دوبیتی حضرت علی اصغر (ع) زبانحال امام حسین علیه السلام قانه بلشن لبلری عطشان علی لایلای گولدون اوخا سن ای گل خندان علی لایلای مبهوت ائلدون ارض و سمانی بو ایشوندن جان جان دیورم منده سنه جان علی لایلای چالما ال ایاق قوی بیر ئوپوم قانلی بوغازون چالما ال ایاق ای قوزی قربان علی لایلای سینمده سنی ساخلیارام ای گل نازیم تا حشره کیمین ای منه جانان علی لایلای گتدیم سنی آغوشیده دشمن سویی وئرسون یوز وئردی بو میدانیده بحران علی لایلای یاتمیشدون ال اوسته ولی دیسکیندون اویاندون دیدی بوغازوندان نجه پیکان علی لایلای سن دینه فدا اولموسان ای نوگل زهرا آغلار سنه هر یرده گلستان علی لایلای امداد ائدنیم یوخدی بالا آغلیورام من نیلوم نه دیوم ای گل رضوان علی لایلای آواره قالوبدور گوزلیم یوللاری گوزلور بیچاره ننون خیمه ده گریان علی لایلای وار غملی ربابه نه جوابیم بو زماندا اخیامه گئدیم من نجه الان علی لایلای بو عرصه ده آواره بابون نیلسون آخر اولمادی سنون دردیوه درمان علی لایلای آسوده اولوبسان گئدوسن باغ جنانه گئت جنت الاعلایه شتابان علی لایلای محسن عمووه یولداش اولوب آغلا حسینه یالقوزدی دئنن شاه شهیدان علی لایلای ای (طیبی) زیبا یازوسان کرب و بلادن آغلار گوزیله سسلیوسن جان علی لایلای قال وقریله بو شاه شهیدان قاپوسیندا امداد ائده جک عالمه سلطان علی لایلای ایستورسن اگر جنتین امضاسینی وئرسون دامانینی دوت اولما پریشان علی لایلای کربلایی حسن طیبان #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---