🍂🍂🍂🍂🍂🍂🍂🍂🍂🍂🍂🍂 احوالت حضرت علی اصغر ع 👇👇نوحه سینه زنی👇👇 اوخلاندی الیمده سودامر یاوریم الله یومدی گوزونی آهو باخیش اصغریم الله خنجر کیمین اوخ بولدی بونون حلق ظریفین تیترتدی   او اوخ   اصغریمون جسم  ضعیفین قول باغلی گوروب  حرمله   میداندا  حریفین بیر گوز داغیدان تیری گلوب حنجره ویردی عباسی یخان اوچ پر   اوخی   اصغره ویردی چیرپیندی   الیمده یارالی قوش سایاقیندا گولدی منیم ایستکلی بالام غملی چاقیندا گوز   یومدی ربابون بالاسی شه قوجاقیندا میداندا قالوب فاطمه نون دلبری تنها من آغلیورام اصغریمه ال چالور اعدا آواره قالوب ایندی حسین ای حق یکتا میداندا   قالابیلمیورم   ال   چالور اعدا اخیامه ده   گلمور   ایاقیم گیتمگه امّا تیترور ال ایاقیم گوزومون نوری آزالدی بو اوخ یاراسی دیزلریمون طاقتین آلدی قونداقینه حلقیندن آخان قان سوزولوبدی گول  صورتینه   قانیله مرجان دوزولوبدی جیران   بالامون  باشی  بدندن اوزولوبدی بیر حاله   سالوب    اوخ گل بشاشی الهی آسلاندی   فقط    بیر دریدن باشی الهی آزاده   اولان   یوخدی   بو لشکرده  مسلّم احسن   دیولور     حرملیه    ایندی دمادم احسن سنه دِیلر کی آتوبسان اوخی محکم تاریخیدن هیچ کیم بو بویوک صحنه نی سیلمز هیچ    کیم   سودامر    حنجرینی اوخلیا بیلمز اطرافیمی  دشمن لر   آلوب   من ولی یالقوز خورشید   گزور   عرصه گهی الده بیر اولدوز بیر یولدا حسین اولدی بو صحراده اوغولسوز اکبر    بالامی    مندن   آلان اصغری آلدی بیچاره   ربابون    باشینا     قاره نی سالدی عباس    ئولومی گر    منی بحر غمه سالدی اوخ دگدی بالام گولدی منیم صبریمی آلدی پیغمبره آند اولسون حسین ایندی قوجالدی گورمور    گوزوم   امدادیمه گل یارب آماندی گورسَت منه سن خیمه لرون سمتی هایاندی اخیامه گیدوم ایندی اگر هانسی دَلیله اصغر آناسین   دیندیریم   آیا نه دلیله دوشسه گوزی گر غملی ربابون بو قتیله هر   غمدن   آغور بو محن اعظمی بیللم اصغر بوغازین گورسه اگر شرمیدن ئوللم گورمز بو جهاندا    بیری بو محنته بیر تای وار حقی   اگر    آغلیا   بو نسگله مین آی چالمادی دویونجا سودامر اوغلونا لای لای چکموب بو غمی  لیلی   نه ده قاسم آناسی چون هربیرینین اولدی جوان نازلی بالاسی اوغلانلارینون    قامتینی   گوردیله  باری قاسم   اون اوچ ایل مادرینه   ایلدی یاری اون سگیز ایل اکبر آنانون   اولدی نگاری اکبر یخیه طوی گولی گر ساچمامیش ئولدی امّا بونون  ایستکلیسی دل آچمامیش ئولدی قربان سنه من قاسمیلن    اکبری ویردیم قارداشیم   ابوالفضل     وفاپروری ویردیم یتمیش ایکی شهباز قوی پیکری ویردیم امّا آنالار ایچره رباب    خونجگر   اولدی قربانی اونون عفو ایله گر سودامر اولدی 🔆🔆🔆🔆🔆🔆🔆🔆🔆🔆