مظهر مهر محبت ی انا {{{ ☆ ( آنا ) ☆ }}} الیاس ملک پور مظهر مهر و محبتدی آنا نقطهء اوج مودتدی آنا دوداقیندا گولوشی صبح و مسا مایهء شور و مسرّتی آنا ییغیشار اهل حرم دورسینه مطلقا محور وحدتی آنا باغباندور آتا گوللر باغینا گوللره گولشنه زینتدی آنا دامنی مدرسه عشق و وفا مصدر مهر و عطوفتدی آنا سید جواد حسینی: آنانی آلله عزیز خلق ائلیوب اودیکی مایهء عزّتدی آنا خلقتین فخریدی زهرای بتول الغرض علّت خلقتدی آنا بالا بیر درده دچار اولسا اگر هر زمان دردینه شرکتدی آنا علی جعفری(عاجز): عزت و شأن و جـلالی اوجـادی ذات حـقـدن بـیزه نـعمـتدی آنا ئو پَه سن اللرینی کعبه کیمی گـولـه بـیـر دفـعـه کـفـایتدی آنا دلجو: چشمه ی مهریدی هم عاطفه دی مایه ی فخر و سعادت دی آنا کیمسه وئرمز آنانین خلقه یئرین بس کی با عشق و محبت دی آنا ذات حق زمزمه سین رد ایلمز بس کی دارای فضیلت دی آنا سنی بیر دفعه دعا ائتسه اگر گوره سن صاحب شوکت دی آنا بیرده زهرایی اگر اولسا یقین معدن حجب دی عصمت دی آنا محمدتقی جابری: نعمت حقدی آتا خلقت آرا ولی باشدان باشارحمتدی آنا بسله دی فاطمه زینب کیمی قیز بلونه کان حمیّتدی آنا مَخلَص جمله احادیث بودور لطف خلّاقیدن آیتدی آنا وصف شانینده فقط بسدی بوکه اُسوه صدق و صداقتدی آنا ثبت ایدوبدوربوسوزی خامه عشق شاهکار یَدِ قدرتدی آنا سید بشیر حسینی: آناسی واردی کیمین خوش حالینا یاشاییش مولکونه جنّتدی آنا حاج ستاررزاقی: بس که بالادی مقامی ، بالیا هر زمان قابل حرمتدی آنا دائم اولادینه بو دنیاده مایه ی عزّ و شرافتدی آنا گوز آچاندان، بیزه بو دنیاده روز و شب نور هدایتدی آنا بیزه بو نعمت بی مثل و بدَل بَذل ذات اَحدیّتدی آنا عباسی (احسان): سینه سی عاطفه نین دریاسی صاحب ملک محبتدی آنا ایاقی آلتدادی جنت قاپیسی با صفادرور گل جنتدی آنا حیف اولا دامنیوه چاتمور الیم دیل دولی آهیله حسرتدی آنا پر بها گوهریمی تپراق آلیب سنسیز عالم منه غربتدی آنا حاج اصغر عدلی: پاک دل اسوهء تندیس حیا صاحب عز و قداستدی آنا درسینی حضرت زهرادن آلوب رهرو راه ولایتدی آنا هر قرانلیق گئجه ده صبحه کیمی اریین شمع هدایتدی انا گوهری: مظهر معرفت وحجب وحیا پیر عرفان و طریقتدی آنا مکتبی مکتب الُ اللّهدی صاحب علم و فضیلتدی آنا محمدرضاصادقی(شیدا): او حسینون آدین اورگتدی منه مرشد و هادی نهضتدی آنا غیضعلی اشرفی( عارف): اورگی صدق وصفادن دولدی معدن مهر و مودتدی آنا گیجه لریاتمادی یاتسین بالاسی چونکه اولادیله راحتدی آنا اوزونه فاطمه نی رهبرایدوب پیرو مادر عصمتدی آنا عمرینی باشه وئرن زحمتلن هرزمان طالب خدمتدی آنا بالانین فکریجه دائم یاشیان غرق حزن وغم ومحنتدی آنا صابر ثمودی: مثل پروانه دولانام باشینا چون منه شمع محبتدی آنا پرلریم یانسادا یانسین نه غمیم عیبی یوخ روحیمه لذّتدی آنا کعبه دن حرمتین اُولا بولرم تابع حکم شریعتدی آنا