سلام دوستان نوحه ی حضرت رقیه (س) ای خرابه گوشه سینده فکری سرگردان رقیه گل قیزیم گلدی طبقد دردیوه درمان رقیه جان رقیه جان رقیه باغرون اولدی قان رقیه من که عاشورا گونوندن قاره پوش روزگارم یدّی قارداشیم ئولوبدی غملریندن داغدارم کاروانیم آیریلاندان کربلادن اشکبارم روزگارین گردشینده قالمیشام حیران رقیه جان رقیه جان رقیه باغرون اولدی قان رقیه سرگذشتون گور نه اولدی نازنینیم اوچ یاشوندا هرنه چکدون شرح اولوندی بازتابی گوز یاشوندا بیلدی عالم جان ویرنده کهنه معجر وار باشوندا تازه معجر عمه ون ئولسون اولمادی امکان رقیه جان رقیه جان رقیه باغرون اولدی قان رقیه عمه وی عفو ایله ماهیم حضرت زهرایه خاطر گوزلری یولاردا قالمیش منتظر صغرایه خاطر طبق ایفایِ وظیفه م اولمیان ایفایه خاطر عمه ون اولسون بو یارالی جانیوه قربان رقیه جان رقیه جان رقیه باغرون اولدی قان رقیه آند اولا روح حسینه شرمسارم چوخ سوزوندان آغلاما شیرین زبانیم قوی ئوپوم قاره گوزوندن بیر سوروش علم عالمینده بوسوالی ئوز ئوزوندن کیم گلور ویرانسرایه نصف شب مهمان رقیه جان رقیه جان رقیه باغرون اولدی قان رقیه گویلووی آلسون یارالی باش گوبدی طشت زرده قورخما هرگز طشتین اوستن ردّ اولاندا قانلی پرده سسله بابا خوش گلوبسن وصل یاری دوت نظرده آل قوجاقه ئوپ دویونجاخ اوندان آغلا قان رقیه جان رقیه جان رقیه باغرون اولدی قان رقیه گرچه سنّون آزدی نیلک بیربویوک ایش گور بوساعت یاره لی باشین ئوپ اوّل یاره سیندن اِئت زیارت قوی گوروب تا ایله سونلر اهلِ ویرانه قیامت سیّد ساجد حجازی باشلاسون قرآن رقیه جان رقیه جان رقیه باغرون اولدی قان رقیه آللّه آلّله محشر اولدی اهل بیت مصطفایه صحن ویرانه دل شب بنذدی کرب و بلایه گلدی گویا یدّی گویدن آسمانلار صدایه یعنی گورسه قانلی باشی جان ویرَر الآن رقیه جان رقیه جان رقیه باغرون اولدی قان رقیه وصل معشوقین گورنده ناگهان دلخسته عاشق یومدی اوّل رویتیندن گوزلرین آهسته عاشق وُوردی اوندان یانه یانه باشینه پیوسته عاشق سسلدی الله و اکبر ایلدی طوفان رقیه جان رقیه جان رقیه باغرون اولدی قان رقیه ملتمس دعا (گوهری) -----------------------------------------------'