. هوای کربلا هر بیر نفس حسینجان آه و نوایه گللم شوقیله پا پیاده کرب بلایه گللم تاپسام اگر سعادت سیزدن اولا عنایت گر خامه محبت یازسا دوباره دعوت پای پیاده گلم تا ائیلییم زیارت چاتسا الیم او قبره حال و هوایه گللم مجنون مثالی مولا صحرالری دولانام عاشقلره قوشوللام درد و غمه بویانام پروانه مثلی شمع حسنونده منده یانام اگنیمده قاره کوینک بزم عزایه گللم حقدن اولا عنایت عمریمده اولسا فرصت هر ایل بو قبره گلم تا کسب ائده م شرافت سالما منی نظردن هجرانه یوخدی طاقت یوللار منی یورانماز سیر و صفایه گللم بیر قطره یم حسینجان بحر جلالتینده بیر سائلم گوزوم وار مهر و محبتینده هر دردیمن دواسی وار قانلی تربتینده دردیله دولموشام من دار الشفایه گللم عشق اهلینین باشیندا دایم قراسی واردیر قلبنینده تا یاران وار قلبیم یاراسی واردیر زینب گلور سفردن دیلده نواسی واردیر عرض ائیلور اوزاخدان قانلی منایه گللم سن نور چشم زهرا دلبند مطفاسن قران و دین یولوندا باشسیز قالان فداسن مشگل گشا ی عالم هر درده اشناسن گر عمریم اولاسا هر ایل بو نینوایه گللم گلدیم اخا سفردن سس ویر منه حسین جان به به نه با صفادی جانیم بو قبره قربان دور یاتما سو گتوردوم ای جان وئرن لب عطشان سس ویرمه سن بو چولده نی تک نوایه گللم شاماتیده بیلیرسن چوخ چکمیشم اذیت دلخسته ییم عزیزیم یوردی منی شماتت اما سعادت اولدی قبرین ائدم زیارت بو کربلادی یا من عرش خدایه گللم