✍🏻بسم الله الرحمن الرحیم ای شرف کون ومکان فاطمه ای هدف خلق جهان فاطمه ورد ملائکدی او ذکر لبون عرشی چکیر فرشه نماز شبون دیلده کی تکبیر دیرسن خانم یکسره معراجه گدیرسن خانم مهر نمازین بیزه مه پاره لر تسبیحین دانه سی سیاره لر چارقدین شش طرف آسمان گللری هر گوشه ده بیر کهکشان عرش الهی ده کی کروبیان هامی سی سنلن بالایان مدح خوان الله اوزی سسلدی کوثر سنی وردی رسول اللها مادر سنی ام ابیها سنی سسلور آتان ای آتایا هر آنادان مهربان عقل بشر درک المز زینبین زینبینین بیر اثری اربعین گور نه سالیب عالمه ظل اللهی وردی عباداللهه ثاراللهی کیم تانیا فاطمه نین قدرینی درک الیر قدر شب قدرینی یاخجی بویورموشدی خمینی امام اولدی محمده نبوت تمام یوخسا دیم مطلبی بی واهمه عالمه پیغمبریدی فاطمه کیمدی اونون قدی چاتا قدینه حدی چاتا فاطمه نین حدینه کعبه دن الله طرفی پای گلیب تا کی علی فاطمیه تای گلیب توی گونی باخ سن عمل کوثره باخمادی بیر ذره زر و زیوره دنیادا یوخدی بو عروسه نظیر توی لباسین هدیه آپاردی فقیر یار نه محبتلی یارادمیش سنی یاد الیسن بیر بیله همسایه نی یوز کی دوتور بیر قوجا نابینایا معنی وریر فاطمه کل حیا هر قاپی آشدیخجا کی وردین سلام حیدر کرار تاپیر التیام فاطمه قدرت کی وریر حیدره حیدر کرار ال آتیر خیبره تا اوز اوینده سنی سسلیر علی حقیده وار جنتی نیلیر علی من دمیرم قالدی نه حالدان حالا فاطمه  جان وردی ولایت قالا عمریم اولا کاش بو سوزه خاتمه فاطمه یا فاطمه یا فاطمه #حضرت_زهرا ✅پایگاه اطلاع رسانی و انتشار اشعار کربلایی علی حبیبی: 🆔 @SherealiHabibi