#روضه_حضرت_زهرا
اهل یثرب هامی یاتیبلار
ای خدا غم یاغور حجازه
دورت بالا باغریقان قالوبلار
قبره ساری گیدور جنازه
ماه حیدر باتوب آخوب اولدوزلاری
ننه تابوتینه باخولار قیزلاری
ننم لای لای ننم لای لای
زینبده گلدی تا ننه سیلن وداع ائده
تابوتیدن یاپوشدی دیدی قویمارام گیده
تابوتی حمل ائدنلر اودم جانه دویدولار
ناچار اولوبدولار یره تابوتی قویدولار
دورت خرداجا بالا دوشنیبلر جنازیه
حیدرده آچدی باشینی زهرا دیه دیه
قول سالدی بوینونا حسنین حیدر آغلادی
معناده آچدی باشینی پیغمبر آغلادی
(ایندی زینیبن اوخشاماسی ندی؟ دیدی ننه )
خزان یلی اسیبدی ننه غملی گلشنه
هانسی ننه ئولوبدی سنون تک دینن منه
اولسون قسم حسینه یاراشمیر کفن سنه
#فاطمیه_