خلوت دل
گجه کچدی یاریدان سائل بازارم هنوز
مست جام ازلم واله دلدارم هنوز
یوخی گلمورگوزومه دلده واریم ذکردعا
هامی یاتمیش ولی من غرق درافکارم هنوز
داش ترازوایدورم ایندی عملکردیمی من
خیرعمل گورمیورم بلکه بدهکارم هنوز
استغاثه ایدورم خالق منانه گجه
آچیلوب توبه یولی طالب دادارم هنوز
دل دیورگیت ولی ابلیس دنی گیتمه دیور
دل ونفسیم چالیشورمحوبوپیکارم هنوز
چوخ گناه ایلمیشم بوشدورالیم شرم ایدورم
آیری یول یوخدی منه توبیه وادارم هنوز
یولچیام مستحقم یالوارورام درگهینه
دیورم عفوایله یارب گنه بدکارم هنوز
دوت الیمدن منی قویمایخلام رب جلیل
سن اوزون مشگل آچان منده گرفتارم هنوز
"نادر"ی عفوایله سن شاه شهیدانه گوره
نچه ایلدی بوشهه من سگ دربارم هنوز
التماس دعا
شعرازحقیرالمادحین نادرپناهی گرمی