بۇرا نینوادی زینب، بۇ مکان نواسیز اوْلماز آدی کربلا اوْلان یئر ، بیلیرم بلاسیز اوْلماز بۇ زمین پاکه قانیم وئرر آیری بیر اثرلر سوْرا قانلی تُربَتیمدن گۆلِ آرزو دَرَرلر اؤپوب اَل به اَل جاهاندا، اوْنۇ تُحفه گؤندررلر اوْلا هر مریضه قیسمت، مرضی شفاسیز اوْلماز من اؤزوم خلیل عشقم، بۇرادۇر مِنای عشقیم اوْ فرات، زَمزَمیمدیر، بۇ مکان صفای عشقیم بۇ مکاندا سن قوْناقسان، منیم اصلی مسکنیمدیر بیلیر‌م ندیر حدودی، هارا عین مدفنیمدیر باخ اوْ تل،ّ سند‌ن اؤترو، بۇ چۇخۇر مکان منیمدیر هارا سالک طریقت، گئده رهنماسیز اوْلماز اوْ فراتی کی گؤروبسن، بیزه گؤرسَدیر سییاهه منی سسله‌ییر یئتیرسوْن، سؤزونو بۇ بی‌پناهه کی گَلین بیر آز سۇیۇمدان، آپارۇن اوْ خیمه‌گاهه دوْلانار مُباح اوْلان سۇ، ستم و جفاسیز اوْلماز اۇجالیب سسی فراتین، ولی خیلی باکِنایه سۇیۇنۇ تعاریف ایستیر، ائده سۆد اَمَر بالایه کی گَل ایچ نقدر ایچیرسن، سوْرا ائیلمه گیلایه قد‌غن اوْلاندا گَلسَن، بوْغازۇن یاراسیز اوْلماز باجی من کی شیش جهات و دوجهانه پادشاهم گَرَک آلتی گوشه بیر قبر، ائدَ‌لر منه فراهم اۆرگیم چوْخ ایستیر اوْردا یاتاق اکبریله باهم ائله بیر مزاریم اوْلسا، بئله مه لقاسیز اوْلم 🎤زنده یاد حاج محمد باقر منصوری ✨اَللّهُمَّ عَجِّل لِوَلیِّکَ الفَرَج✨💫