🏴 🏴 ✍شاعر:علی اکبر اسفندیار ▪️▪️▪️▪️▪️▪️▪️ اون که بیه امه ریشه اَمِسّـه زحمـت کشـیّه سختـیِ دنیـا بَـدیه اون مه جان بابا بیه اونی که غم کِرده شه دل تا که وَچون نَـوّن خجل آرزوها داشته شه دل آخـر بَـورده زیـر گِـل اون مه جان بابا بیه اونی که داشته آرزو بـرای حفظ آبـرو هیچ کسی ره نزوعه رو اون مه جان بابا بیه اون که بِیّه بی قیل وقال زحمت کشیّه طول سال بِیّـه وِنـه فکر و خیال مـره هـاده نـون حلال اون مه جان بابا بیه اون که مه وِر کرده دعا بـه غـم نَهـووم مفتلا اون مرد پاک و با خدا اون مه جان بابا بیه