انتظار جهانی دولدوروب ظلمت من زاره سحر یوخدی دولوب قانیله باغریم یاریدن یارب نظر  یوخدی بو قدری آغلاماق اولماز، بو قدری انتظار اولماز ندن آهیمده یوخ تاثیر و نالم ده اثر یوخدی گئنه گون باتدی گوزلر قالدی یولدا جمعه قورتاردی گلن گلدی، گئدن گئتدی، نگاریمدان خبر یوخدی سسیمه سس وئرن یوخدی اورکده محنتیم چوخدی یاخیندی عمر قورتاسین ئولوم دن که حذر یوخدی ندن دوشدوم بئله گوزدن، ندن خوار و ذلیل اولدوم ائده بو دردیمه درمان    او یار منتظَر یوخدی خیال یاریله شام و سحر روحیم اولور همدم بوشیرینلیقدا عالمده داخی شهد و شکر یوخدی جهاندا مدعی چوخدور هامی دلداده دور اما ندن عالم ده بس اوچ یوز اون اوچ لایق نفر یوخدی گرک حق دن اوزی اذن ظهور آلسین دعاییله دعامیزده بیزیم  تاثیر ده اولسا، ثمر یوخدی شمیم زلف یاریله گوگول  مدهوش اولور یوخسا یقینیم وار که منده آیری بیر ذوق و هنر یوخدی #مدهوش #محمد_هوشمند 🌿🌿🌿🌿🌿🌿🏴🖐