احوالات غسل حضرت زهرا سلام الله علیه اثر✍قلم احمدتقوی(مهجور) دلبر آماده اولوب غسل ایلیه دلبرینی مغسلون اوسته قویوبدور یارالی پیکرینی ایستیدی غسل ویره فاطمیه شیرخدا باخدی اول جسمه کنار ایتدی گوزل زلفلرینی چون گورب واردی یوزونده ولی سیلی اثری گوز یاشین توکدی ووروب بیربیرینه الرینی اورگی دولدی غمه غسلیدن ال چکدی بیراز قویدی دیواره یوزون اوخشادی اوز یاورینی دیدی سندن صورا ئوللم آتارام دنیانی یوخ علینون کسی دنیاده دئسین سوزلرینی اغلادی یاندی دوباره دیدی اسمایه سو توک غسل زهرانی تمام ایتدی یوموب گوزلرینی ایدوب آماده کفن فاطمه نون پیکرینه تا کفن پوش ائلدی اؤز گل نیلوفرینی الغرض ایتدی کفن فاطمیه میر هدا قویدی تابوته ئوزی او یارالی همسرینی سس چکوب آغلادی مولا توکولوبدور بالالار باشلادی اوخشادی زینب اولزمان مادرینی دیدی دنیاده یؤزون گولمیدی بیرآن آناجان کمیسه عمرینده سنون بلمدی هیچ دردلرینی تاگوروب شیرخدا گل کیمی سولدی بالالار بیربیر آغوشه آلوب ئوپدی گوزل گوللرینی گوردی چوخ دلده نوا ایلور حسینیله حسن دل غمین هی دولانول لار آنانین یرلرینی بوغمه دوزمدی مولا اولاری ساکت ایدوب سسلیوبدی او زمان زینب غم مضطرینی دیدی صبر ایله قیزیم ایلمه چوخ آه و نوا تئز یغشدیر آناوین قویما قالا بسترینی یتوشوب نیمه ی شب تا چخا تابوت ائودن گوردی مولا بالالار ئولدوروری ئوزلرینی آغلیوبدور بالارلار آغلادی حیدر ده اؤزی توکدی گویلرده ملکلر یؤزه اشکترینی گوردی چوخ اه نوا ایلوری یوقون بالارار چکیب آغوشه ئوپوبدی اول شیرین دللرینی صورا تابوت وئروبلر حرکت دوشدی یولا اوخشاردی زینب اودم فاطمه نون غملرینی گجه وقتینده آنا بیزلری ترک ائتمه بئله اولما راضی قالا قوینوندا حسین اللرینی آغلیا آغلیا زینب آناسون سالدی یولا قاپونی باغلادولار دویدولار ئوز ئوزلرینی گجه یاریدی یتوب خاک بقیعه مولا تپراقون اوسته قویوب دختره پیغمبرینی باخدی آغلارگوزیله قبرینه زهرانون ازل قویسون آیا نجه قبره علی اوز گوهرینی اوخشادی فاطمه نی آغلادی ایستوبدی او دم دفن ایده تیره تراپ ایچره علی یاورینی گوردی قبرینن اولوب ظاهر ایکی ال اوزمان حضرت ختم رسل ایستیور اوز دخترینی ساخلیوب بوردا سوزی یازمادی (مهجور) ولی آغلادی یاندی بو یرده توکوب اشکترینی ۹۷/۹/۲۱...