(رنگ ایمانیمی مانندکلاه ایلمدیم) شاکرم آللًهیما عمری تباه ایلمدیم ساخلادیم نفسیمی دنیاده گناه ایلمدیم گوزله دیم گل کیمی پرونده مین هر صفحه سینی آللهین لطفیدی و مخدوش و سیاه ایلمدیم آلانوب فانی بودنیایه و یا اینکه دونوب هرگلن هرزه و نامرده نگاه ایلمدیم اللی ایل باشیمی دوتدوم یوخاری بنده لیگون حقین الحق که ادا غیر اِله ایلمدیم چوخ گره دوشدی ایشیمده دولاشیخ گلدی ولی قاباقیندا دایانوب ناله و آه ایلمدیم دئدیم آللهه توکل هاموسی حل اولاجاخ شاهدآللهی دوتوب خلقی گواه ایلمدیم باخمادیم کیم نه دیور دوز یولومی طی ائلیوب ساخلادیم پاک ئوزیمی کج رو راه ایلمدیم راضی اولدوم متوسط یاشیام جامعه ده آبرومی گرو ثروت و جاه ایلمدیم اعتقادیم یولومی باغلادی هر فاصله ده رنگ ایمانیمی مانند کلاه ایلمدیم که قویام هرباشا هررنگ اولوراولسون نه اولار ایل به ایل قالسون هله ماه به ماه ایلمدیم قویمادیم جلدیمه شیطان فرومایه گیره چون اونون سایه ی پستینده پناه ایلمدیم گونده اوچ دفعه وضو ایلدیم هنگام نماز متداوم اونیدا ، گاه به گاه ایلمدیم دستمازین سویی پاک ایلدی اندیشه میده حرکت نفسیمیلن میل به خواه ایلمدیم اوخودوم سوره ی توحیدی آچیلدی اورگیم نفس اماره نی تامین رفاه ایلمدیم آللهی یادائلیوب دوگدوم حسینون قاپوسین ئوزومه غیرحسین ئوزگه نی شاه ایلمدیم ملتمس دعا (گوهری) "امام زمان عج" ای درد عشقه درمان گل داده یبن زهرا فرمانروای دوران گل داده یبن زهرا نور دو چشم نرجس مهدی عزیز طاها سیرتده مصطفی تک قدرتده مثل مولا غیرتده عین عباس اوصاف و فضلی دریا مُلک شرفده سلطان گل داده یبن زهرا وعده وئروب ظهوره پروردگار سبحان هم انبیا سراسر هم اولیای یزدان گل آخرالزماندی دوتموش جهانی بحران یوردی بیزی بو هجران گل داده یبن زهرا ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨