بنام خدا #حضرت_علی_اکبر(ع) #سینه_زنی_زنجیر_زنی ##### سنی من نه نوعی اکبر آپاروم خیامه الان داغیلوبدی جسم پاکون ایلیوب بو دشتی الوان توپراقا سریلموسن سن جسم پاکون اولموش القان نیزه و سنان یاغوبدی باشیوه سنون بو چولده دانیشوم سنیله اکبر بو سراده هانسی دیلده ##### ای منیم ایشیقلی ماهیم نازنین نگاریم اکبر وا سسی گلن زماندا یاندی قلب زاریم اکبر باشون اوستونه یتیشدیم غم لر اولدی یاریم اکبر دور گیداخ منیله اکبرخیمه گاهه ایمدی مهمان تاجانیمدا جان واریمدی آغلارام بو حاله هرآن #### گول عذاروی دوتوب قان یاره وین اوغول سایی یوخ باشیوه دگوبدی خنجر سینوی یاروبدی مین اوخ پیکرون ورق ورقدی آغلورام بو حاله من چوخ اولموشام دچار محنت یوخ اوغول بو درده درمان بوکولوب بئلیم علی جان اولموشام بو چولده گریان ##### داغولان بوجسمی اکبر نجه من یغوم عبایه سنی بیله گورسه عممون سالار اوت بوکربلایه ایلویر قیامت عممون نی کیمین گلرنوایه سنی بحر پر بلاده سالوب آیری حاله طوفان نجه حمل ائدیم خیامه سنی من بو حالدا ای جان ####### صورتونده هاشمی خال اوخلارا نشان اولوبدی بوخبر چاتوب خیامه ناله گویلره دولوبدی ساچلارین یولوبدی لیلا گول کیمین آنان سولوبدی سنی بوسراده ایلوب آل کینه سینه سوزان یاتما تپراق اوسته اوغلوم دور تلاوت ایله قرآن #### گوزلری قالوبدی یولدا آغلوری رقیه هردم چاغورور سنی او دختر گوز یاشین توکور چو شبنم اصغری اوپور اورکدن آه چکور او دخت پرغم حالیوه بو لحظه آغلور کربلاده حی سبحان دور دئنن سالوب بو حاله سنی هانسی نامسلمان ###### بو بلالی چولده اکبر بی معین و بی پناهم دوشموشم یم بلایه غرق شور و شین و آهم دور ایاقه اکبر اوغلوم تا گیداخ خیامه باهم دوزدی قامتیم اولوب تآ یوخدی منده طاقت الان سن اگر بو چولده قالسون آغلارام اولنجه هر آن ##### فاخرا بو ماجرادن دیده تر اولوب ملک لر اغلایوب بوحاله گویده مهر و ماهیلر فلک لر اود توتوتوب یانوبدی اول دم سینه ده بوتون اورک لر یغوب اکبری عبایه گوز یاشون توکوب او سلطان آغلایوب بو حاله اول شه اول زمان چو ابر باران *🖋مسلم فرتوت فاخر* """"""""""""""""""""""""""""""""" التماس دعا *http://eitaa.com/mo1346* *لینک کانال اشعار فاخر در (ایتا)* _______________ *https://chat.whatsapp.com/DXJWjwM6fQvHq43NRnXphG* *لینک گروه اشعار فاخر(احباب الهدا)* 🏴🏴🏴🏴🏴🏴🏴🏴🏴