.... مَهد شُجاعت ایران ..... ای مَنه شانلی وَطَن شَان و شرافَت ایران وی آدی خَلق آرا بیر پارچا صَلابَت ایران تا جهان وار آدیوا فَخر ایده جاقدور احرا چون آدیندان یاغیری صِدق و صَداقت ایران کیمسه جُرات ایده بیلمز باخا کَج تُپراقیوا چون بولور وار نَقَدر سَنده شَهامت ایران چوخ ایگیتلر سَنه خاطر گیچوب ائوز جانیندَن تا سَنه تیکمیه گوز اهل شَقاوت ایران افتخاریندی سنه سیدعلی رَهبَردی واردی چون اول کیشیده دین و دَیانت ایران بیرده کُفّار عَلَمین اَسدیره بیلمز، سَنده اَسیری تا عَلَم دین و ولایت ایران اهل دُنیا ییغیشا سَنله مقابل اولماز ثابت اولموش هامیا سَنده کی قُدرت ایران حاج قاسم کیمی مینلَر عَظَمَت لی انسان سَنون عشقونله ایچوب جام شَهادت ایران مکتبوندن آلور اَحرار جهان سرمشقین ویرموسن عشق و وَفا اهلینه عزّت ایران پارلییوب گون کیمی دُنیاده جلال و شانون بو جَلالتله ، یاراشماز سَنه ظلّت ایران دُشمنه اَگمَمیسن ، اَگمیه جاقسان باشیوی باشین اوستونده اَسور پرچم غیرَت ایران دورموسان داغ کیمی دُشمن قاباقیندا مُحکَم سَنی عالم تانییوب مَهد شُجاعت ایران طول تاریخیده چوخ صَدمه گوروبسَن ، لاکن ایتموسن همَتیله دَفع شَرارَت ایران توکولوب چوخلی شهیدلر قانی تُپراقیندا قازانوبسان اودی بیر بیله جَلالت ایران فخر اِله آلموسان آغوشه خُراسان شاهین پاسداروندی همان مهر امامت ایران بو شهامت بو شجاعت که واریندور ، به یقین یازاجاقلار سَنی اُستوره همّت ایران سَنده اُئوز توپراقیوین ارزشینی بول.ستّار. چون اولوبدور سنه سرمایه ی رَفعت ایران زنده و پاینده باد ایران اسلامی ستّار رزاقی راد . تبریز..