🌼🌸🍃🌼 💐🌺💐 🍃🌼 🍃 خطاب به حضرت امام زمان (عج) درمصیبت شهادت پیامبر اکرم (ص) حاج اصغر فرشچی ( عدلی تبریزی) رحلت ایدوب پیمبر گلمور داخی صداسی زهرا دیور بابام وای عرشه چخوب نواسی یا مهدی سنده گل بو ماتم سراده آغلا جدّون حسین آنان تک بو گونده سینه داغلا یابن الحسن عزایه گل فاطمه بالاسی اولدی آنان بوگوندن غم غصه مبتلاسی زهرایه تسلیت ویر وار بانگ وا اباسی نی تک سیزولدورآغلوریوخ صبحی نه مساسی یوخدور ویرن تسلی زهرای داغداره غمدن گلوب نوایه قان یاش توکور عذاره شمع تک یانور فراقه یوز دوتدی کردگاره الله منه دوزوم ویروار قلبمون بکاسی بو مُحنت و بو غمده حیدر گلوب فغانه اشگین حسین و زینب ایلریوزه روانه اوغلی حسنده آغلار اول جد مهربانه الله ندندی اولماز بو دنیانون وفاسی بو غم نه غمدی الله یاسه باتوبدی عالم افلاکیان سماده یکسر دوتوبلا ماتم روح الامینده آغلور سسلور اَخا دمادم قرآن ناطق اولدی یوخ عُمرلربقاسی بوگون کواکب ایچره بزم عزادی برپا جنّت نشینه اولموش بوگون بو غم هویدا ارض وسماده آغلار محشر اولوبدی گویا واردور بهشتیانون بیرحال غم فزاسی یر اوسته نعش احمد بیر عدّه قوردی شورا عزل ایتدیلرعلینی دوشدی جهانه غوغا اود سالدیلار او گوندن تا وار یانار بو دنیا بیر ظلم ایدوب شقی لردینه یوخ انتهاسی جدّیندن آیرولاندا غم یوز ویروب حسینه بلبل کیمی گُل اوسته گلموشدی شورشینه زهراآناسی گوردی قان یاش دولوب دو عینه بولدوردی وار باشیندا بیر غملی ماجراسی بیر گونده آیرولوبدی اول شه ره وفاده اولسون فدای قرآن ایتموشدی چون اراده اطرافینی اوشاقلارآلدی قالوب آراده امّا گیدوب گیدندن باشلاندی کربلاسی زینب دیردی بیردور قول بوینوا سالوم گیت هم بوس ایدیم بو غازون هم عطریوی آلوم گیت خلوتده ویراجازه بیر باشیمه چالوم گیت سندن صورا اسیرم وار باشیمون بلاسی اولموبدی(عدلی) سنده شاعرلیق ادعاسی گر ویرسالار دوام ایت کین وحسد یاراسی یاز نوحه وی قان آغلا وارسنده حق رضاسی وار زینبون آدیندا مین دردیون دواسی . 🌼 🍃🌼 🌸🍃🌼 🌾 🌸🍃🌼