زوار الحسین ع بانوای:کربلایی منوچهرحسن زاده تا وار نفسیم یار و هوادار حسینم به به نه سعادت دی که زوار حسینم شکراللها بیر دفعه ده وئردی منه بیر فرصت تا عشق حسینیله تاپام شان و شرافت سالدی باشیما شور ولا شوق زیارت بیر عمریدی عالمده گرفتار حسینم یارب منه احسان ائیلییبوسن نظر ائیله عشقین باغینی لطفویله بارور ائیله بو ناقص اولان سعیمیزی پرثمر ائیله اگهسن اوزون شایق دیدار حسینم چوخلارگزیز عالمده ره سلم و رضانی لبیک دئییب خوشلامیشام منده بلانی قسمت اولا گر بیرده گوره م کرب و بلانی اعلان ائدم عالمه دلدار حسینم وار جاده عشق ایچره عجب شور و حلاوت جاندان آپاریر تاب و توان ،شوق زیارت ششگوشه مزاراولسا دوباره منه قسمت خوشدور که دییم خادم دربار حسینم دنیانی سالیب حیرته زواری حسینین چوخلار قره اگنینده اولوب یاری حسینین عشاقه یازیب دعوتی سرداری حسینین هر یئرده اولام حامی افکار حسینم الله آقامین بزم عزاسی نه گوزل دی جنت دی بیزه کرب و بلاسی نه گوزل دی به به حرمین نقش و نماسی نه گوزل دی گوزیاشلی گلیب منده خریدار حسینم یارب منه وئر معرفت و شوق و بصیرت تا منده اولوم عامل احکام شریعت ایکاش بو درگهده اولام لایق خدمت بیر عمری دی شوقیله عزادار حسینم آقا دی آقام ساییلینی بوش یولا سالماز هر کیمسیه احسان ائلیب باشینه چالماز سلطان کرم دیر بیلیرم وئردیگین آلماز تا وار نفسیم شهره ی بازار حسینم فانوس نئجه نور وئره کوکبه چاتماز دنیا بویی هیچ مدرسه بو مکتبه چاتماز چوخ عاشیق اولار لیک بیری زینبه چاتماز اعلان ائیله دی یار وفادار حسینم قارداشه گوره زینب اوزون سالدی بلایه شاماته گئدیب اولدی اسیر اهل جفایه تا فرصت اله سالدی گلیب کرب و بلایه عرض ائیله دی من قافله سالار حسینم عرض ائتدی حسین قبریوه قربان اولا زینب سس وئر سسیمه قویما پریشان اولا زینب هیهات دوباره سنه مهمان اولا زینب یوخ قارداشیم عباس علمدار حسینم #هوشمند التماس دعا