شعر شماره ۹۰ عرض ارادتی خدمت حضرت سیدالشهداء علیه السلام علیه السلام (لیلای منی ، مجنون توام) @Navayebikas 🌘🔷🔷🌘 @Navayebikas تیره گجه لر ، مهتابیم حسین سَنسن او گُلِ ، نایابیم حسین دوتدون اَلیمی ، گلدیم قاپیوا یوخسا یوخودی ، اَسبابیم حسین عالَمده منه ، بَسدور بو مقام من نوکر اولام ، اَربابیم حسین سنه تای آقا حسین تاپانمارام عشقیوی اوزگه سینه قاتانمارام سَنسیز اوز مَرامیمه چاتانمارام تاجِ سَریم ، سَنسن دلبریم بَسدور منیم ، اولوبسان سَروَریم گول آدیوین ، فداسی گوزلریم نوکریوَم ، ای رهبریم حسین ، وای @Navayebikas 🌘🔷🔷🌘 @Navayebikas من عاشقیوَم ، زهرا بالاسی وار کیمسه لرین ، سن تَک آقاسی گوزدن منی سن ، گَل سالما حسین دشمن ووروری ، چوخ دیل یاراسی بَزمونده منه ، یرِ ساخلا آقا وار نوکریوین ، آخر هاراسی قاپیوا دالدالانان گَدایه باخ عشقیوین دردینه مُبتلایه باخ غُصّه لی قلبیده کی نوایه باخ تاجِ سَریم ، سَنسن دلبریم بَسدور منیم ، اولوبسان سَروَریم گول آدیوین ، فداسی گوزلریم نوکریوَم ، ای رهبریم حسین ، وای @Navayebikas 🌘🔷🔷🌘 @Navayebikas گویلوم قوشی پَر ، ووردی حَرمه سالدی اوزونی ، خانِ کَرَمه فکریم بو دَییر ، جَنّاته گیدم قویمازلا منی ، باغِ اِرَمه سیز رَحم ایلیون ، بو دَربَدَره ئولسَم آپارین ، بینُ الحَرمه آپارین دولاندیرین شَه باشینا تاپشیرین اوردا یاتان قارداشینا آقامین یازین آدین ، باش داشینا تاجِ سَریم ، سَنسن دلبریم بَسدور منیم ، اولوبسان سَروَریم گول آدیوین ، فداسی گوزلریم نوکریوَم ، ای رهبریم حسین ، وای @Navayebikas 🌘🔷🔷🌘 @Navayebikas #تیره_گجه_لر_مهتابیم_حسین #محرم #جلالت #سیدالشهدا #مقام_نوکری التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas