⊰کانال مداحی ترکی باسبک ⊱
شعر از استاد عزیزم ناصر دوستی زنجانی یکی از غزل سرایان جوان کشوری و شاعر نام اور زنجان «حاج قاسم »قویماروخ بیز پرچمین بیردم یاتا قویماروخ بیز دشمنین اهدافینه بیرآن چاتا نقش اولوب سربندیمیزده«یا لثارات الحسین» قانین آللوخ قاتیلیندن،قویماروخ قانین باتا موطنه شوریده عاشقسن کی باشسیز گلمیشن دوغرو دلداه گَرَک باش فکرینی باشدان آتا مین سلیمانی بیتیب بیر قطره قانیندان سنین تک تکی آماده دور کی سن کیمین قانه باتا باشیوی وئردین سن امّا ذلّته باش اگمدین عزّتین، وقرین گرکدی عرش اعلایه چاتا سن دفاع ائتدین حرمدن ،غیرت و ناموسیدن قویمادین تکفیری نسوان معجرینه اَل آتا... سن تک «القدسُ لَنانی» بیزده فریاد ایلروخ خصم اولوب ظالم لره، مظلومه امداد ایلروخ ذکریمیز«اِنّا فتحنادی لَکَ فتحأ مبین» صهیونیزمی محو ائدیب بیز قدسو آزاد ایلروخ ایلروخ ویرانه حیفا و تلاویو اولکه سین صونراسی مظلوم فلسطینی بیز آباد ایلروخ قویماروخ یاتسین عَلم ای قهرمان سرداریمیز پرچمین قُدسا وئریب بیز روحیوی شاد ایلروخ ... عرصه نی تنگ ایلروخ دنیاده بیز جانی لره سسلروخ بیز ننگ اولا حُکّام شیطانی لره بیز هامی سربازینیق ای باوفا سرداریمیز آچ گؤزون باخ بیرجه سن قاسم سلیمانی لره دشمنیندن انتقامین آلماقا بیز باغلاروخ ایندی« یا مَنصور اَمِتْ» سربندی پیشانی لره قدسو آللوخ صهیونیزمی محو و نابود ایلروخ بو پیامی ائتمیشیخ ابلاغ سُفیانی لره آرزیوا چاتدین داخی ایچدین شهادت شهدینی عرشه اوچدون سن قوشولدون گویده تهرانی لره اولدو زاهد بیر جوانین قونشوسو گول پیکرین غبطه ایلیر کل دنیاده بو کرمانی لره «یئل یاتار طوفان یاتار یاتماز شهادت پرچمی» افتخار ایلیر وطن بو ذکر زنجانی لره دور ایاقه ای علی نین گؤجلو مالک اشتری آه...سرلشکر ندندی تک قویوبسان حیدری؟! دور ایاقه سن علی نین باوفا عمّاریسان راضی اولما اینجیده بو درد هجران رهبری دور ایاقه سن ولی نین محرم اسراریسان آچ گؤزون سیّد علی نین قهرمان سرلشکری دور ایاقه بیرجه قدسون پرچمین آل چینیوه بیر به بیر تسخیر اله سن قلعه های خیبری دور ایاقه ای علی نین ذوالفقاری سال شفق بو چیراغسیز دیللره بیرده سویندیر دلبری آی دریر پارلاقلی آندیندان اُپوش اولدوز کیمی گون اوزوندن ،گؤزلریوه کهکشانلار مشتری قلبیمیز سن سیز تلاطم ایلیری دریا کیمین تشنه ییخ دیداریوه بیز بیر قورو صحرا کیمین ایکّی شهپر حقدن آلدین جعفر طیّار تک قاف وصله ساری اوچدون شوقیلن عنقا کیمین خوشدو داغیندا اوخونسون فاطمیّه روضه سی سنده قالدین اود آراسیندا آنان زهرا کیمین پاره پاره پیکرینده بیر مُجسّم روضه دیر اربأاربا اولدو جسمین اکبر لیلا کیمین پیکرین قاسم کیمی باشدان ایاقه یاره دیر قطره قطره آخدی قانین گوهر یکتا کیمین تک اوزی بیر روضه دیر قانه باتان انگشترین اولمادی غارت ولی انگشتر مولا کیمین ذوب اولوب قان برکه سینده گول وجودین شوقیلن غرقیدیر روحین شعفده عاشق شیدا کیمین گول وجودینده بورونموش قانه،آه ای سرسپاه پیکرین اولموش مُقطّع شاه عاشورا کیمین «دوستی» نی تک غمینده سیزلادی قان آغلادی آخدی قانلی یاش گوزوندن چشمه حَمرا کیمین
616 مشاهده