Dec 17, 11.40 PM_Karaoke.mp3
زمان:
حجم:
6.1M
شعر نینمیشدون روزگاره فاطمه
🎤بانوای استاد احمد مفرح عزیز
✍وبقلم کربلایی حسن طیبان میانجی
روضه شهادت حضرت زهرا سلام الله علیها
نینمیوشدون روزگاره فاطمه
تا سنی سالسون فشاره فاطمه
چوخ بلا گوردون پیمبردن صورا
غملرون گلمز شماره فاطمه
دور منی دیندیر عزیز مصطفی
باخ ئوزون بو دلفکاره فاطمه
اچ گوزون سولموش گل وگلزاره باخ
گیتمه منن سن کناره فاطمه
کوچه جریانین دیئنده مجتبی
اشکینی توکدی عذاره فاطمه
سویلدی ثانی سنه سیلی ویروب
اوندا سیندی گوشواره فاطمه
کوچه ده کسدی یولون اول بی خرد
تاپمادون هیچ راه چاره فاطمه
قاپینون دالیندا محسن سقط اولوب
چون ؛ سنه دگمیشدی یاره فاطمه
ضربه ی مسماره تاب ایتدون نجه
فاش ائله بوغمگساره فاطمه
یادیمه دوشدی اوغملی ماجرا
گلمیشم من آه زاره فاطمه
سن اجازه ویرمدون دشمنلری
من چکردیم ذوالفقاره فاطمه
درگه والانی سیندیردی عمر
ظلملن چکدی شراره فاطمه
غسل ایدنده جسموی قان اغلادیم
یاره وی گوردوم دوباره فاطمه
او مطهر جسمیوه باخدوقجا من
اولدی قلبیم پاره پاره فاطمه
تاپشورم تپراقا گل جسمیون نجه
سختیدور بو دلفکاره فاطمه
سن اولونجک من اولیدیم دلبریم
کاش گیدیدیم من مزاره فاطمه
قدریوی دنیاده زهرا بیلمدیم
سن اولونجک بس نیا من اولمدیم
دهریده سنلن اوجالدیم فاطمه
گیتمگونله من قوجالدیم فاطمه