بنام خدا ایام فاطمیه «مدح و منقبت بانوی بی بدیل خلقت حضرت زهراس تا آخر با آرامش بخوانید و...» •┈┈••✾✾✾••┈┈• بحر غم موج ایلیور طوفاندی بو ایامیده انس و جن حوروملک حیراندی بو ایامیده قوزانور افلاکه یئردن ناله و افغان سسی فاطمیون روز و شب نالاندی بو ایامیده عالم معناده آغلور اهل بیت مصطفی انبیاء و اولیاء گریاندی بو ایامیده مجلس ماتم قوروبلار ماسوالار عرشیده قلب آل مرتضا القاندی بو ایامیده "" "" "" "" " مات و مبهوتم خدایا چات منیم فریادیمه تا منه معلوم اولا شأن و مقام فاطمه کیمدی بو بانو فراقینده ملک لر آغلایور ماخلق لرله خلایق باشه قاره باغلایور خالق ارض و سماوات گویلره قاره چکور یاس توتوبدی عالمینون اهلی گوز یاشی توکور قالموشام آیا نیه سقف فلک لر سینمادی آه زهرادن زمین و آسمانلار یانمادی جان عالم لر فدا یا فاطمه عنوانیوه شیعه لر گوز باغلایوب الطاف بی پایانیوه جانیوه جانلار فدا بانو عنایت ایلدون عمرون آز اولدی ولیکن چوخ کرامت ایلدون نفرین ائتسیدون خانم بیردفعه گر اعدانی سن یاندیراردون نار قهرونلا اودم دنیانی سن جور اعدادن خانم بیرلحظه راحت یاتمادون طول عمروندا بیرین بیردفعه نفرین ائتمه دون اولدی وردون روز و شب عجل وفاتی ای خدا ایلدون شام و سحر سن کائتاتی هی دعا حق سنه خاطیر جهانه لطف و احسان ایلدی عالم امکانی ازدم خانه ویران ائتمدی فاخرم تا جان واریمدی بو سراده سائلم شاکرم کی جیرهٔ خیر النسایه قابلم قوسالاردا قاشمارام والاهی بو درگاهیدن چون گدای فاطمه باشدی جهاندا شاهیدن 🖊مسلم فرتوت فاخر http://eitaa.cm/mo1346 •┈┈••✾✾✾••┈┈• https://t.me/mslm_fakher کانال اشعار فاخر (احباب الهدا) ــــــــــــــــــــــــــــــــــــــــــــــــــــــــــــــــــــــــ