بسم الله الرحمن الرحیم💎
🌹🌹🌹🌹🌹
بو کیمدی اللری پایلیر جهانه آب حیات
اونون قدومینه خاطر یره یاغیر برکات
اولوبدی وصفینه عاجز حروفیلن کلمات
گورن ..🌹🌹🌹🌹🌹
حسین لشکری ایچره خود پیمبره باخ
علی کی یول گدیری سرویلن صنوبره باخ
یوزونده آئینه حیدریله کوثره باخ
دیبدی منزوی یکسر خلاصه "اکبره باخ"
بیزه محبتی والله اولوبدی راه نجات
گورن ..🌹🌹🌹🌹🌹
ملائکین اوزی سسلندی عین احمدی
بیر عده شکیده قالدی فقط مرددی
بیر عده شک ادیب آیا رسول سرمدی
رجز دینده هامی سسلدی محمدی
ادیبدی عرصه شطرنجیده بو لشکری مات
گورن ..🌹🌹🌹🌹🌹
ووراندا شمشیری هیچ ضربتینده یوخدی خلاف
مصاف جنگینه چوخ پهلوانلار اولدی معاف
گورن سوروشدی بو تیزلیخده کیم ادیبدی طواف
بیزه خبر وره کعبه دوباره گوتوردی شکاف
بو کیمدی یادلارا سالدی علینی در غزوات
گورن ..🌹🌹🌹🌹🌹
زره لری کسیری شمشیر اوخشور الماسه
ووراندا شمشیری لشکر گلیبدی احساسه
شرردی کی یاغیری دشمنان خناسه
بو کیمدی جنگیده بنزیر اوزون قول عباسه
بونوندا سول قولی ساغدان بتر وورور ضربات
گورن ..🌹🌹🌹🌹🌹
رئیس دفتر شاه شهید کرببلا
دیبدی روز الستدن حسینه قالو بلی
اودور کی اول ادیبدی حسینه جانی فدا
اولوبدی کرببلاده طلیعه الشهدا
کمال وصفینه عاجز قالیبدی کل لغات
گورن ..🌹🌹🌹🌹🌹
نجور کی یوسفه عفت مدالی حجتدی
نجور کی حیدره زهرا جلالی حجتدی
نجور حسینه پیمبر مثالی حجتدی
ولای مهدیه رهبر جمالی حجتدی
فقط ولایت اولوبدی جهانه راه نجات
گورن ..🌹🌹🌹🌹🌹
#حضرت_علی_اکبر #امام_حسین
✅ پایگاه اطلاع رسانی و انتشار اشعار کربلایی علی حبیبی:
🆔 @SherealiHabibi