🍁بسم الله الرحمن الرحیم 🍁 🏴شهادت حضرت رقیه سلام الله 🏴 گل یاحسین نوایه جیران رقیم ئولدی ویرانه گوشه سینده گریان رقیم ئولدی لای لای رقیه لای لای(۲) خلاق ذوالجلالین ای بنده حمیدی دنیای انقلابین ای تشنه لب شهیدی گل ای جهان عشقین شاهنشه وحیدی اهل جفا و ظلمه مهمان رقیم ئولدی لایلای رقیه لای لای شام اهلی چیخدی قارداش بی دین و بی مروت زهرا باخیش قیزیمدان سلب اولدی تاب و طاقت قوزاندی عرش حقه بانگ نوا و محنت درد اولدی درد الیندن نالان رقیم ئولدی لای لای رقیه لای لای دشمن که شهرغمدن قامت اوجاتدی قارداش بش گون فنا جهاندا آماله چاتدی قارداش سیم  و زر آلدی دین و ایمانی ساتدی قارداش چکدی اشد ظلمی جیران رقیم ئولدی لایلای رقیه لای لای طوفان که سالدی دشمن شام بلاده قارداش ایتدی سنه اهانت تشت طلاده  قارداش جان قالمادی کفیل آلعباده قارداش اولدی اسیر درد و حرمان رقیم ئولدی لای لای رقیه لای لای شهرملا ل و غمده بخت اولدوزوم که باتدی حق اوسته دیلسیز اوغلوم گوزده ربابی آتدی شامین آغیر ملالی یالقیز ربابه چاتدی ویرانه ده آجیندان طرلان رقیم ئولدی لای لای رقیه لای لای قاره گیلم گوزوندن زهرایه اوخشیوردی جیران باخیش سوزوندن زهرایه اوخشیوردی سیای دیبن یوزوندن زهرایه اوخشیوردی زهرا نشان و یاس و ریحان رقیم ئولدی لای لای رقیه لای لای اولدوم خرابه یرده محنت اسیری,قارداش جان ویردی جان که شهر عشقین سفیری قارداش گل تاپشیراق مزاره خیر کثیری قارداش قوللاردا قمچی ردی گریان رقیم ئولدی لای لای رقیه لای لای مژده یازاندا نوحه سندن عنایت ایستر گوزیاشی قانه دونموش اذن کتابت ایستر عرشه نوا اوجالدیب فیض زیارت ایستر زینب دیلیجه سسلر جان جان رقیم ئولدی لای لای رقیه لای لای ✍استاد جابر ولدپور(مژده) التماس دعا... ✨اَللّهُمَّ عَجِّل لِوَلیِّکَ الفَرَج✨