هدایت شده از ⊰کانال مداحی ترکی باسبک ⊱
اربعین
(سبک: یخیلدی سقا یره)
من زینبم یا حسین آه و وایه گلمیشم
باشدا قرا شامیدن کربلایه گلمیشم
کربلا کربلا قان دیاری کربلا
اربعینه گلوب غم قطاری کربلا
بو قانلی چولده منیم گوللریم خزان اولوب
عباسیم آتدان دوشوب قامتیم کمان اولوب
تشنه سقا غمی دلده جاودانه دی
من اونا آغلورام بو علَم بهانه دی
اهل جفا کوفه و شامیده یوروب بیزی
هر قیز دوشوب ناقه دن ساربان وروب بیزی
من سوار ائتمیشم اهل بیتی ناقیه
یوزلرین ئوپمیشم یا حسین دیه دیه
گئتمه دایان ساربان عطر جانفزا گلور
شش ماهه سین گورماقا مهربان آنا گلور
دیلده سسلور رباب تشنه یاریم هاردادی
گلمیشم صود وئرم شیرخواریم هاردادی
نازلی رقیه ام قالوب شامیده خرابه ده
داغ غمی وار یئری قلبیمی کباب ائده
قانلی باشه دئدی غملی سوزلرین بالام
گوردی قانلی گوزی یومدی گوزلرین بالام
**
حاج ولی اله کلامی زنجانی✍