اسم القصيدة : يااهل العالم اسم الرادود : #محمد_الجنامي اسم الشاعر :#كرار_حسين_الكربلائي ( القصيدة من الحان التراث الباسمي ) المناسبة : الليالي الفاطمية 1443 المكان :كربلاء المقدسة/حسينية الشكرجي/صنف النجارين 🏴🏴🏴🏴🏴🏴🏴 يااهل العالم.... روحي... جروحي.... اتدور عن وطن وبغربة ادم.... وحدي.... اشعندي.... عايش بالزمن ماشايف راحه..... علي علي علي مكسور اجناحه.... علي علي علي آه من الزمن ................. العاش ابسكوته...... يتمنه موته..... المن يسولف دمعته ومحد يفهمه تنظرها وادم..... بس مو اوادم.... المايجرح بسيفه...بالحچي جرحك يلچمه بين الخليقه.... احچي الحقيقه.... واليحچي عنك بالظهر ماعنده ذمه بعض الأقارب.... مثل العقارب..... ام الجمل... حاشا الجمل تتسمه امه آه من الدنيا...... دارت...... صارت.... غابه من البشر بس الله اليدري..... بناري..... ابداري.... ياضلع انكسر طفوا مصباحه..... علي علي علي مكسور اجناحه.... علي علي علي آه من الزمن ..................... ياگلبي ضايع..... بين المواجع..... ليش ابمحطات القهر عمرك گضيته ليل اليجيني...... سهرانه عيني..... وبس الوساده تدري بالدمع البچيته بجروحي وحدي...... والدنيا ضدي..... ردت الأسولفله الجرح بس مالگيته العنده شماته..... تصعب حياته..... مثل اليضم دمعه ابنهر.... دمعي خفيته حاير بأحزاني..... ابليلي.... وحيلي.... ياناس انهدم ماينشف زمزم.... دمعي.... وضلعي.... چم مره انهشم ذبحوا افراحه.....علي علي علي مكسور اجناحه.... علي علي علي آه من الزمن .................. عشت ابزماني..... لا مو زماني....السميته صاحب صحبته طلعت مطامع واقعها واضح...... صحبة مصالح.... الماتتكر العشره صفت عد الأصابع نكروا عشرتي.... باگوا فرحتي.... ناس الكلت زادي سبب هاي المواجع لا مااعاتب.... بالدتيا صاحب.... أنه ادري اصل المشكله طيب المراضع الخطوط الحمره..... عبرت.....نكرت.... للزاد وملح والچنت انطيهم..... عيني.... سنيني.... جازوني بجرح يتلگه ارماحه...... علي علي علي مكسور اجناحه...... علي علي علي آه من الزمن ................... فارگني غالي.... شيبلي حالي..... يهل الصبر رايد صبر يقنع دمعتي اصعب مشاعر..... لمن تكابر.... اضحك چذب بين الخلگ وآنه ابحسرتي فقد الأحبه.... يسمونه غربه.... وآنه اكبر من اسنيني يعالم غربتي الودع حبيبه.... ايعيش ابنحيبه.... وآنه حبيبي ينرسم دمعه ابصفنتي ومفارگ راحة..... بالي.... الغالي.... مايرجع بعد جرحي اعله الزهره...... شكبره..... وذكره..... للمحسن مهد دمعاته اسلاحه..... علي علي علي مكسور اجناحه..... علي علي علي آه من الزمن ................... بهاي الهضيمه..... روحي يتيمه..... صعبه على المثلي ترى ايحرگوله بيته داسوا عتبتي.... ضربوا حرمتي.... عصروها والمحسن هوى وميت لگيته فگدت ابنها.... وأسود متنها..... الذاك الأثر عالمغتسل ظهري حنيته الكسّر ضلعها.... ابخدها صفعها.... الطگ فاطمه ابچعب الرمح لا مانسيته اللهم اشهد.... جورا... جهرا... قتلوا فاطمه راحت ام بيتي.... تدري.... ابأمري.... يارب السمه گطعوا سباحه..... علي علي علي مكسور اجناحه..... علي علي علي آه من الزمن 🏴🏴🏴🏴🏴🏴🏴