📚 #با_شعرای_مأوایی شهرستان #فامنین 💐الّلهُمَّ صَلِّ عَلی مُحَمَّد وَآلِ مُحَمَّد... 📜 عالمین قبله سی خلقته حضرت دادار قیامت یارادیب کائناته سبب لطف وعنایت یارادیب عالم عشقه خدا مایه ی رحمت یارادیب کون و امکانه گوزل آیه عزت یارادیب دیدی هم ارض و سماواته سرآمد اولاجاق عالمین قبله سی ابروی محمد اولاجاق قویدی دنیایه قدم عالمی حیران ایلدی طالعی تک به تک ادیانی پریشان ایلدی گوزلری موسی عمرانی مسلمان ایلدی کل دنیانی عجب مست وغزلخوان ایلدی لطف حق گور نیجه خورشید نمایان یارادیب دین و ایمانه محمد کیمی سلطان یارادیب آسمانلاردا یازوب عشق خدای ازلی مصطفی دور که یوخ عالمده،شبیهی،مثلی دیدیلر عالم بالاده به آوای جلی که محمددی فقط ارض و سمانین گوزلی اولوب عالملره زیبنده، دی ماشاءالله عشقی دنیانی سالوب بنده.دی ماشاءالله آیه آیه نفسی سوره ی قرآن گتورور اتگونده ملکوت اهلینه احسان گتورور دردمندان جهان دردینه درمان گتورور عشقی ایمانه طرف کفری هراسان گتورور باخ کمالاتینه اوصافینه چون دریادی مکتبینده دایانان حیدرینن زهرادی نه محمد که اونی عشقه برابر یازورام نه برابر که هامی عالمه برتر یازورام عرشیده فرشیده عالملره سرور یازورام جوهر عشقیله هی نام پیمبر یازورام گیجه گوندوز گزورم تاکه تاپام راه نجات یازورام قلبیمه بر نام محمد صلوات ✍ شاعر: آقای حسین #رستمی ماماهانی JOIN➢➣➤ @Famenin_Gram