رباعیات درفراق برادر 🍃🍃🍃🍃 دوزنمورم فراقوه آی قارداش گیدنمورم اطاقوه آی قارداش قبرون اوسته گلوب ائلر آغلیار خوش گلدین ایت قوناقوه آی قارداش 🍃🍃🍃🍃 گیجه گوندوز ایشم اولوب وای قارداش سوزه گلن دم دیرم آی قارداش بو محنته دوزه بیلمز اورگیم گورنمرم گل یوزوی دای قارداش 🍃🍃🍃🍃 کیمه دیئوم دل سوزومی آی قارداش اورگیمون یوخ دوزومی آی قارداش الله بیلور سن دنیادان گیدنن ایترمیشم دای اوزومی آی قارداش 🍃🍃🍃🍃 الدرم لار آخان زمان آی قارداش گون چمنه شاخان زمان آی قارداش گوزوم یاشی اوز اوزینه سوزولر بوش یره باخان زمان آی قارداش 🌺🌺🌺 گون باتداندا قان آغلارام آی قارداش ایوای دیئوب دل داغلارام آی قارداش فلک سنی آلدی منم الیمدن ئولنجک یاس ساخلارام آی قارداش ✍ شاعر (( شاکر))