بانوای: کربلایی منوچهر حسن زاده شاعر:#محمد_هوشمند زینبون جان اوسته دی ای مهربان قارداش حسین حالیمه یوخدور بو غربتده یانان قارداش حسین عشقیوه دلبستیم گل اخا جان اوستیم واردی سندن خواهشیم ای معدن لطف و عطا تئز یئتیر شامه اؤزون جانیم سنه اولسون فدا صون نفسده باشیم اوسته گل اوخی قران اخا محضرونده بذل ائدیم جانانه جان قارداش حسین اولموشام الّی بئش ایل دی عشقیویله آشنا عشقیوه خاطر دئدیم هر نه بلا گلدی بلی باشیوین آردیجا گزدیم چوللری گئتدین هارا کوی عشقونده دولاندیم هر زمان قارداش حسین شامیده دولدی بلادن صبریمین پیمانه سی غربت اولکه اولدی آخر بو غریبین خانه سی گل اولوم من بیرده شمع لطفوین پروانه سی هارداسان ای زینبه روح و روان قارداش حسین گویلوم ایستیر ائیلییم بیرده زیارت من سنی لطف ائله ای ذوالکرم قورتار بو حسرتدن منی آز قالیر سولسون بو غربتده حیاتیم گلشنی خرمن صبریم اولوب غمدن تالان قارداش حسین قورتاریر عُمروم قوتارماز عُمرومون نسگل لری دولدورار شرح غمیم بوندان صورا مقتل لری یادیمه سالدوقجا دشت کربلاده ائل لری شعله قلبیمده چکیر سوز نهان قارداش هی خیالیمده مجسم دور نه ظلم ائتدی عدو تشنه لب قانه بویاندون تاپمادیم بیر قطره سو باشیوی گوردوم کسور شمریله اولدوم روبرو تاپمادیم چاره باخیب یاندیم امان قارداش حسین یادیمه سالام نه ظلم ائتدی او چولده اشقیا یدّی قارداشین غمینده ائیلرم آه و نوا قالدی نعشین گون قباقینده سنه جانلار فدا نیزه باشین ائیلدی باشون مکان قارداش حسین #پیشنهاد_دانلود #به_یاد_سلیم #شادی_روح_سلیم_صلوات #کربلایی_منوچهر_حسن_زاده