🏴زبانحال امام رضا (ع) 🏴 ای باد صبا ایله جوادی خبر ئولدوم غُربت ائلدی سون نفسیمده اثر ئولدوم جان اوسته اگر اولسا بیری اَمر مُسلّم اطرافه اونون گوزلری دائم گزر ئولدوم آختاردی گوزوم هر طرفی ،یوخ کسیم آخر غُربتده آدامسیز نِجه گور جان وئرَر ئولدوم نَه واردی باجیم نَه باشیمون اوسته جوادیم حسرتله باخوب ساق صولیما خونجگر ئولدوم شَرح غمیمه یاندی منیم شمع شب اَفروز پروانه کوله دوندی ولی من بَتَر ئولدوم بو مُلک خراساندا غَریبَ الغُربایم یول گوزلیورم ایندی جوادیم گلر ئولدوم هر چند غَریبم ولی من بیر قوناقیدیم مهمانه یتیشدی نِجه دست خطر ئولدوم ای باد صبا سال یولووی خاک بَقیعه ایستکلیمَه دِئ غُربته ائتسون نظر، ئولدوم زهرا نَنَه می ایستیورم هر نَدن آرتوق نِسگیللَرینی یاد ائدرم دیده تر ئولدوم زَحمتدی اگر چه بیلورم خسته دی ، امّا خوشدور نَنَه اولسا بالیا نوحه گر ئولدوم پَهلوسی سینان ای در و دیوار آراسیندا سن گلمه سون اولام بیلورم جان بسر ئولدوم (نادر) دَم آخرده خراسانه طرف باخ سَسلن دئ آقا نوکره ائت بیر نَظر ئولدوم 🍂🍁🍂🍁🍂🍁🍂