کوچ ازخرابه شام حاج اصغر فرشچی ( عدلی تبریزی) سبک: ایوای یارالی قارداش.... کبرو غروری سندیر گل مجلس عزایه سنده سلامتی وار حمد ایله کبریایه اوّل اجازه سین آل ویرسه آناسی زهرا گل بو مکان حرمدی یوخ سوز بو ادّعایه سن مادح حسینده گر ما و من تا پولسا عشقون گئدر هوایه تبدیل اولار ریایه گورسن کیچیک اوزوندن مجلسده شور یاراتدی اولما حسود اماندی ویر سنده سس صدایه خوش سس ویروبدی الله یا واردی خوش بیانون بو لطف حقدی سنده شکرون ایله خدایه گل آچ بساط عشقی هر مجلس عزاده گر فیض ویرسن اوردا ساتما اونی بهایه گل صدقیلن دِی نوحه آغلات حسینه خاطر چک سوزلری او دشت خونین کربلایه صحرای کربلاده قان یاغدی قان توکولدی باشلارکسولدی یاران باخ بیرقَدَر قضایه تک بیرحسین قالوبدور داش ویردیلارجبینه آخدی قانی عذاره وای قوم بی وفایه آننین قانین سیلنده اوچ شعبه اوخ دگوبدی قان سینه سیندن آخدی اوج ایتدی غم فضایه قان چشمه چشمه آخدی یوز دوتدی کردگاره من عهدیمی یتوردوم بو چولده انتهایه دوشدی ایشیقدان آی" گون" آز قالدی گردشیندن دوشسون کواکب انجم صدمه یته بنایه امّا حسین اولحظه عشقین نشان ویروبدی بیرایش گوروبدی عالم بیردن گلوب نوایه اوجوندا دوتدی قویموب قطره دوشه یراوسته ذکرخدا دلینده قانین سپوب سمایه صادق(ع) امام بو یوردی چون پر بهائیدی قان بیرقطره سی سَمادن گلموبدی بو ثَرایه گلسیدی گرسمادن تک قطره سی بوقاندان کون و مکان دونردی ویرا ن اولان سَرایه بیرده سوزی آپار گیت شامه خرابه یرده گور زینب اوردا غمدن گلموش نجه بُکایه رقیه سین الیلن اول یرده دفن ایدوبدی قبرین اوزی قازوبدی باخ غملی ماجرایه یورموشدی غم حسینون زهرا منش بالاسین آغوشه چکدی توپراق روحی گیدوب بقایه کوچ ایلینده زینب یوز دوتدی اول مزاره گوز یاشی گوزلرینده گلدی دله نوایه ویرانه ده یاتان قیز دردی دله آلان قیز آز سینّیده دوزن چوخ بی حد بلا جفایه دور یثربه گیدور بو غم کاروانی یاتما اول همسفرمنیله غم چاتدی انتهایه سنسیز اگربو عمّه ن یول سالسا کربلایه ایتسه سئوال حسینیم من نه دیوم آتایه سن گلمه سن یقین ائت گللم اوزوم بو شهره اوللام مجاورین من چون راضیم قضایه من بانوان شامه تاپشورمو شام امانت هرکس که دردی اولسا گلسین بورا دوایه ظاهر ده یرخرابه باطینده آستانه زوّارون اولسا هرکس اَل آچسا التجایه مشکل گشا الونله حل ایله دردی اولسا عشق اهلیدورگلنلر بو درگه صفایه بیرگون دئدون ای عمه ایتسم دُعا دِی آمین گوردوم شیرین دلیله ایتدون حقه گلایه اولدور دئدون الهی بسدور یورولموشام من آگاهسن نه نوعی صبحوم چاتور نهایه (عدلی) بوآستاندان چوخ درده درمان اولدی پیروجوان اوشاقه هم شاه و هم گدایه گیت قبرینه دخیل دوش ایسته قیزون شِفاسین لطف ایلسه که ایلرحمد ایله کبریایه @Hazrate_Abalfazll