🔹️آنا مقامی آنانین اولمه سی انسانی پریشان ائیلر اود ویرار قلبلره گوزلری گریان ائیلر هر کیمین وار آناسی دیزینین طاقتی وار دانیشان وقتیده خوش لحنیلی هم صحبتی وار غم دوتان وقتیده قلبی،سوزه خوش فرصتی وار هر کیمین یوخ آناسی غصه دن افغان ائیلر آنانین اولمه سی انسانی پریشان ائیلر یوخ محبتده یقینا آنانین همتاسی اولاد اوسته اوتا یانماقدا یوخی پرواسی یوخ نظیری بو جهان دا آنانین لالاسی اوننان آیریلما چتیندی اورگی قان ائیلر آنانین اولمه سی انسانی پریشان ائیلر مهربان روح و روان دی هامی انسانه آنه بالا چون شمعیدی روشن،اونا پروانه آنا حیف دور کی یتیره عمرونی پایانه آنا بالانی آیریلیقی دهریده نالان ائیلر آنانین اولمه سی انسانی پریشان ائیلر