سوم رجب. با عرض تسلیت درعزای حضرت امام علی النقی علیه السلام اصغر فرشچی ( عدلی تبریزی) شیعه لرقان آغلیور بـر پا اولـوب بـزم عـزا سنده گل صاحب زمان جدّون اولوب دینه فدا . . حضرت هادی النقی دورگوزیوموبدی بوسحر سـوّم مـاه رجـب ده ایـتـدی عقبایه سفر گـوئیا بـاتـدی ولایـت آسمانینده قـمـر قاره پوش اولدی بوغمده آغلوری ارض وسما سنده گل صاحب زمان جدّون اولوب دینه فدا . . آسمان علم و حکمتده وجودی آفتاب ظلمیله مسموم ایدوبلر گل یوزه چکدی نقاب آلدی آغـوشـه ائوینده پیکریـن تیره تراب آغلوری زهرا آنان هـم آغلوری عرش خـدا سنده گل صاحب زمان جدّون اولوب دینه فدا . . رهبر اسلامیان اسـلامـه عزّت سـایه سی اولدی مستحکم بونیله ملک دینون پایه سی باتماقی گون تک اولوبدی شیعیه غم مایه سی تا قـیـامت شیعه لـر بـر پـا ایدر بزم عـزا سنده گل صاحب زمان جدّون اولوب دینه فدا . . هـادی کلّ جـهـان بـاغ سخـاوتـدن ثمر شعشعه سالموشدی علمی عالمه مثل قمر معتزین زهری ندندی جانینه سالدی شرر ایـلـدی مسمـوم امامی تـا سـولا باغ ولا سنده گل صاحب زمان جدّون اولوب دینه فدا . . گرچه ترک ایتدی جهانی اول امام مُمتَحَن شیعلراولموش فراقینده بوگـون غرق مِحَن قالمادی امّا حسین تک جسمی بی غسل و کفن اوز بابان دفن ایلیوبدی دلده مین آه ونـوا سنده گل صاحب زمان جدّون اولوب دینه فـدا . . پیکری قـالـدی حسینون اولمادی غسل و کفن قالدی‌قوملار اوسته‌ اوچگون‌اوچ‌ گجه‌ شاه ‌زمن نه الی وار نه باشی سانسیز یـارا دگمیش بـدن قـان ویرنده یاره لـرجـاری اولـوب یـرده دِمـا سنده گل صاحب زمان جدّون اولوب دینه فدا . . سینمادی‌ بولمم‌ ندن‌ یارب‌ بوچرخ‌‌ نیلگون فـلک امـیـدی اولوب مُستَغرِق دریای خون وارسِپهر پیکـریـنـده یـاره اَنجُمدن فــزون غُصّه دن رخساره توکدی اشکینی اول بی نوا سنده گل صاحب زمان جدّون اولوب دینه فدا قانینه غلطان گوروب قارداشینه ایتدی خطاب دستمازی ای اولان بـو یـرده قـانیلـن خضاب یـولانـور بـوغـم قطاری ایلوری بی حـد شتاب بـو بـلا دشتین حسین سـن ایلـدون ملک منا سنده گل صاحب زمان جدّون اولوب دینه فدا قـتـلگاه عشـقـیـده قـانـه بـاتـوب کـرب وبـلا هم اوزون همره لرون ایتدوز بوقان ایچره شنا سینۀ سینا لروزدی باش باشا هـریر یارا اولدی گلشن قتلگاهوز تاپدی بیر آیری صفا سنده گل صاحب زمان جدّون اولوب دینه فدا آیرولوب سندن حسینیم دیده سی گریان باجون همرهیم شمروسناندی قلبی اولموش قان باجون دفن ایده جسم شریفون تاپمادی امکان باجون آغلوری بوغمده (عدلی) شافع اول روز جزا سنده گل صاحب زمان جدّون اولوب دینه فدا لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨