدام جلوه لنور گوزده قبر زیباسی حسینیمینده که قبری صفا ویروب او چوله مزار پاکینون عالمده یوخدی همتاسی او آلتی گوشه مزاری گرک گوره لیلا یاتوب اَدبدن ایاق آتدا ماه‌سیماسی سَریّه‌نین چیخار اوغلانلاری مگر یاددان اورگینون او مصیبتده گیتدی یاراسی رباب آز قالور اُلسون دوشَنده خاطرینه سو اوسته قانه باتان اول غزال زیباسی گیدور دِیه منی عفو ایت که باغلادیم اَلیوی او یرده گورملیدی سوزیله تمنّاسی مقدّراته اگر چه قضا اولوبدی او گون سالوبدی درده ولی قلبینی بو سوداسی آنا محبّتینون یوخدی حدّ پایانی آنادی مهر و وفانین جهاندا دریاسی سالور خیالینه عکس رخون باخور آغلور دعا ایله ویره صبرین خدای یکتاسی اورگون ایستیر اگر کربلا داریخما عتیق رباب اَلیله ویریلدی براتین امضاسی #بداهه.