حوالات اربعین زبانحال خانم کلثوم (س) گزوب   فغانیله   کلثوم   او   دشت  پر   غمده تاپوبدی    قبر      ابوالفظلی     نهر     علقمده باخوب  او  خیرداجا    قبرینه    احترام  ایلدی دئدی  ئولونجه   باجون   اودلانار   بو   ماتمده **** ازل   سلام    ایلدی    اول   وفالی   قارداشینا آچوبدی  زلفینی  یولسون   الین  آتوب  باشینا وئرب  اجازه نی کلثوم  او  دمده  گوز   یاشینا دئردی  دور   باجیوام گلموشم  اوزاق  یولدان گیچن حسینه گوره   ای ایکی  اوزون قولدان اگر چه قیخ گون اولور آیریلوب  باجون  سندن بو آیریلوق منی قارداش جانی سالوب دیلدن باشیمزا  نه گلوب قیخ  گونی سوروش مندن بو  اربعینه   گلوبدور    باجون      دل      آزرده بو  آیرلیق   منی  گل  تک   ائدیبدی    پژمرده بو    سّریدن    منی   آگاه    ایله   سنی    زهرا نئیه    کناره    دوشوبسن     حسیندن        آیا بیله   خیال    ائدورم   سویلدی    اونا       سقا یاتار    کنار    آقادان    رسمدور   باجی   نوکر منم   غلام   حسینه - اودور    منه      سرور اوزاقدا  یاتماقوم   اوندان  اگر   چه  نسگلدی ولی بو   مطلبیمون  درکی گر   چه مشگلدی گلنده  قبریمون   اوسته   آنام  باخوب  بولدی خیال    ایلمه   بو   ایشده   غفلت   ایله موشم ادبی  من    باجی   بوردا   رعایت   ایله موشم اولوبدی  مطلبه  قانع  گئنه   ائدیبدی  خطاب دئدی   رقیه  جانی   وئرگیلن   دوباره   جواب نئیه مزارین  اولوب  خیردا  قلبیم  اولدی کباب او   قد  و  قامتی  که   سنده    واردی    گویا بو  خیردا   قبریده   سویله  نئجه  یاتوبدور اخا بیان    ایلدی   شک   ایلمه    حمیده   خصال اگر چه   قلبین  ائوین   بو سوزوم   ائدر  پامال بو کلمه نی باجی  دقت   ایله  خیالیوه   سال سنه    بیان    ایلیوم    مطلبی   حمیده    سییر بیچیلسه هر  نه  باجی سن  قبول  ایله کیچیلر او قد  و   قامتیمی  باجی  دوغراموشدی  عدو نئجه  دئیوم  گوزومی حتی  اوخلاموشدی عدو بو جسمیده قالا ساغ یئر ده  قویماموشیدی عدو اودورکه قبریم اولوب  خیردا  آیری  فکر ایلمه گئدنده   یثربه   ام  البنینه     ذکر      ایلمه بورا    گلنده     آنامیز    او     لیل        عاشورا حسینیدنده  قباق   لطف   قیلدی  گلدی   بورا دئدیم نه نه سنه  قربان حسین هارا  من  هارا بیوردی  کاش  گویردیم   بو  یرده   قبریز  وار سنیله بیرده حسینون   منه  نه  فرقیز   وار بیوردی یوخدور  آنان  غم  یئمه  سنین  آنانام حسینیدنده  قباق  من  سنی   یادا   سالانام بو قانلی عرصه نی من  بو گئجه گرک دولانام گورم    شهیدلری    بیر  بیر  من   ایلیم   ایثار تنور   خولیده   بیر  قانلی   باش   ائدم   دیدار دا  (( یادگاری ))   قوتار  مطلبی  سنی  تاری اماندی    گتمه   گیلن  شهر  کوفییه   ساری دئمه   نه   جور   دولاناردیله   کوچه    بازاری بو    اربعینیده    گل   کوفه دن    بیان     ایتمه امام  عصر   اورگین   بسدی  بوردا  قان ایتمه